تجربتي مع فيزا نت بنك مصر
كنت محتار اعمل فيزا نت على اي بنك لكن في النهاية اخترت بنك مصر وهقولكم على مميزات وعيوب الفيزا بكل موضوعية بعد تجربة حوالي شهرين وهبدأ بالمميزات:
· رسوم استخراج زهيدة 20 جنيه وصلاحية سنتين
· حد اقصى شهري للايداع 15 الف جنيه مصري كاف جدا
· شباك مخصوص للايداع في البنك بدون رقم وانتظار ممل
· مفيش عمولة على حركات الشراء عبر النت
· الفيزا بتطلع باسمك الثلاثي وده مطلوب في بعض المواقع
· دعم لمعظم المواقع
· استعلام عن الرصيد واستفسارات 24 ساعة على 19888 وخدمة عملاء فاهمة
· بيان عمليات شهري يرسل عالميل
· حساب اونلاين مجاني على موقع البنك لمتابعة حركة الفيزا
· مش لازم يكون عندك حساب في البنك عشان تطلعها
اما العيوب فهي:
· مدة استخراج البطاقة 20 يوم
· الرصيد بيسمع خلال 24 ساعة
والـ refund بيرجع الفيزا بحد اقصى 12 يوم والحقيقة رجع قبل انتهاء المدة المذكورة في احد التجارب. انا شايف بصراحة ان التجربة ممتازة وبنصح اللي عايز يعمل فيزا نت يعملها من بنك مصر وبرضه ياريت اللي عنده تجربة مع اي بنك آخر يتفضل يقولها عشان الكل يستفيد وشكرا