الموضوع: وجهة نظر في عيد الأم

المشاركة الأصلية كتبت بواسطة far!d

انا متعجب من مناقشه حاجه زي كده
اقولك ليه
ماهو مادام حاجه الغرب مبتدعها زي ماقولت لكن مش متعارضه مع ديني يبقى ﻷ ليه؟
بصلها من زاويه تانيه ان اليتيم في زمنا الجميل ده يدوب بيفتكروه في يوم اليتيم نلغيه هوا كمان عشان مش اختراع اسلامي ؟؟
اعرف واحد معرف حميميه مبيزورش امه ( و بتستنى و بتحلم بيه و بتنادي عليه و هي نايمه ) الا يوم عيد الام نحرمها حتى من نظرتها ليه ؟
للعلم عارفه انه عاق وانه مقصر في حقها بس ياويله اللي يقول كده امامها او حتى يسئ ليه قدامها و احلى مقابله بتتعمل
امي على الاقل تستاهل الف يوم عيد ام مش واحد بس
اما الاب طبعا له طبعا مكانته و لكن مكانته الام اكتر منه
انا معاك ان يوم الام مش مقدس او ديني لكن يكفي انه يفرح ام واحده و يفكر الابناء بالامهات ان شالله يوم من 365 يوم في السنه

برده كل الإخوة الكرام اللي معارضين وجهة نظري مقدموش مبرر مقنع لتجاهل الأب في هذا اليوم
هديك مثال تصوري تخيل نفسك فيه:
حضرتك قاعد في البيت مع زوجتك المصونة بعد ما طلعت معاش وضهرك اتحنى من كتر الشغل والمرمطة علشان توفر لأولادك حياة كريمة وعندك أولاد الواحد فيهم ما شاء الله أد الحيطة كل واحد فيهم متجوز وعايش في نعيم من خيرك وشقاك ومجهودك ، يوم 21 مارس الباب يرن يدخل الأولاد يسلموا عليكم وبعدين ينفضولك ويروحوا لأمهم ويقولولها كل سنة وانتي طيبة يا أحلى أم ويبوسوها ويحضنوها وكل واحد يديلها الهدية بتاعتها ، كل ده وحضرتك واقف تتفرج والحسرة مالية قلبك وعينك بس مش قادر تنطق ، بالله عليك ترضاها على نفسك ؟! أنا شخصيا مرضاهاش على نفسي ولو عيل عمل معايا كده هرزعه جوز أقلام لأني مش أقل من أمهم اللي تعبت في تربيتهم بس قاعدة في بيتها معززة مكرمة وأنا شغال ومتمرمط في الشغل وأسمع كلام من اللي يسوى واللي ميسواش علشان أوفرلهم عيشة كريمة
وصلت الفكرة ؟
محدش معترض على الاحتفال بالأم لكن الاعتراض على تقليد الغرب في تخصيص يوم للاحتفال بها فقط بدون الأب وهم ليهم مبرر لذلك مش عندنا زائد إن اختزال حب الأم في يوم واحد في السنة بيخلي الواحد يحس انه لما يحتفل بيها اليوم ده كده أدى اللي عليه ومن حقه يسيبها طول السنة ولا يفكر يزورها لأنه خلاص احتفل بيها في عيد الأم وكده كفاية أوي !!