السلام عليكم ورحمة الله وبركاته
انا معايا اوبترا 2004 و حاسس من صوت العربية ان الشكمان مخرووم
ولما حاولت اسد فتحة العادم من ورا 5-10 ثواني العربية فضلت دايرة
وهل لو هو مخرووم ياثر علي استهلاك البنزين؟؟
وشكراً
عرض للطباعة
السلام عليكم ورحمة الله وبركاته
انا معايا اوبترا 2004 و حاسس من صوت العربية ان الشكمان مخرووم
ولما حاولت اسد فتحة العادم من ورا 5-10 ثواني العربية فضلت دايرة
وهل لو هو مخرووم ياثر علي استهلاك البنزين؟؟
وشكراً
متابع
لما بتسد الشكمان اول عارض ان العربيه بتبدء تبرجل وبعد شويه تبطل فى حدود 30 ثانيه كحد اقصى(واول ما تسيب ايدك يفرغ ضغط زى الكانز) كده الشكمان سليم اما لو مبرجله ومبطلتش خرم صغير اما لو دايره ولا كانك سادد حاجه يبقى الشكمان مفتوح على البحرى
لو الشكمان مخروم حاجه بسيطه الموضوع مش حيتكلف 20 جنيه لحام وليه تسيبه مخروم اعمله
تمام ,ان قدرت تكتم الشوكمان بايدك او رجلك يبا مخروم ,ينعر ويسخن المكنه ,الحمه
انا سديته بايدي وحسيت ان العربية مخنوقة كدا بس حسيت الضغد بيزيد علي ايدي فخفت لا يفرقع ولا حاجةاقتباس:
المشاركة الأصلية كتبت بواسطة rotanamasoud
عادي اني افضل ساده والضغط بيزيد علي ايدي ؟؟
هو انا كتمته اقل من 10 ثواني كدا بس العربية مبطلتش فشلت ايدياقتباس:
المشاركة الأصلية كتبت بواسطة mecha
بس اول ما كتمته حسيت بضغط علي ايدي عالي
اعمل الموضوع ده والعربيه بارده الصبح عشان تاخد نتيجه واضحه وميكونش العادم سخن ياذيكاقتباس:
المشاركة الأصلية كتبت بواسطة mohamedehab95
صح كلامكم
على فكره اللحام مبينفعش ف الشكمان لو مخروم غيره وريح دماغك
عن تجربة:
الشكمان فضل مخروم فترة وانا معرفش
عرفت من صديق راكب جنبى
قالى ان الصوت بيرجح وجود خرم فى الشكمان
ما حطيتش ايدى ولا عملت الاختبارات دى لأنى مكنتش اعرفها ايامها
رحت علطول لحد متخصص شكمانات امين يبصلى عليه
اسمه حمدى فى المدينة الصناعية بكفرالشيخ
اللى قالى انه مخروم
ولحمه بخمستاشر جنيه
حسيت بفرق شاسع!!
اولا صوت العربية اهدى كتير
واستهلاك البنزين قل جدا !!
وعزم العربية لما اكبس بنزين زاد
وتسارعها اتحسن!!
لولا انى كنت ماليش فى السواقة خالص ايامها كنت المفروض افهم ده كله لوحدى
العربية كانت بتشتكى اصلا وانا مش واخد بالى.
فضل الشكمان الملحوم كويس حوالى سبع شهور
ماحصللوش حاجة غير لما خدت مطب جامد فجأة
حك فى العربية من تحت
ولقيت الصوت القديم رجع
ففهمت لوحدى طبعا المرادى!!
ورحت على نفس الراجل بتاع الشكمان
قالى الشكمان اتخرم تانى
بس افضّل انك تغيره المرادى
قلتله مشّى حاله دلوقتى وابقى ارجعلك اخر الشهر
وحصل
على اخر الشهر لما لقيت الشكمان ماشى حاله..اتأخرت عليه..
بس الأدب حلو!!
من غير سبب:اتخرم تانى!!!!
قمت جارى عليه
فى عرضك يا عم حمدى
قام مغير جزئين من التلات اجزاء اللى بيتكون منهم الشكمان
كلفنى حوالى 200 جنيه
كانت عربية دايهاتسو ميرا 94
ده كان سنة 2012
بس الصراحة:
من ساعتها ما شفتش من ورا الشكمان ده مشكلة لحد ما بعتها بعدها بأكتر من سنة.
اقتباس:
المشاركة الأصلية كتبت بواسطة dr_haitham79
ما دام الشكمان البارومه ضربت فيه ..يبقى تغييره أحسن ..فيه ناس بتمشي بيه كده نظام مشي حالك وإلحم اللي إتخرم لغاية ربنا ما يفرجها ..بس النظام ده بيبقى حل مؤقت جدا