الموضوع: وجهة نظر في عيد الأم

أشكركم جميعا على التفاعل وإبداء الآراء المتنوعة المفيدة

المشاركة الأصلية كتبت بواسطة a_h_m_a_d

انا مش هادخل في مجادلات

انا بس عايز اقول كلمة بسيطه

فيه حاجه اسمها خذ الحكمة ولا يضرك من أي وعاء خرجت , يعني طالما فيه حاجه كويسة ايه الضرر اننا نعملها بغض النظر عن ان اللي عملوها و ابتدعوها كان فيهم العبر

وفيه كمان ان من سن في الاسلام سنة حسنة فله أجرها ... الى أخر الحديث , يعني فيه سنن حسنة مكانتش موجوده زمان و هاتكون موجوده بعد كده , يبقى مش كل حاجه جديدة نعتبرها بدعة و ضلالة , لأ لازم نعمل عقلنا الاول و نشوف الفايدة اللي هاتعود علينا و على مجتمعنا

يعني اللي بيقولك ده عيد العقوق , لانه اللي بيفتكر امه يوم واحد بس في السنة ده يبقى عاق لامه , ومين قالك ياعمنا انه يوم واحد بس في السنة , وايه المشكلة اننا نخصصلها يوم يكون الاهتمام كله منصب عليها هي بس , ونغنلها و نجيبلها الهدايا , وبالمرة نشغل سوق الادوات المنزلية و الناس تسترزق في كل مكان :)

بجد ايه المشكلة , الحياة ابسط من كده و الدين يسر و ليس عسر , ولن يشاد الدين أحداً الا غلبه , بلاش نشدد على انفسنا عشان ربنا مايشددش علينا

مش عايزين نزعل اليتامى يبقى نزورهم و نخفف عنهم و نجيبلهم هدايا هم كمان , مش نمنع نفسنا بالفرحة بامهاتنا , واذا كان على الاب نعمله هو كمان يوم عشان مايزعلش مش نلغي اليوم الوحيد اللي بنوري امهاتنا فيه تقديرنا وحبنا و اهتمامنا بيهم

أولا محدش قال بدعة وضلالة والكلام اللي حضرتك ذكرته ده .. حضرتك مقرأتش المقال كويس
ثانيا حضرتك ذكرت السلبيات اللي انتقدتها على الاحتفال باليوم ده ومنها اليتيم والأب وذكرت ليها حلول اننا نحتفل بيهم ، فهل الناس بتعمل كده ؟! لو الناس احتفلت باليتيم وبالأب في اليوم ده يبقى كده حلينا المشكلة وهيبقى سبب الانتقاد زال لكن الأسباب اللي حضرتك ذكرتلها حلول دي هي أساس الانتقاد وطبعا مفيش حلول من دي حد بيعملها وبالتالي يظل الانتقاد حتى تزول أسبابه