أنا أكتر من مرة أقرأ لحضرتك رد متعلق بمسألة الإيمان
مش هدخل في المسألة دي
ولكن ردًا على سؤالك
الحياة من صنع الإنسان ومن خياراته
عرض للطباعة
الكلام الذي اقتبسته حضرتك للاخ السابق في غاية الخطوره
وكأنه يلمز بأن الله ليس بعادل وهذا شيء خطير جدا .
واسمح لي أن ردك عليه فيه مغالطه.
الإنسان منا له اراداه وبهذه الاراده مع شيء من التوفيق او ( الحظ) وعوامل اخرى تتشكل حياته
وارأدة الله نافذه في ارادة الانسان بمعنى أن هذه الحياه التي شكلها الانسان لنفسه هو بإرادة الله وقوته وحكمته
والحكمه ربما تغيب عنا في وقت من الاوقات لكن تظهر فيما بعد
كأن مثلا شخص قد حرمه الله من المال لفتره من الزمن ( لحكمه يعلمها هو سبحانه) ثم بعد مرور
سنيين وسننين يصبغ الله عليه من المال فيستخدمه في غير موضعه فحينئذ يعلم الانسان ان الله
عندما منعه من المال منعه لحكمه هو يعلمها سبحانه.
فلا يصح ان نقول ان الحياه من صنعنا وخيارتنا وكانها بمعزل عن ارادة الله وهذا غير صحيح
إرادة الله فوق كل شيء
فالله الذي وضع قانونًا لكل شيء
وأعتقد أن الأخ hitman235 يقصد الأمور السيئة ( وهي من عند أنفسنا )
{أَوَلَمَّا أَصَابَتْكُمْ مُصِيبَةٌ قَدْ أَصَبْتُمْ مِثْلَيْهَا قُلْتُمْ أَنَّى هَذَا قُلْ هُوَ مِنْ عِنْدِ أَنْفُسِكُمْ إِنَّ اللَّهَ عَلَى كُلِّ شَيْءٍ قَدِيرٌ} [آل عمران: 165]
{مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ} [النساء: 79]
{ وَلَوْلَا أَنْ تُصِيبَهُمْ مُصِيبَةٌ بِمَا قَدَّمَتْ أَيْدِيهِمْ...} [القصص: 47]
نحن لنا يد في أحوالنا
هي قوانين كونية لحياتنا الدنيا , والإنسان له الخيار
سوء حال الإنسان الذي ولد في بيئة صعبة هو بالأساس سوء وقع عليه من ظلم الإنسان
فنحن من نسيء إستخدام نعم الله فبتالي ندفع ويدفع غيرنا الثمن وهناك من سيحاسب
ماقيمة الجزاء إن كنا مجرد منفذين
القدر يفرض علينا بعض الأمور ( التي لا يد لنا فيها ولكنها سيئات أجدادًا لنا )
{ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ}
بخصوص مسألة الإيمان منقدرش نغير إيمان حد ولا ننتقده لعدم إيمانه أو لضعف إيمانه
نوضحله فهمنا وتصورنا لما نناقشه في أفكاره ونرد عليه بالحجج بالمنطقية ونسمع منه
فيه ناس كتير تعرضوا لمشاكل أفقدتهم إيمانهم بكل حاجة .
والله موضوع الايمان و ربطه بالحياة اللى بنعشها هيدخلنا فى متاهة مش هنعرف نخرج منها يعنى على سبيل المثال انا فى راى الانسان فى كل الاحوال مسير مش مخير اللى فى اشياء قليلة جدا يعنى انت مش مخير اللى فى الامور البسيطة زى انك امكانياتك (برده اللى ربنا فرضها عليك) تسمح بشراء عربية فى حدود مثلا 50 الف هتدور على الانسب لك فى الحدود ديه ظاهريا انت مخير بس عمليا انت مسير فى حدود ال 50 الف فقط او انك شغال مثلا كناس بتكنس الشارع ممكن تكون بتتقى ربنا فى شغلك و تقوم بيه على اكمل وجه او انك تاخد اتاوة من االناس علشان تنضف او تاخد اى فلوس من الناس اللى معدية على سبيل الشحاتة قيس على الامثلة ديه كل حاجة فى حياتك حتى الايمان انت صحيح مخير فى الايمان لكن ممكن يحصلك ابتلاء شديد جدا لا تتحمله اما بالنسبة للانسان و العيشة كله مش بايد الناس كله بايد ربنا بدليل ان العجينة اللى فى الدول اللى بره متقدمة و هى لا تلقى بالا لله و العجينة اللى هنا متخلفة وهى على كلامها بتتقى ربنا و ماشية على الصراط المستقيم مش بايد اى حد اللى بيحصل ربنا اللى جاب الناس دى بالمواصفات دى بالعدل اللى احنا شيفينو انما لا تقارن العدل اللى بنسبة كبيرة موجود بره بالعدل الهزيل اللى عندنا ديه العجينة اللى عمرنا ما هعرف نغيرها و لا حتى بالكلام لانها ببساطة شديدة بيد الخالق مش بايد اى حد يغيرها فى اية فى القران قال تعالى : ﴿ وَأَلَّفَ بَيْنَ قُلُوبِهِمْ لَوْ أَنْفَقْتَ مَا فِي الْأَرْضِ جَمِيعاً مَا أَلَّفْتَ بَيْنَ قُلُوبِهِمْ وَلَكِنَّ اللَّهَ أَلَّفَ بَيْنَهُمْ إِنَّهُ عَزِيزٌ حَكِيمٌ ﴾
[ سورة الأنفال الآية : 63 ] فى الاول و الاخر ربنا هو المسبب و احنا بدور على الاسباب التى لا تغير من الامور شى يعنى المصرى لو راح بره هيتبع النظام اللى بره بس مخنوق منه انما لو هنا هيمشى على مزاجه و دماغه الغلط اللى موديانا فى دهية ديه صفات و مواصفات شعب لا تتبدل الا لو ربنا اراد هذا ليس الا ,لو حاولت تصلح و تقيم العدل و تكون انسان كويس هتلاقى تيار جارف كاسح ضدك هذه هى العجينة او التركيبة اللى ربنا وضعها فى البلد الا القلة القليلة جدا جدا جدا جدا جدا جدا التى لا توثر فى احداث اى تغيير و الامثلة عندنا كتير جدا فى الموضوع ده و فى الاخر الموضوع ده محصلته ان الناس اللى ظلمت هتروح النار و الناس اللى صابرة هى اللى هتروح الجنة
الطبيعى بعد كم معين من المشاكل و القرف فى الدنيا بيجيلك سؤال العبادات دى بعملها ليه و لمين و علشان ايه
على العموم الدنيا مافيهاش قواعد و مافيش شىء من العبادات بيغير الواقع ..... الملحدين فيه منهم بؤساء برضه مش حكر على المسلمين علشان نقول ابتلاء طيب ربنا بيبتلى المؤمن علشان يعرف بختبر صبره لكن الملحد بيبتلى ليه ما هو كده كده ملحد
العبادات ممكن تريح نفسيا و تطول فتره صبرك لكن ما بتحلش مشاكل ولا بتغير واقع
والله كلنا بنعانى من المشاكل اللى انت بتقول عليها و لقد خلقنا الانسان فى كبد بس نصيحة اعمل العبادات بس مش علشان بعملها ليه و لمين و علشان ايه بلاش السكة ديه عمر ما العبادات زى ما انت قلت بتغير واقع او انك مؤمن و بتحب ربنا يبقى هتبقى مبسوط ده العكس ممكن يكون صحيح و الحكمة ايه الله اعلم سلم امرك الى الله انت مش بايدك اى حاجة
هو الواحد بيوصل للتفكير ده بعد ما بيفشل يفسر الدنيا بالاسباب الى عقله يفهمها زى مثلا واحد ما ذكرش و سقط منطق واضح وغيره ذاكر و نجح برضه منطق لكن وقت ما المنطق ما يقدرش يفسر سبب المشكله الناس بتختلف فى التفسير
انا كنت قابلت شيخ فى دار الافتاء قريبا علشان اسأله فى الللغز ده و الحقيقه لحد دلوقتى مش لاقى نتيجته
خلاص فرضا ان الواحد تعايش مع بدايته و اهله و مستواه المادى و الاجتماعى الى اتولد بيه و خلاص لكن فرضا عنده هدف او طموح فى حياته عايز تحققه المفروض ايه يتعمل
تاخد بلاسباب + تتوكل على الله = ممكن تنجح و ممكن تفشل
تتكاسل و ما تبذلش اى مجهود + تتوكل على الله =ممكن تنجح و ممكن تفشل
تتكاسل و ما تبذلش اى مجهود + لا تعرف الله اساسا و غير مؤمن بيه =ممكن تنجح و ممكن تفشل
تاخد بالاسباب+ لا تعرف الله اساسا و غير مؤمن بيه=ممكن تنجح و ممكن تفشل
النتيجه ان لاشىء ممكن يوصل لكل شىء و كل شىء ممكن يوصل للاشىء النتائج مش مرتبطه بالمجهود ولا بالايمان
كل مثال من اللى ذكرته له ظروفه و حكمته عند ربنا ليه هو بيعمل كده و ما يعملش كده يعنى مثال قبل الثورة الواحد كان بيشوف الباعه الجائلين و الشرطة بتجرى وراهم و يا حرام دول غلابة وووو و بعد الثورة شوفهم عملين ازاى حاجة فى منتهى قلة الادب ساعتها الواحد بيقول الشرطة عندها حق فى اللى بتعملوه احنا ما نقدرش نلم بكل تفاصيل الاشياء علشان نحكم ايه الصح من الغلط
و بعدين انا عايز اقولك على حاجة اعمل اللى انت بتحب تعمله و ترضى بيه ضميرك و نفسك و نفسيتك و عيش الحياة بحلوها و مرها و حاول يكون ليك هدف و طموح حاول تسعى له و ما تشغلش بالك بحاجة انت ليس لك فى اى امر من شى و بالتوفيق
قالى الله مالك السموات و الارض يعنى مالك كل شىء و ما ينفعش تصفه بالظلم لأنه بيصرف لى ما يملك و من حكم فيماملك ما يعتبرش ظالم
و قالى الاسباب مش دايما بتيجى كنتيجه من المسببات الله دعانا للسعى لكن نتيجه السعى هى اراده الله مالهاش علاقه انت سعيت قد ايه او اخدت بالاسباب كلها او جزءها
و قالى فى الاخر انت محسود هههه مش عارف على ايه بس لما لقيته هيقلب على دجل مركزتش معاه
بعد ازنكم يا جماعه ... انا شايف ان التعليقات خرجت كتير عن سياق الموضوع
انا طبعا قريت كل التعليقات واغلبها كلام محترم جدا وصح بس ده مش مكانها
لما احد الاخوه كتب تعليق مستفز جدا لاغلبكم ... شوفته ولكني لم اعلق عليه منعا للدخول في متاهات احنا في غني عنها
في ثوابت لا يمكن النقاش فيها
1) الله موجود؟ نعم بالتاكيد
2)الله عادل؟ نعم بالتاكيد (شوف ربنا انعم عليك بالصحه او المال او الرضا او المكانه او الاسره) كل انسان بياخد نصيبه اللي بيكون متساوي تماما مع الاخر
لو عايزين ادله من القران الكريم والسنه ومن ارض الواقع... في كتييييييير بس اولا ده مش موضوعنا .. ثانيا لو حاولت اقناع الشخص الزي ينكر وجود الله (استغفر الله العظيم) بان الله موجود وعادل وله حكمه في توزيع الارزاق فبنسبه كبيره مش هيسمعلك اصلا
ارجو الرجوع الي سياق الموضوع وان اللي يحب يعلق علي زميل اخر يكون بدون تعدي عليه او تجريح
موجود اه عادل ( فى الدنيا) بص لنفسك و بص للى حوليك و انت تعرف اذا كنت زيهم و لا اكتر منهم و القرأن نفسه اقر بتفضيل الله بعض الناس على الناس مش لشىء الا لأراده الله فقط و انا بتكلم على الدنيا لأن الناس هتقول العدل فى الاخره و ما شابه عدل الاخره عدل حساب و جزاء ممكن نفهمه كده لكن عدل توزيع الارزاق فى الدنيا ده الى مافيش اثبات عليه ولو عندك هات و انا عارف ان الموضوع خرج عن سياقة و هو فى الاخر موضوعك و ليك الحق تتضايق
نرجع تاني لموضوعنا وهو
(ناس عايزه تتجوز وناس ندمانه علي الجواز)
هنطرح مواضيع وناقشها مع بعض زي مثلا
1)افضل طرق لاختيار شريك الحياه
2) ازاي نخلي حياتنا احسن ونعيش دون خلافات
3) مواصفات شريك الحياه .. لازم كل واحد يحط مواصفات شريك حياته بالترتيب من الاهم الي الاقل اهميه ويحدد ايه اللي ممكن يتغاضي عنه وايه المواصفات الاساسيه عنده
4) تجارب الاخوه المتزوجين .. ازاي اتعرفوا علي الطرف الاخر... رايهم في الجواز..... نصايحهم للشباب المقبلين علي الزواج
5) تجارب الشباب في جوازات الصالونات وازاي بيقرر ازا كانت العروسه تناسبه او لا
6) تجارب الفتيات في جواز الصالونات وايه اهم الاسس اللي بيوافقوا بيها علي العريس المتقدم او بيرفضوه ليه .. بس يا ريت بصراحه وبدون كلام كبير ومكلكع
7) تتمني انك تتزوج امراه عامله ام ست بيت؟ وليه؟
والمواضيع اللي من نفس السياق ده يعني
عايزين مشاركات فعاله
الموضوع بتاعك ده بيمثل مشكلتي الحالية
كل ما قول لواحد معندكش ليا عروسة يقولي انا عمري ما اذي واحد صاحبي و ليه تعمل في نفسك كده بيحسسني اني بقوله يجيبلي مخدرات
طبعا الاخوة المتزوجين بيقلولي متغلطش غلطت عمرك و ان الستات المصرية لا تصلح للاستخدام الادمي
مبدايا كده انا كنت بفكر نفس التفكير.. انك تتجوز واحده سوريه هتلاقي الجمال والادب والهدوء والاكل المميز
ولكن لو بصيت للموضوع بعقلانيه شويه هتلاقي ان السوريه دي في الاول والاخر امراه وكمان امراه عربيه يعني من الاخر كده زيها زي اي امراه ... اكيد هيحصل معاها مشاكل برده
بالاضافه انها حياتها مختلفه عنا... وحياتها الاسريه والنفسيه مدمره
وكمان لما تتجوز وتخلف ويجي بعد مده طويله تقولك عايزه اشوف اهلي او ارجع بلدي او تاخد العيال وتسافر وانت تدور بقي
عمرك ما هتامن لها ميه في الميه لانك استحاله تبقي عارف اصلها وفصلها ولا تامن غدرها
حياتك هتبقي مفككه.. يعني فين جده وجده العيال من ناحيه الام وفين خال وخاله الولاد
... من الاخر كده ممكن تلاقي امراه مصريه متعلمه متدينه جميله مثقفه من اسره محترمه زي طباع هادئه
بس هتتعب في التدوير شويه بس حياتك هتبقي مستقره افضل من السوريه مليون مره
وكمان حوار المشاكل الزوجيه ده موجود في كل دول العالم حتي ايام الرسول عليه الصلاه والسلام والصحابه رضي الله عنهم
بدليل هذا...
هذه القصة والتي مفادها أَنَّ رَجُلًا جَاءَ إلَى عُمَرَ يَشْكُو إلَيْهِ خُلُقَ زَوْجَتِهِ فَوَقَفَ بِبَابِهِ يَنْتَظِرُهُ فَسَمِعَ امْرَأَتَهُ تَسْتَطِيلُ عَلَيْهِ بِلِسَانِهَا وَهُوَ سَاكِتٌ لَا يَرُدُّ عَلَيْهَا ، فَانْصَرَفَ الرَّجُلُ قَائِلًا : إذَا كَانَ هَذَا حَالَ أَمِيرِ الْمُؤْمِنِينَ عُمَرَ بْنِ الْخَطَّابِ فَكَيْفَ حَالِي ؟ فَخَرَجَ عُمَرُ فَرَآهُ مُوَلِّيًا فَنَادَاهُ : مَا حَاجَتُك يَا أَخِي ؟ فَقَالَ : يَا أَمِيرَ الْمُؤْمِنِينَ جِئتُ أَشْكُو إلَيْك خُلُقَ زَوْجَتِي وَاسْتِطَالَتَهَا عَلَيَّ فَسَمِعْتُ زَوْجَتَكَ كَذَلِكَ فَرَجَعْت وَقُلْت : إذَا كَانَ هَذَا حَالَ أَمِيرِ الْمُؤْمِنِينَ مَعَ زَوْجَتِهِ فَكَيْفَ حَالِي ؟ فَقَالَ لَهُ عُمَرُ : إنَّمَا تَحَمَّلْتُهَا لِحُقُوقٍ لَهَا عَلَيَّ : إنَّهَا طَبَّاخَةٌ لِطَعَامِي خَبَّازَةٌ لِخُبْزِي غَسَّالَةٌ لِثِيَابِي رَضَّاعَةٌ لِوَلَدِي ، وَلَيْسَ ذَلِكَ بِوَاجِبٍ عَلَيْهَا ، وَيَسْكُنُ قَلْبِي بِهَا عَنْ الْحَرَامِ ، فَأَنَا أَتَحَمَّلُهَا لِذَلِكَ ، فَقَالَ الرَّجُلُ : يَا أَمِيرَ الْمُؤْمِنِينَ وَكَذَلِكَ زَوْجَتِي ؟ قَالَ : فَتَحَمَّلْهَا يَا أَخِي فَإِنَّمَا هِيَ مُدَّةٌ يَسِيرَةٌ .
بس اللي تتمناه ان المشاكل الزوجيه تكون استثناءات يعني كل فتره مش تبقي يوميا وتبقي اسلوب حياه
السلام عليكم , بالنسبة لقصة الصحابى عمر بن الخطاب رضى الله عنه مع زوجته رضى الله عنها أرجو قراءة اللينك ...
هل ثبت أن زوجة عمر رضي الله عنه كانت ترفع صوتها فيسكت عنها ويصبر عليها ؟ - islamqa.info