سؤال عن الكيا الريو

**M7md Magdy** · 21-03-2015 03:15 AM

مبدئيا .. السلام عليكم
هو ده اول موضوع ليا وأول يوم في الجروب .. بس حسيت ان ماشاء الله فيه ناس كتير فاهمه هنا

أول حاجه انا عايز اجيب عربيه كيا ريو هاتشباك هاي لاين

أنا خلاص صليت استخاره ونويت عليها .. إيه رأس الناس اجيبها منين
انا عايزها خليجي اخر فئه بس كلمت المعارض الكبيره كلها ومش لاقيها
سمير ريان معندوش غير أول فئات بس بيقولي نازلي 2016 يوم الاحد وسعرها 162 و انا ماعييش غير 150 و انا اعرف ان اخر الفئه في حدود 152 كده

ياريت مساعده من الناس اللي عارفه معارض اشتري منها

تاني حاجه موضوع الالوان ايه رأي الناس محتار بين الأبيض و الأسود بس مقتنع بالأبيض أكتر بصراحه

اسف جدا على الإطاله وشكرا مبدئيا على المساعده :)

**prooo** · 21-03-2015 04:35 AM

اولا مش هتلاقي ابيض في الوكيل هتلاقيه في الخليجي بس ..... ثانيا العربيه حلوه جدا ومريحه جدا بس من وجهه نظري حرام تدفع فيها 150 الف جنيه تقوم تقولي هتبقى 162 ....... حرام والله تدفع المبلغ..... انا معايا العربيه هاي لاين خليجي 2013 وكنت جايبها ب 138 وكنت مستحرم والله اللي ادفع فيها بس يمكن عشان كنت جايبها قسط مفرقش معايا لكن والله لو كان معايا المبلغ كاش عمري مكنت هدفعه في العربيه دي ..... بس ده مش معناه ان العربيه وحشه بالعكس العربيه مريحاني جدا ..... كنت هشوف حاجه اكبر واوسع بحكم اني متجوز وعندي اسره ...... انا رائي الشخصي تشوفلك كيا سيراتو كسر زيرو لو انت عاوز كيا او عندك البدائل اوبل استرا كسر زيرو او رينو فلوينس كسر زيرو ..... انت طلبت النصيحه وانا قلتلك رائي ..... وطبعا الرائي في الاول وفي الاخر يرجعللك انت ..... حضرتك اللي هتركب العربيه وتسوق مش الناس اللي بتسئلها ومحدش هتسئله على عربيته وهيقللك وحشه متجبهاش ...... ارجو تقبل وجهة نظري

**M7md Magdy** · 21-03-2015 05:02 AM

يا باشا طبعا ربنا يخليك :)
انا بسمع الكلام ده من اخويا و ابويا تقريبا كل نص ساعه على فكره انا لسه 19 سنه مش خبره اوي يعني كان معايا السنه اللي فاتت لانسر سوبر اكشن وعربيه ما شاء الله كفاءه بشكل محدش يتخيله غير اللي ركبها.

على العموم اخويا هياخدها وانا هجيب عربيه جديده وانا بصراحه من ناجية المستعمل ده مش مرتاحله وكمان الحاج مش هيرضه وانا من اهم الحاجات عندي في العربيه تبقى هاي لاين

بصراحه انا احترت كتير ومش عارف اجيب واخترت ريو بعد تفكير في فتره كبيره ..

انا فعلا عايزها خليجي ..
شكرا لرد حضرتك :)

**nagy wassef** · 21-03-2015 09:25 AM

مفيش حاجة تتقال اكتر من اللي استاذ prooo قاله

**محمد مجدي محمد** · 21-03-2015 12:11 PM

انت ممكن تشوف ببجو 301 هاي لاين ب 138 الف
او ممكن تشتري الانترا فتحة سقف هي ب153 و نازل عليها خصم 2500 يعني هتبقب 150500 و ممكن تركبلها جنوط في حدود 3 الاف و تركبلها شاشة تاتش بكاميرا خلفية و بلوتوث و gps و تلفزيون في حدود 3 الاف برضو و مممن تركب فرش جلد في حدود 1000 جنية و تركب كمان نواكل و يبقي كدة العربية زي الهاي لاين و يبقي اجمالي سعرها 158500
يعني ارخص من الريو الهاي لاين و احسن كمان منها
او ممكن تفكر في الشارك الهاي لاين اعتقد ب163000 يعني نفس سعر الريو الهاي لاين

**M7md Magdy** · 22-03-2015 02:01 AM

بصراحه فكرت كتير في الالنترا .. بس فكرت الدركسيون الكهرباء مش باور مش عاجباني و سوقت العربيه معجبتنيش بصراحه .. وبالنسبه للانسر انا فعلا كان معايا بومه سوبر اكشن وبغيرها فا مش هتبقى حلوه لو روحت جيبت لانسر تاني ..

الصراحه الواحد متردد جدا وكل ما أقرر ارجع في رأيي تاني ..

شكرا جدا لكل الناس اللي بتساعد :)

**Ahmed.Essam** · 22-03-2015 09:46 AM

عربية جميلة ما شاء الله بس رأيي من رأي الاستاذ proo حرام 160 الف في الريو عشان كده دخلت في سكة تانية
اللي يشوف المشاركة دي يدعيلي ربنا يهون عليا عشان دخلت الجيش

**prooo** · 22-03-2015 03:24 PM

اولا ربنا يهون عليك يابو حميد ويعديهالك على خير ان شاء الله ...... ثانيا ممكن يامحمد تستنى الكيا سييد لما تنزل هيا قدامها شهرين بالظبط وهتبقى من اول 155 الف لغايه 180 الف هاي لاين ..... العربيه دي حلوه ووواسعه وكمان موتورها 1600 نفس موتور السيراتو بس هاتش باك ......