Africa Park ادغال داخل الصحراء

**human** · 09-11-2008 11:39 AM

يوم الجمعه نويت و قلنا نروح افريقا بارك مع العائله
احنا كنا رحنا قبل كده قريه الاسد و كانت مش بطاله و الطعام رائع

طبعا السكه طويله اعمل حسابك فى 180 كيلو من مصر الجديده

الجمعه السكه كانت حلوه و فيه ميت الف كمين و موقفين ناس كتير بيطنطو عليهم و كان فيه حادثه عشان المطبات اللى قبل ضم السكه

المهم وصلنا على 11 رسم الدخول 200 جنيه للسياره كان زمان 100 جنيه هيجيك تذكرتين واحده عشان البحيره وواحده عشان القرود

وانت داخل بالعربيه هتلاقى كل منطقه انت داخلها مكتوب الحيوان اللى انت رايحله

المكان نضيف جدا و خضره جميله مع الصحرا روعه

اول حيوان كان النمر و انت ممكن تنزل تأكله و تلعب معاه :) و ابقى ادى الراجل جنيه

عموما اعمل حسابك فى حدود 15 جنيه فكه عشان تظبط الناس عشان تاخد احلى شغل

الحيوانات هناك مش كتير قوى بس متعه بجد فيه الضبع و النسانيس و القرود و سيد بيه قشطه و البغبغانات و الاسد انت بتعدى جمبه بالعربيه و تشوفه نايم و سايبين شبلين بيجروا وسط الناس و زواحف و جوله فى الميه بالقارب و قرود كتير
النسانيس دول مشكله كبيره بتدخل حته كده و يقفلو علينا و احنا جزه العربيه و القرود تتنطط حوالينا مشكله بجد

المطعم زبااااااااااااااااااااااا اله و غاااااااااااااااااااالى مش عارف ايه خبطنى على نافوخى و خلانى ناكل هناك 250 جنيه فى اكل مايسواش 3 تعريفه يقرف بجد

اعمل حسابك العربيه هتبقى زباله بعد النسانيس هتدفع 7 جنيه لواحد ينضفها من بره و ينفض الدواسات و انت فى الجوله المائيه

و اعمل حسابك ان العربيه هتكون مردومه تراب فظبط نفسك تنضيف ارضيه لما ترجع ب25 جنيه فى اى محطه كويسه و غسيل بودى كمان

بس الموضوع جميل بجد

لو على الغدا لو تحبو ممكن بعد البارك تتطلعو فى طريق اسكندريه 3 كيلو كمان و تاكلو فى قريه الاسد هتتبسطو جدا

و ده لينك فيه شويه صور

http://www.flickr.com/photos/masri/s...7604749892697/

**douha_wise** · 09-11-2008 01:10 PM

ما شاء الله مكان راااائع بجد و كان نفسى اروحة لكن ممكن اعرف منك هل فية مصاريف داخلية اخرى للدخول بخلاف ال 200 جنية يعنى مثلا بياخدوا على العدد اللى راكب فى العربية فلوس تانى و كمان حاجة تانية الكاميرا اللى انت مصور بيها بسم الله ما شاء الله جميلة فعايز اعرف موديلها اية و ربنا يباركلك فيها
و جزاك الله خيرا

**human** · 09-11-2008 01:17 PM

اه يا كاسيو اخدت بمبه جامده :)

دوحا مافيش اى فلوس بتدفع جوه و مالهومش دعوه كام واحد فى العربيه
يعنى همه 200 جنيه و عيش براحتك جوه

**AHMEDCAR** · 09-11-2008 02:29 PM

و الله دخلتها ايام ما كانت العربيه ب 60 جنيه بغض النظر عن عدد الافراد حتى الحيوانات غليت

عموما هيه فسحه كويسه بس ما اروحهاش مخصوص بروحها لما اكون راجع من اسكندريه

**human** · 09-11-2008 02:36 PM

انا رحتها مخصوص العيال بتحب الحيوانات قوى و ده مخلينا زباين فى اى حته فيها حيوانات
والله لو الحاله متيسره انا كنت طلعت سفارى فى كينيا

بس يا احمد هيا اختلفت عنما كانت ب 60

**Chicco** · 09-11-2008 10:06 PM

بسم الله ما شاء الله ....تسلم ايديك يا باشا و ألف شكر على الموضوع الجميل ....بجد الطبيعة جميلة جدا .....ربنا يعينك يا باشا و تاخد العائلة الكريمة لسفاري محترم .....بس ما تنسناش في الصور ;)

**human** · 10-11-2008 10:25 AM

الله يخليك يا شيكو
و تسلم على الكلام الجميل

**MoToRiZeR** · 10-11-2008 12:18 PM

حمد الله علي السلامة من الرحلة الجميلة إن شاء الله أطلعها قريب
و علي فكرة تصويرك حلو أوي رووووعة انا حسيت إنه بروفيشنال :) ما شاء الله عليك و اللقطات نفسها حلوة جداَ .

**human** · 10-11-2008 12:20 PM

الله يخليك يا باشا و انشاءالله هتتبسط قوى
و اوعى تاكل هناك :)

-

الموضوع: Africa Park ادغال داخل الصحراء

LinkBack

أدوات الموضوع

عرض

Africa Park ادغال داخل الصحراء - انشر الموضوع فى :

-

-

-

-

-

-

-

المواضيع المتشابهه

داستر الصحراء...........ثعلب الصحراء الجديد

africa twin

Corolla highline 2010 South Africa

داخل كليه الطب - عندك حد داخل طب خش و اسال اللي انت عاوزه

how can i go to dream park

الكلمات الدلالية لهذا الموضوع

المفضلات

المفضلات

ضوابط المشاركة