موضوع شائك متى تقرر تتزوج على زوجتك ويكون هو القرار الصح؟؟
سوال محير جدا جدا وانا اتحداكم جميعا ان الفكرة الزواج مرة أخرى وانت متزوج دارت في عقلك الف مرة وان 95% بالميية من رجالة هنا في المنتدى خطرت على بالهم الفكرة ان لم يكن يزيد
والسوال الان متى يكون الزواج من أخرى فى صالحك او ضدك وما هي مشاكل الزواج التانى!!!
الإجابة الفورية من البعض ....... لا تفعل خراب بيتك ودمار لاسرتك واطفالك............الخ
على الجانب الاخر ....... ولكن اين انا من احتياجاتى النفسية والعاطفية والحسية وحالة الممل والروتين اليومى فهل ممكن اجرب حظى مرة أخرى مع من يسعدنى ويغير مجرى حياتى ؟؟
تعالوا نحسبها مع بعض كويس جدا ومن قصص رايتها بنفسى بل ولن اكذب انى عشتها أيضا يوما ما وحبيت اقولكم تجاربى في الحياة سواء لشخصى او لغيرى من واقع الحياة واجيب عن اخطر سوال يخطر ببالك هل زواج من أخرى معك ام ضدك وفى اى ظروف يجب ان تفعلها او لا تفعلها مطلقا????
هنقول الأول أسباب تفكير في زواج عل زوجتك الأسباب في كل الحالات واحدة تقريبا ... ان الزوجة المصرية على وجة الخصوص بعد الخلفة والعيال بيكون حياتها كلها للأطفال فقط وفقط وتزادا المشكلة اذا كانت المراءة تعمل عمل خاص فالصبح المراءة غالبا تعمل والعصر نوم وراحة من مواصلات وبليل مع الأطفال في ااداء الواجب المدرسى ........ واخر الليل سلاما هي حتى مطلع الفجر
وهنا يبدء الخطر الحقيقى عل الحياة الاسرية ويبدء كل رجل منا يفكر لماذا أصبحت اشعر بالغربة في بيتى ويبدء التفكير في الخطوات الأولى للزواج من أخرى لان انا رجل لية احتياجات نفسية وعاطفية وحسية بل وحتى جسدية وغالبا ما تكون اختيارك اما زميلة في العمل او قريبة من بعيد أصبحت ارملة او مطلقة والجو خالى زى ما بيقولوا او زوجة مسكينة لا حول لها ولا قوة واتمسكنت ادامك لحد ما جابتك على وشك ......... الخ
طيب تعالوا نحسبها من كل الوجوة وحتى من الاعمار والحالات الاجتماعية المختلفة بل وحتى الجنسيات الأخرى
الحالة الأولى ......انسة فى العشرينات سيادتك قررت تتزوجها وانت فى تلاتينات من العمر وداخل عل الأربعين او حتى عديت الأربعين رغم انك متزوج بس هتلاقى انسات ترضى بيك لو جيبك مليان حلو وعربيتك وشقتك فخمة متخفش هتلاقى بس هنا الزواج بمبدء نفع واستنفع وأول ما جيبك يفضى راح تتطلب منك الامورة الانفصال لان غرض الزواج انتهى ال وهو جيبك الممنون
الحالة التانية ...........ارملة هتتزوجها وهترضى بكل ظروفك وتجوزها كمان في سر وطلباتها معقولة جدا ومش مكلفة ومش هتطلب من منك تبات في البيت معاها خوفا ان زوجتك تعرف لانها راضية بيك عشان سيادتك هتقوم بصرف على أولادها اليتامى فاى شيء هتعملة الست هتوافق علية فقط لانها عايزة تربى ايتامها مش حبا في إرضاء سعادتك وتلبية لاحتياجاتك العاطفية والنفسية
الحالة التالتة .......... مطلقة .... هتدخل في مشاكل لا حصر لها خصوصا لو عندها أطفال عشان الرؤية الأطفال للطليق اللى هو اب اطفالها ومن حقة يشوفهم ناهيك ان هتحس وانت مع المطلقة هي واطفالها انك غريب في المنزل وانك مثل الشئ الدخيل زى ما يكون بتاكل صنينة
المحشى والكشرى في محل حلويات وجاتوة !!
طيب سيادتك سبت مصر كلها وفررت بنفسك الى جنسيات عربية أخرى. ومحسوبك اتعامل مع جنسيات اجنبية وعربية كتير جدا بحكم شغلى وخبرتى الطويلة في الحياة ..........
تعالى الى النظام سورى او ما يعرف بالاجئين السوريين في مصر وشامية جميلة زى القشطة والملبن بلغة الشباب الصغير وحاجة من الاخر وهتجوز بالف جنية فقط مهر وترضى تعيش معاك كمان في شقة ايجار مش تمليك وهتفقعلك زغروطتين وفرح بعشر كراسى وخلصت الليلة بس سيادتك البنت دى حاسة انها مكسورة جدا وانك اشترتها بفلوسك وهيكون جواها حقد دفين عليك انك استغليت ظروفها المادية والعائلية والسياسية في الزواج منها حتى وان لم تظهر لك ذلك فاى زواج هذا ؟؟؟
تعالى ال الجزائرية .......... اهل دين وورع ومحترمات بناتهم جدا على فكرة عكس ما ياقل عنهم في مصر وحافظين لكتاب الله وطلباتهم المادية معقولة جدا وبيحبوا المصريين كمان مشكلتهم الوحيدة عدم رغبتهم في الإقامة معك بمصر
تعاالى الى المغربية........ حلاوة وروح وكل شي بس متحررة اكتر من اللازم
تونسية ........ ما راح تقبلك أصلا ومتعالين واقرب الى الفرنسين في الطباع واللغة وكل شيء
تعالى الى بنات الخليج ........ مستحيل ترضى بيك من اصلة لان بناتهم بينظروا الى المصريين انهم شعب متسول وانك عايزها عشان انت فقير وطمعان في فلوسهم وشغل عندهم ناهيك ان النظام القبلى عندهم يحرم جوازهم من غير بلدهم خصوصا لو كنت مصري
تعالى الروسيات ..... جمال وبياض بطبع بس اول ما هتجيلك المطار خدلك ملابس ليها لانها هتجيلك لابسة شورت في المطار وكلمة شورت كلمة محترمة عشان الرقابة في المنتدى والله روحت مع واحد صاحبى اجيب مراتة من المطار كانت ليلة زرقاء واتخنقنا الف مرة انا وصديقى لحد ما عرفنا نجيب ليها لدوم لحد ما عدينا المطار الى اقرب محل نسائى وسط بلد وبعد زواج منها هتجدها من قرارة نفسها بتحتقر بنى جنسك عن تجربة شفتها بعينى ما حد قلى
تعالى الى التفكير في بنات اوربا يعنى مثلا بنت عربية مغتربة ......... دة اذاا عرفت توصل ليهم هي بتفكر فيك ان كل طلباتك هو الحصول على الجنسية والهجرة للعمل معها يعنى جواز مصلحة وحتى لو قبلت بالوضع دة فانت مذلول ادامها لان الجواز أصلا هنا مش لتعويض أشياء مفتقدة عن زوجتك انما جواز برضة من نوع خد وهات
في الاخر كدة انا حسبتلك كل الظروف وكل الاعمار وكل الحالات الاجتماعية بل وحتى الجنسيات المختلفة اذا فكرت في الزواج من أخرى
طيب انا كدة سودت الدنيا في وشك وكانى بقنعك انى اقولك بلاش تتجوز تانى ........... لا مش دة الغرض من الموضوع بس انا عن تجربة كل نساء مصر زى بعض جدا نفس الفكر والطباع والتقاليد ومستحيل الست المصرية تتغير او تحاول حتى تغير منها
وعشان تقول نعم للزواج التانى لازم تكون واحدة مختلفة فكريا و ونفسيا عن باقى نساء خصوصا مراتك والا كانك يا أبو زيد ما غازيت ولا عملت شيء و خربت بيتك على الفاضى
والستات المختلفة فكريا ونفسيا لن يتعدوا بكتير في احسن االاحوال عن ست في كل نص مليون ست واذا لاقيتها وكان حظك غير طبيعى بالمرة ......... فستجد أيضا اما عقلها او قلبها مشغول مع شخص عرفتة من قبل او حتى غير ملائمة لك اجتماعيا
فاعرف مصيرك واى شيء تختار قبل ان تختار طريق النهاية لاسرتك
موضوع من واقع خبرة كبيرة جدا في الحياة مع نساء بشعر راس جواميس وبقر الهند كلها من جميع الأنواع والاصناف والاشكال وحتى الجنسيات الأخرى وعظة وعبرة للشباب الصغير لان لسة واحد فاتح موضوع شبيه فقلت احذركم وسلام عليكم
