Africa Park ادغال داخل الصحراء

**abou_ruqi** · 10-11-2008 12:24 PM

المشاركة الأصلية كتبت بواسطة human12

يوم الجمعه نويت و قلنا نروح افريقا بارك مع العائله
احنا كنا رحنا قبل كده قريه الاسد و كانت مش بطاله و الطعام رائع

طبعا السكه طويله اعمل حسابك فى 180 كيلو من مصر الجديده

الجمعه السكه كانت حلوه و فيه ميت الف كمين و موقفين ناس كتير بيطنطو عليهم و كان فيه حادثه عشان المطبات اللى قبل ضم السكه

المهم وصلنا على 11 رسم الدخول 200 جنيه للسياره كان زمان 100 جنيه هيجيك تذكرتين واحده عشان البحيره وواحده عشان القرود

وانت داخل بالعربيه هتلاقى كل منطقه انت داخلها مكتوب الحيوان اللى انت رايحله

المكان نضيف جدا و خضره جميله مع الصحرا روعه

اول حيوان كان النمر و انت ممكن تنزل تأكله و تلعب معاه :) و ابقى ادى الراجل جنيه

عموما اعمل حسابك فى حدود 15 جنيه فكه عشان تظبط الناس عشان تاخد احلى شغل

الحيوانات هناك مش كتير قوى بس متعه بجد فيه الضبع و النسانيس و القرود و سيد بيه قشطه و البغبغانات و الاسد انت بتعدى جمبه بالعربيه و تشوفه نايم و سايبين شبلين بيجروا وسط الناس و زواحف و جوله فى الميه بالقارب و قرود كتير
النسانيس دول مشكله كبيره بتدخل حته كده و يقفلو علينا و احنا جزه العربيه و القرود تتنطط حوالينا مشكله بجد

المطعم زبااااااااااااااااااااااا اله و غاااااااااااااااااااالى مش عارف ايه خبطنى على نافوخى و خلانى ناكل هناك 250 جنيه فى اكل مايسواش 3 تعريفه يقرف بجد

اعمل حسابك العربيه هتبقى زباله بعد النسانيس هتدفع 7 جنيه لواحد ينضفها من بره و ينفض الدواسات و انت فى الجوله المائيه

و اعمل حسابك ان العربيه هتكون مردومه تراب فظبط نفسك تنضيف ارضيه لما ترجع ب25 جنيه فى اى محطه كويسه و غسيل بودى كمان

بس الموضوع جميل بجد

لو على الغدا لو تحبو ممكن بعد البارك تتطلعو فى طريق اسكندريه 3 كيلو كمان و تاكلو فى قريه الاسد هتتبسطو جدا

و ده لينك فيه شويه صور

http://www.flickr.com/photos/masri/s...7604749892697/

نوعها ايه الكاميرا اللي معاك ؟؟؟

**human** · 10-11-2008 12:46 PM

الكاميرا :
Canon 30D
العدسات
Sigma 10-20
Sigma 24-70/2.8
Sigma 70-300
Canon 50 mm/1.8

**GoldenManEye** · 10-11-2008 02:15 PM

الصور أكتر من رائعة!!

إنت محترف تصوير والا إيه؟! :)

**human** · 10-11-2008 02:20 PM

اهلا يا ابو ادهم
والله هى هوايه مش احتراف
يعنى حاجه كده بعملها وانا مبسوط
طول عمرى كان نفسى اصور
و لما كبرت فضل الحلم معايا لغايه ما ربنا فرجها و اشتريت اللى نفسى فيه

**Ahmed Hamdy** · 10-11-2008 03:00 PM

الصور ما شاء الله جميلة جدا واحترافية ..

معلش سؤال كمان عن الكاميرا .. هى كاميرا ديجيتال ولا عادية ؟؟

أصل الكاميرات الديجيتال اللى جربتها مش بتطلع صور كده .. يعنى بتطلع صور حلوة جدا بس فى تأثيرات معينة زى مثلا صورة البطة اللى هى الفوكس عليها بس الزرع الى جنبها ووراها صورته مهزوزة كده .. صعب تطلع بكاميرا ديجيتال ..

http://www.flickr.com/photos/masri/3...7604749892697/

**human** · 10-11-2008 03:11 PM

الكاميرا ديجيتال
و التأثيرات ديه مش من الكاميرا ديه من ال العدسه
فيه حاجه اسمها ال Depth of Field (DOF)

نوع الكاميرا هو SLR - Single Lens Reflex
ده غير الكومباكت
الفكره ان السينسور كبير فالالوان بتكون صح و البيكسلس بتكون صح مش ميجابيكسلس على الفاضى
فىه كاميرا Canon MKI وديه اربعه ميجابيكسل و بتتباع مستعمله ب 1000 دولار و يمكن اكتر عشان هيه السينسور Full frame

و فيه المياميا و كذا نوع تانى بتكون Medium Format الكاميرا بتعدى كذا الف ممكن 12 الف و كده بس ديه الصوره بتكون هتنطق و تقول بابا و ماما

**MoToRiZeR** · 10-11-2008 06:49 PM

المشاركة الأصلية كتبت بواسطة human12

الله يخليك يا باشا و انشاءالله هتتبسط قوى
و اوعى تاكل هناك :)

لا بجد إنت ما شاء الله عليك حسيت إني بتفرج علي صور في مجلة ناشينوال جيوجرافيك :) إستمر بجد إنت فنان .

**ramyso4** · 10-11-2008 09:49 PM

سؤال رفيع هو الطرق ممهدة ولا جو غابات فعلاً بقه والعربية هتتبهدل علماً انها واطية وهتشيل 5

**ZALABANY** · 10-11-2008 10:42 PM

أحييك على الصور فعلا فنااااااااااااااااااااااا ااااااااااااااااااااااااا ااان

**fady.bekatcho** · 10-11-2008 11:48 PM

انا كان نفسى اروحها وكنا عايزين نطلعها رحلة

شكرا يا غالى على المعلومات

بس سوال هو لو طلعت رحلة هياخد على الاتوبيس 200 جنية برضوا ولا اية

وانت بجد تصويرك ممتاز يا مان

الموضوع: Africa Park ادغال داخل الصحراء

LinkBack

أدوات الموضوع

عرض

-

-

-

-

-

-

المواضيع المتشابهه

داستر الصحراء...........ثعلب الصحراء الجديد

africa twin

Corolla highline 2010 South Africa

داخل كليه الطب - عندك حد داخل طب خش و اسال اللي انت عاوزه

how can i go to dream park

الكلمات الدلالية لهذا الموضوع

المفضلات

المفضلات

ضوابط المشاركة