بص قبل اي حاجه انا عايزك تعرف انك مش لوحدك في الغم ده
وبعد كلام استاذ احمد انا اتكسفت احكي حاجه بصراحه ، ربنا يكرمه ويوفقه ويوفقنا كلنا يا رب
انت قولت انك مهندس زراعي ، ليه مفكرتش تشتغل بمجالك ده ، انا اعرف انه مطلوب
ممكن تشتغل في اللاند سكيب وفيه شركات متخصصه في كده تاخد خبره وبعد كده ممكن تسافر او تأسس شغل لنفسك
عندك كمان شركات الدواجن ، الوطنية والقاهره للدواجن اكبرهم ، وغيرها شركات كتير
ده غير انك لو الماديات تمام ممكن تعمل مشروع كويس ، فكر في الثروه الحيوانيه ، مزارع الارانب لو اهتميت بيها صح بتدخل فلوس حلوه جداً
قدامك مجالات كتير ، ونصيحه متخليش حد يوجهك ، انت ادرى بظروفك من اي حد ، ومتضيعش وقت كبير في حاجه مش هتكمل فيها
الكلام ده عن تجربة وتنطيط من مجال لمجال ، وده مش صح ، عشان كده لازم انت اللي تحدد الطريق اللي هتمشي فيه والاهم اللي مش هتمل منه وهتكمل فيه
بالنسبه لفودافون uk قدم من على الموقع وخلال كام يوم حد هيكلمك يعمل معال انترفيو في التليفون ولو اكسيبتد هيحددلك انترفيو
بس لازم تعرف ان فودافون uk ( بشكل عام الكول سنتر ) برغم مرتباتها العاليه الا انها محطة مش اكتر