الموضوع: ناس عايزه تتجوز وناس ندمانه علي الجواز

المشاركة الأصلية كتبت بواسطة medosalah

بعد ازنكم يا جماعه ... انا شايف ان التعليقات خرجت كتير عن سياق الموضوع

انا طبعا قريت كل التعليقات واغلبها كلام محترم جدا وصح بس ده مش مكانها

لما احد الاخوه كتب تعليق مستفز جدا لاغلبكم ... شوفته ولكني لم اعلق عليه منعا للدخول في متاهات احنا في غني عنها

في ثوابت لا يمكن النقاش فيها

1) الله موجود؟ نعم بالتاكيد
2)الله عادل؟ نعم بالتاكيد (شوف ربنا انعم عليك بالصحه او المال او الرضا او المكانه او الاسره) كل انسان بياخد نصيبه اللي بيكون متساوي تماما مع الاخر

لو عايزين ادله من القران الكريم والسنه ومن ارض الواقع... في كتييييييير بس اولا ده مش موضوعنا .. ثانيا لو حاولت اقناع الشخص الزي ينكر وجود الله (استغفر الله العظيم) بان الله موجود وعادل وله حكمه في توزيع الارزاق فبنسبه كبيره مش هيسمعلك اصلا

ارجو الرجوع الي سياق الموضوع وان اللي يحب يعلق علي زميل اخر يكون بدون تعدي عليه او تجريح

موجود اه عادل ( فى الدنيا) بص لنفسك و بص للى حوليك و انت تعرف اذا كنت زيهم و لا اكتر منهم و القرأن نفسه اقر بتفضيل الله بعض الناس على الناس مش لشىء الا لأراده الله فقط و انا بتكلم على الدنيا لأن الناس هتقول العدل فى الاخره و ما شابه عدل الاخره عدل حساب و جزاء ممكن نفهمه كده لكن عدل توزيع الارزاق فى الدنيا ده الى مافيش اثبات عليه ولو عندك هات و انا عارف ان الموضوع خرج عن سياقة و هو فى الاخر موضوعك و ليك الحق تتضايق

المشاركة الأصلية كتبت بواسطة medosalah

نرجع تاني لموضوعنا وهو

(ناس عايزه تتجوز وناس ندمانه علي الجواز)

هنطرح مواضيع وناقشها مع بعض زي مثلا

1)افضل طرق لاختيار شريك الحياه
ما فيش طريقة مناسبة لان كل الناس بتحاول تظهر كل ما عندها فى احسن صورة فمش هتعرف اى حاجة الا من العشرة و الاحتكاك حتى لو تعرف البنت من ايام الجامعة حتى لو قريبتك
2) ازاي نخلي حياتنا احسن ونعيش دون خلافات
اهم حاجة ان يكون فى حدود فى التعامل ما هو غير مقبول ليك و ما هو غير مقبول او مرفوض ليك و ليها بمنتهى الصراحة و يكون الاتفاق و الموافقة على هذا بينكم امر ضرورى و مهم
3) مواصفات شريك الحياه .. لازم كل واحد يحط مواصفات شريك حياته بالترتيب من الاهم الي الاقل اهميه ويحدد ايه اللي ممكن يتغاضي عنه وايه المواصفات الاساسيه عنده
بالنسبة للمواصفات:-

1- الجمال فى مصر متواضع طبعا لو بتقارن ببره او حتى لبنان ):
2- الاخلاق مش هتقدر تحكم عليها بالنسبة للبنت كما ذكرت فى النقطة رقم واحد بس ممكن تحكم على تصرفات الوالدين اللى مهما حاولوا يخبوا هيبان بعض منها علشان كده الاستعجال فى الزواج فى اقرب وقت مش كويس
3- الدين هى ديه النقطة المحيرة لان كل واحد بيقول قال الله و قال الرسول و العمل و الفعل غير كده خالص فنقطة الدين كتعامل و سلوكيات مش عبادات تكاد تكون معدومة
4- المستوى الثقافى و الاجتماعى مهم جدا جدا جدا علشان التفاهم و الميول و الطباع
5- المستوى المادى يكون فى نفس مستواك علشان لاتظلمها و لا هى تظلمك فى المعيشة و العيشة و الطلبات و المتطلبات
4) تجارب الاخوه المتزوجين .. ازاي اتعرفوا علي الطرف الاخر... رايهم في الجواز..... نصايحهم للشباب المقبلين علي الزواج
الزواج فى المجمل فى مصر مشروع فاشل لاسباب كتيرة اهمها الناس و طباعهم و سلوكياتهم الخ حتى لو انت عاوز تكون كويس البيئة اللى حواليك لا تساعد على الاطلاق فى هذا يكفى انك تكون بذرة صالحة فى تربة فاسدة و اسف لو كنت متشائم بس ده راى الشخصى
5) تجارب الشباب في جوازات الصالونات وازاي بيقرر ازا كانت العروسه تناسبه او لا
جواز الصالونات بيبقى زى البطيخة هو بيبقى مجرد الارتياح العام للاهل و العروسة ليس الا
6) تجارب الفتيات في جواز الصالونات وايه اهم الاسس اللي بيوافقوا بيها علي العريس المتقدم او بيرفضوه ليه .. بس يا ريت بصراحه وبدون كلام كبير ومكلكع
للاسف مش هاقدر افيدك لانى راجل ههههههه (:
7) تتمني انك تتزوج امراه عامله ام ست بيت؟ وليه؟
طبعا تكون ست بيت اي نعم هتتعبك فىى الاول و هتكتفك بس لما ربنا يرزقك بالولاد هتنشغل عنك ههههههه

والمواضيع اللي من نفس السياق ده يعني

عايزين مشاركات فعاله

ارجو انى اكون جاوبت على اسئلتك و اسف اذا كان الواحد خرج عن سياق الموضوع فى المشاركات السابقة بس برده ليه علاقة بالقسمة و النصيب و الرضا بالدنيا اللى الجواز واحد منها تحياتى

الموضوع بتاعك ده بيمثل مشكلتي الحالية
كل ما قول لواحد معندكش ليا عروسة يقولي انا عمري ما اذي واحد صاحبي و ليه تعمل في نفسك كده بيحسسني اني بقوله يجيبلي مخدرات
طبعا الاخوة المتزوجين بيقلولي متغلطش غلطت عمرك و ان الستات المصرية لا تصلح للاستخدام الادمي

المشاركة الأصلية كتبت بواسطة medosalah

مانا عامل الموضوع مخصوص علشان الكلمتين دول

بيحسسوك انك رايح تدخل السجن برجليك

اكيد في مسؤليات ومشاكل بتعدي علي المتزوجين.. بس هل المشاكل دي بالحجم والكم اللي بيخلي المتزوجين يقولوا الكلام ده

المشكلة ان الستات المصرية مش كلهم طبعا عندهم حب غريب للدراما و النكد و صنع مشادات مع الزوج من اتفه المواضيع و ده من حكايات اصحابي المتجوزين
الغريب انهم مجمعين ان اللي يتجوز سورية هيعيش في نعيم و مفيش و لا واحد اعرفه متجوز سورية.