للمجربين فقط : هل الجنوط ال17 مناسبة للانترا 2015

**soltanfriend** · 21-03-2015 09:15 AM

السلام عليكم
قررت اشتري جنوط للانترا علشان شكلها مش عاجبني بالطاسات وفي نفس الوقت كله بيقول ان الجنوط افضل في الثبات والفرامل
فعايز اعرف رايكم ايه في الجنوط ال17 مع العلم ان هاجيب كاوتش ماركة بردجستون ان شاء الله بس لسا مش مستقر اجيب اي نقشة علشان تعيش وتكون افضل في المطبات والفرامل
وهل فعلا لو ركبت جنوط العربية هاتحتاج ترصيص كل شوية ؟

**zizo gamal** · 26-03-2015 11:50 PM

فايدة الطاسات انها مريحة ... يعني مش هتحس بالمطبات و النقر و الحفر ... فالازم تعمل حسابك انك لما تركب جنط سبور العربية هتكون انشف ... بس هتلافي ثبات اعلي ... بس ابعد عن ال 17 عشان هينشف العربية اوي و هتاكل منك العفشة ... احسن حاجة خليك في نفس المقاس او ركب 16 ..
و ربنا يسترها عليك .. بس الاستوك مفيش احسن منة عموما

**soltanfriend** · 28-03-2015 09:21 AM

والله يا باشا انا دايخ فى موضوع الجنوط دا لكذا سبب
اول حاجه ناس كتير بتخوفنى من الجنوط الجديدة اللى فى السوق واللى هي صينى وتايلندى بيقولو من اى نقره هايتكسر ويبوظ ( اللى سعره 3800 )
تانى حاجه المقاس انا حاسس انى هارمى فلوس فى الارض لو جبت 16 لان مش هاخد الشكل الرياضي الحلو ولا هاخد الثبات والفرامل الافضل وفرق السعر لا يذكر بين ال16 وال17 بالكاوتش
تالت حاجه انا بقول العربية جديدة ومشيي بيها اصلا قليل جدا يعنى عاملة 3700 كيلو فى 6 شهور ( بس بصراحة مش بعمل حساب لمطبات ) فبقول حتى لو ركبت جنط 17 العفشة هاتبدأ تشتكى بعد ايه
موضوع كبير ومحتاج فيه خبره من ناس مجربة

**adel1212** · 28-03-2015 10:07 PM

هي الجنوط ال17 مناسبة للانترا 2015 فعلا
لكن مش مناسبة خاااااااالص لشوارعنا
خليك في ال16 مناسب اكتر
تحياتي

**zizo gamal** · 29-03-2015 12:56 AM

ال 16 هيديك شكل حلو و ثبات و هيريح العربية ... انما ال 17 هينشف العربية اوي و انت ذات نفسك هتتخنق منة و بعدين العفشة هتتبهدل منك حتي لو مشيك قليل ... نصيحة اخوية ال 16 احلاااا و يا عم متخفش علي الشكل هيبقي حلو انشاء الله ... و اهم حاجة هات جنوط نضيفة و لو ليك حد برة ممكن يبعتهملك

**amr_elbazz** · 29-03-2015 11:45 PM

17 كتير على شوارعنا وممكن تندم نصيحة بلاش كفاية 16 لو مصمم تركب جنوط انا معاك ان كبر المقاس بيدى شكل للعربية ولكن على حساب الراحة . بالتوفيق

**soltanfriend** · 30-03-2015 09:56 AM

اولا اشكركم على الردود
ثانيا يعنى عفشة السيراتو ال2010 بالجنوط ال17 احسن من عفشة الالنترا وبتسحمل اكتر ؟
و لو جبت 16 صينى يبقى كويس على اساس ان الكواتش هياكون 55 ؟