الموضوع: مقابله عيد ميلاد المنتدى الثامن -كل سنه وانتم بخير

المشاركة الأصلية كتبت بواسطة gelgel2004

السلام عليكم و رحمة الله و بركاته
الاصدقاء الاعزاء بمنتدى نايل موتورز
اسمحولى باختصار ان اذكر فعاليات اليوم الجميل لعيد ميلاد المنتدى الثامن
1- التقيت مع صديقى العزيز و اخى الاكبر م محمد - فالكون كريست على اول طريق السخنة فى حدود الثامنة و 40 دقيقه و توكلنا على الله .
2- الطريق رائع و الجو جميل و تقابلنا نع قافله نايل موتورز فى اكثر من نقطة على الطريق.
3- و كان جميل جدا و رائع و مبهر اللتجمع بتاع رابطة هارلى ديفيدسون - مثير بجد - الصوت و التنظيم و الالتزام...
4- وصلنا بالسلامة و كنا حوالى اكثر من 100 شخص مع العائلات .
5- الفندق - رد كاربت - لطيف و مناسب الى حد ما و به ملاهى مائية صغيرة و حام سباحة - بس بطبيعتى بحب الهدوء جدا - فضلت الجلوس اما البحر و معايا المدام و بنتى ملك .
6 - لحد هنا و عم كريم مهروس فى الاستقبال والز حمة بينظم الناس و بيرتب اجراءات التسجيل و الدخول .
7- الله يكرمه صديقى م - محمد - فالكون كريست قام باجراءات التسجيل و دخلت قبله بعد ما تكفل بالموضوع ده - دايما سباق يا عم فالكون:)
8 و بعد جهد جهيد من عمنا كريم و ايضا اختنا سماح - مديرتنا العزيزه - استقر الناس بين البحر و الشاطئ .
9- كنت مقلق شوية من العدد و الان طبعا يوم الجمعة .فاكيد فى ناس حاجزه غيرنا و جت فكرة ان لو الدنيا موش هتبقى مناسبة ممكن انزل السويس اكل سمك و سترومبا. لكن الحقيقة عمنا كريم طمنى و اكد فى كلامه ان كمية الاكل مناسبة و النوعيات جيدة و فيه تشكيله كبيرة و ان شاء الله الناس هتنبسط.
10- و طبعا جاءت لحظة الحسم الساعة 1.30 و الكل دخل المطعم و مشرشر سنانه :) لكن الحمد لله كل حاجة كويسة.
11- فضلت اكل فى التراس اللى بره تجنبا للزحمة و الحمد لله اقدر اشيد و بحكم خبرتى المتواضعة فى مجال السياحة ان الاكل جيد جدا بالنسبة ليوم زحمة و كان فيه تشكيله متنوعه من اللحوم و السمك الفيليه - كان حلو ا خدت منه اكتر من مرة- و كمان الغراخ المشويه و الارز بالخلطة..الخ.
12 كل ده و عمنا كريم واقف مع مدام سماح بيتابع و بيحسب - الله يكون فى عونه - بس يستحمل علشان الناس تنبسط و مدام سماح كانت عاوزة الاخراج طبعا كل سنةيبقى احسن من اللى قبلها .
بعدها انتظرنا فى اللوبى شويه وعلى الساعة 4 اتجمهنا قى القاعة علشان تورته المنتدى.
13- اتكلم كريم باختصار المرة دى :) و دخل على طول لتوزيع الهدايا المقدمة من حبيبنا الرائع الحاج احمد مشعل و اوسرام و زيزت وولفر وشركة تيوننج مانيا و اخرى .
14 نابنى من حب المنتدى جانب - عبوه اضافات لزيت الموتور و اخى و صديقى فالكون كرست عبوه زيت 5-40 وولفر.
15 - و بعد تقطيع التورتة اضطريت استاذن و امشى علشان ارتباط فى القاهرة على الساعة 7 .
التعليق
- اليوم جميل و الشمس حلوة جدا و الاوتيل مناسب لسعر الدعوة.
- موضوع الغرفتين لتغيير الملابس - صعب شويه وطبعا موش ذنب التنظيم - لان ده يوم شغل للفندق و من مصلحته يبيع الغرفة هاف بورد موش داى يوز.
- اعضاء المنتدى عارفين بعض جدا و تحس انهم اسره واحدة بجد.
- كريم / ا نادر / مدام سماح / ا - محمد طه اللى منظمين اليوم و غيرهم ليهم كل الشكر و التقدير على المجهود الرائع .
- نراعى كل الايجابيات و السلبيات و نصلحها ان شاء الله السنة الجاية و فى افطار رمضان باذن الله.
- قابلت العديد من الاصدقاء اللى الواحد مقصر معاهم جدا ( نقراشى / ميسو الكس / نو كومينت / و غيرهم كتير ) بس نطلب منهم السماح و اعوضها ليهم مع منجة الموسم ده :) ان شاء الله.
تحياتى للجميع و الف شكر لادارة نايل موتورز

حبيبي يا جلجل و الله