الموضوع: تجربتي مع فيزا نت بنك مصر

المشاركة الأصلية كتبت بواسطة k_e

انا شايف ان انسب كارت مسبوق الدفع دلوقتي هو كارت توماس كوك الي بيطلع من البنك العربي الافريقي او من وكلاء توماس كوك

حضرتك تقصد بنك cib

بالنسبه للوكلاء .. او خدمة عملاء توماس كوك نفسها .. نعرفها ازاي ؟

المشاركة الأصلية كتبت بواسطة m_m_sh_a

أنا معايا فيزا البنك الأهلى...البنك بيطلعها بضمان وظيفتك وبيديك حد إئتماني بعد ما بتدي البنك صوره من مفردات مرتبك لمدة ثلاث شهور متتاليه..طبعا الحد الإئتماني أو الرصيد اللي في الفيزا بقيمة 200% مرتبك اللي حضرتك قدمت صورته يعني قيمة مرتبك مرتين...المبلغ اللي في الفيزا ممكن تستخدمه في المشتريات زي ما انت عاوز ..والسداد بيكون في خلال 55 يوم بدون أي مصاريف زياده عن سعر السلع اللي حضرتك اشترتها ...ولو تخطيت ال55 يوم بيتحسب عليك فايده 1.5 في المايه عن الشهر...ده غير السحب على المكشوف أو السحب النقدي لازم تسدد في خلال تلاتين يوم وبيتحسب عليك فايده 1.5 في المايه من أول يوم سحب..والأجمل بقى إنك ممكن تسدد الفلوس اللي عليك من خلال ماكينات الصرف اللي فيها إيداع من أي مكان في الجمهوريه...و البنك متعاقد مع أماكن معينه بتغطي كل المجالات ..الأماكن دي ممكن تشتري منها وتقسط ثمن الحاجه لمدة ست شهور أو سنه ..حسب كل مكان ونظامه مع البنك ..تسدد ثمن الحاجه بدوووووون أي فوايد ..أنا مثلا إشتريت كذا حاجه بالنظام ده وخلصت اقساط حاجات وشاري حاجات تاني ..وطبعا بشتري حاجتين مثلا ولما قسطهم يخلص اشتري كمان حاجه وده طبعا عشان قيمة القسط أقدر أدفعها ..وهكذا ..بصراحه ..برغم إنك ممكن تعمل إيداع لمبلغ وتلاقيه نزل في الحساب بعدها بتلات أيام عمل وده ما بيحصلش دايما إلا إنه يعتبر كويس برضه ..ولو عاوز تعمل إيداع وتخلي المبلغ ينزل في الحساب وقتي يبقى تسدد عن طريق الشباك داخل البنك ..بس أنا شايف إن السداد عن طريق ماكينات الصرف عملي أكتر وخصوصا إنك ممكن تعمله في أي وقت ..بليل أو بالنهار..مصاريف سنويه لاستخدام الكارت 50 جنيه ..تسدد كمديونيه اما في الشباك او في احد ماكينات الصرف..بصراحه مجربتش إني أستخدمها في الشراء من خلال الإنترنت ..مع إني كلمت خدمة العملاء وفعلولي الخاصيه دي ..بس مجربتش التعامل بيها ..وقبل ما أنسى ..ليك حساب على موقع البنك على الانترنت عشان تتابع حسابك من خلاله ..يعني تعرف عليك كام وحطيت كام وبقيلك اقساط قد ايه..ياريت بقى حد من الأخوه الأعضاء يقولنا عن تجربته مع البنوك الأجنبيه من حيث المصاريف السنويه وشروط فتح الحساب

تمام جدا انا ايضا لدى نفس التجربة تقريبا والبنك الاهلى اظن انه افضل البنوك حاليا فى التعامل طبعا بشكل عام لانه الخدمة البنكية فى مااااسر كلها بشكل عام تعبانة وينقصها الكثير من الخدمات
انا عايش من زمان فى السعودية والخدمة البنكية عندنا يمكن لو ذكرتها بعض الاعضاء ممكن يصابوا بصدمة حضارية لكن ابسط شئ تحويل الاموال وانت جالس فى بيتك لغاية نص مليون ريال يوميا بمبلغ 25 ريال فقط وباستخدام عدة قنوات تحويل منها الكويك باى ودى الحوالة سعادتك بترسلها توصل فى الحال اونلاين
فى مااااسر عملت حساب فى بنك فيصل وطلبت اعمل بطاقة فيزا وعملوها مشكورين فى اسبوع وبسلامة نية باسال الموظف عن الية التسديد لو اشتريت حاجات من النت فقالى نت مين يا استاذ دى تسحب بيها من الصراف بس فتعجبت ليه سمتوها فيزا طيب والاجابة لا تعليق
روحت البنك الاهلى فتحت حساب دولار ومااااسرى وطلبت اعمل ماستركارد فكان هناك مشكلة لانى طبيب حر وماليش شغل فى الحكومة ولا عضو فى نادى مشهور فكان الحل وديعة ب 20 الف جنيه وورصيد الماستر كارد بيكون 60% من قيمة الوديعة يعنى 16 الف جنيه ولو زدتهم لزادونى ولكن الستة عشر الفا تكفى احتياجاتى
التسديد بالتليفون وممكن من مااااسر وخارج ماااااسر
حساب على موقع البنك الاليكترونى تتابع بيه كل تعاملات حسابك
البطاقة فعالة على جميع المواقع زى بطاقة السعودية تماما
البنك محترم جدا وخدمة العملاء راقية جدا
البطاقة اخدت شهر لغاية الاستلام بواسطة ارامكس واعتقد انها فترة طويلة شوية نسبيا
الرسوم اظنها 20 او 30 جنيه سنويا وبعد 55 يوم بيحسب عليك فايدة
الشراء بالقسط بدون فايدة من اماكن كتير لكن لم اجربه صراحة
ولا عزاء لبنك فيصل اللااسلامى وتجربتى معاه فاشلة جدا والماكينات الخاصة به قليلة وموقع البنك عطلان طول الاسبوع اساسا وبيفتح نادرا
ولما ذهبت اعمل لزوجتى توكيل بالبنك (فرع الازهر على فكرة) طلبوا يشوفوا وشها وهى منتقبة فقلت مش مشكلة اول مرة فقالوا لا وكل مرة كدة اذا كان عاجبك
لكن البنك الاهلى محترمين لاقصى حد وجابوا موظفة مخصوص تشوف وشها وبعد كدة بيصرفوا لها اى فلوس مباشرة
ارشح التعامل مع البنك الاهلى كافضل البنوك فى مااااسر صراحة لكن طبعا احذر فى التاخير فى السداد قبل الفترة المسموح بها بدون فائدة حتى لا تقع فى الربا

المشاركة الأصلية كتبت بواسطة lonedoctor

تمام جدا انا ايضا لدى نفس التجربة تقريبا والبنك الاهلى اظن انه افضل البنوك حاليا فى التعامل طبعا بشكل عام لانه الخدمة البنكية فى مااااسر كلها بشكل عام تعبانة وينقصها الكثير من الخدمات
انا عايش من زمان فى السعودية والخدمة البنكية عندنا يمكن لو ذكرتها بعض الاعضاء ممكن يصابوا بصدمة حضارية لكن ابسط شئ تحويل الاموال وانت جالس فى بيتك لغاية نص مليون ريال يوميا بمبلغ 25 ريال فقط وباستخدام عدة قنوات تحويل منها الكويك باى ودى الحوالة سعادتك بترسلها توصل فى الحال اونلاين
فى مااااسر عملت حساب فى بنك فيصل وطلبت اعمل بطاقة فيزا وعملوها مشكورين فى اسبوع وبسلامة نية باسال الموظف عن الية التسديد لو اشتريت حاجات من النت فقالى نت مين يا استاذ دى تسحب بيها من الصراف بس فتعجبت ليه سمتوها فيزا طيب والاجابة لا تعليق
روحت البنك الاهلى فتحت حساب دولار ومااااسرى وطلبت اعمل ماستركارد فكان هناك مشكلة لانى طبيب حر وماليش شغل فى الحكومة ولا عضو فى نادى مشهور فكان الحل وديعة ب 20 الف جنيه وورصيد الماستر كارد بيكون 60% من قيمة الوديعة يعنى 16 الف جنيه ولو زدتهم لزادونى ولكن الستة عشر الفا تكفى احتياجاتى
التسديد بالتليفون وممكن من مااااسر وخارج ماااااسر
حساب على موقع البنك الاليكترونى تتابع بيه كل تعاملات حسابك
البطاقة فعالة على جميع المواقع زى بطاقة السعودية تماما
البنك محترم جدا وخدمة العملاء راقية جدا
البطاقة اخدت شهر لغاية الاستلام بواسطة ارامكس واعتقد انها فترة طويلة شوية نسبيا
الرسوم اظنها 20 او 30 جنيه سنويا وبعد 55 يوم بيحسب عليك فايدة
الشراء بالقسط بدون فايدة من اماكن كتير لكن لم اجربه صراحة
ولا عزاء لبنك فيصل اللااسلامى وتجربتى معاه فاشلة جدا والماكينات الخاصة به قليلة وموقع البنك عطلان طول الاسبوع اساسا وبيفتح نادرا
ولما ذهبت اعمل لزوجتى توكيل بالبنك (فرع الازهر على فكرة) طلبوا يشوفوا وشها وهى منتقبة فقلت مش مشكلة اول مرة فقالوا لا وكل مرة كدة اذا كان عاجبك
لكن البنك الاهلى محترمين لاقصى حد وجابوا موظفة مخصوص تشوف وشها وبعد كدة بيصرفوا لها اى فلوس مباشرة
ارشح التعامل مع البنك الاهلى كافضل البنوك فى مااااسر صراحة لكن طبعا احذر فى التاخير فى السداد قبل الفترة المسموح بها بدون فائدة حتى لا تقع فى الربا

والله أنا من خلال قراءاتي لمشاركات الأعضاء لقيت إنه أسلس بنك في التعامل هو البنك الأهلي ..هو يمكن روتينيته في حكاية إنك تبقى موظف أو ليك حساب دي اللي بتعتبر عائق بالنسبه لناس كتير ...ما تنساش بقى تفعل حسابك في الأهلي بوينتس عشان تاخد فلوس على قيمة مشترياتك

ازاى افعل حساب الاهلى بوينتتس دى ياريت تعرفنى اخى الكريم؟

المشاركة الأصلية كتبت بواسطة lonedoctor

ازاى افعل حساب الاهلى بوينتتس دى ياريت تعرفنى اخى الكريم؟

أفتح موقع البنك الأهليى هتلافي لينك تحت على إيدك الشمال من ضمن اللينكات اللي تحت إسمه (الأهلي بوينتس) إضغط عليه وأدخل إملى البيانات وإتبع الخطوات ..سهل جدا على فكره