الموضوع: وجهة نظر في عيد الأم

المشاركة الأصلية كتبت بواسطة هيثم مجدي

أنا أمي بتقول انها ملهاش في الكلام دا وبتستتقل اليوم دا جدا
بس طبعا بتفرح لما اخواتي يجبولها هدية فيه بشكل فطري (النساء بيفرحوا بالتقدير في اي وقت ولاي سبب)
انا شخصيا مش بعمل شئ زيادة في اليوم دا. وامي الحمدلله مش بتنتبه لكدا اصلا. ولو حصل وقابلت حد من العيلة في سن امي بتجنب التهنئة الا لو هي نبهتني لها. بجاملها بكلمتين وبدعي لها على حسن تربيتها لابنائها.

لكن ملاحظ فيه منطق معكوس في النقاش, الادعاء ان الابن العاق اللي بيتذكر امه في اليوم دا على الاقل كدا اليوم بيساعده. بالعكس اليوم بيساعده على النفاق والتمادي في العقوق. واجب الأمر بالمعروف للمسلمين ان يتم تذكيره كل يوم أنه عاق ومخالف للدين ويستدعي غضب الله عليه في الدنيا والآخرة.

1 - عن ابن عمر رضي الله عنه أن رسول الله صلى الله عليه وسلم قال : ثَلَاثَةٌ لَا يَنْظُرُ اللَّهُ عَزَّ وَجَلَّ إِلَيْهِمْ يَوْمَ الْقِيَامَةِ : الْعَاقُّ لِوَالِدَيْهِ وَالْمَرْأَةُ الْمُتَرَجِّلَةُ وَالدَّيُّوثُ ، وَثَلَاثَةٌ لَا يَدْخُلُونَ الْجَنَّةَ : الْعَاقُّ لِوَالِدَيْهِ وَالْمُدْمِنُ عَلَى الْخَمْرِ وَالْمَنَّانُ بِمَا أَعْطَى - النسائي - صححه الألباني

2 - عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ثَلَاثُ دَعَوَاتٍ مُسْتَجَابَاتٌ لَا شَكَّ فِيهِنَّ : دَعْوَةُ الْمَظْلُومِ وَدَعْوَةُ الْمُسَافِرِ وَدَعْوَةُ الْوَالِدِ عَلَى وَلَدِهِ. الترمذي - صححه الالباني

مش نلاقي له مبرر ونقول أهو احسن من مفيش. المنطق السليم بيقول اننا نفكره كل يوم بعقاب الله ونفكره بواجبه. مش نعمله يوم عشان يرضي ضميره وينافق أمه بكلمتين وهدية ويفتكر انه كدا تمام.

بالضبط كده
في ناس بتبقى طول السنة في مشاغل ومش بيرفعوا حتى سماعة التليفون يطمنوا على أهلهم بس تلاقيهم في عيد الأم جايين وجايبين الهدايا ويقضوا يوم لطيف ويمشوا متشفهمش غير السنة اللي بعدها الكارثة بقى انهم فاكرين انهم كدوا بروا أهلهم وأدوا ما عليهم وده منبع الخلل وسبب كافي لنبذ فكرة اليوم ده علشان لو افترضنا عدم وجوده مفروض اللي بيعمل كده هيحس بالذنب طول العام وهيعرف انه مقصر حتى لو زارهم اكتر من يوم في السنة ، لكن أنا متأكد ان في ناس تعتقد يقينا ان زيارتهم وبرهم لأمهم في اليوم ده كافية جدا عندهم وانهم أدوا ما عليهم وزيادة كمان !!
اللهم ارزقنا بر والدينا كل يوم وكل ساعة

المشاركة الأصلية كتبت بواسطة reda elgohary

بجيب لوالدتى هدية الحمد لله كلما نزلت البلد . كل أسبوع أو أسبوعين
مش كل سنة

اصيل يا رضا
ربنا يباركلك فيها وميحرمكش منها