عن تكييف هاي سينس اسأل

**Amr_MO** · 09-05-2015 07:18 PM

عندي هاي سينس 3 حصان بارد فقط من حوالي 3 سنين

بصراحة مشتكيتش منه في شيئ، تبريده محترم وصوته هادئ

الموديلات الحديثة منه شكلها شيك جدا ولقيتهم ضايفين تكنولوجيا الايون من خلال مولد ايونات زي شارب مش وحدات على الفلتر زي بعض انواع التكييفات الاخرى

توكل على الله

**ahmedsrs** · 09-05-2015 08:07 PM

تكييف ممتاز بقاله سنتين عندى ومفيش مشاكل

**Elawany13** · 09-05-2015 10:25 PM

بكام 1.5 حصان ؟

Sent from my GT-S6500D using Forum Runner

**3abdo.it** · 09-05-2015 10:38 PM

التكيف دا افضل ولا lg

**Amr_MO** · 09-05-2015 11:40 PM

التكييف كنت شاريه ب 4000 جنيه ساعتها 3 حصان بارد فقط معرفش دلوقتي يعمل كام بصراحة

مقارنته بال lg معرفش افتي في حاجة مجربتهاش بس عموما الهاي سينس شغال معايا من غير مشاكل الحمد لله

كنت ساعات اهمل تنضيف التكييف بخصوص الوحدة الخارجية والتراب يتكوم فيها فلما كنت افصل الكهربا واغسل الوحدة الخارجية وانزل البلاوي والتراب والطين الي فيها واشغله تاني فعلا بحس بفرق ممتاز في الاداء

**smsm2015** · 10-05-2015 12:22 AM

بس ازاى حضرتك بتغسل الوحدة الخارجية علشان احنا عندنا واحد كاريير

**abudrsh** · 10-05-2015 07:27 AM

نصحية عن تجربة شارب و بس

**Amr_MO** · 10-05-2015 11:44 AM

المشاركة الأصلية كتبت بواسطة tza

بس ازاى حضرتك بتغسل الوحدة الخارجية علشان احنا عندنا واحد كاريير

تفصل الكهربا تماما عن التكييف من لوحة المفاتيح بعدها تفك الغطاء العلوي للوحدة الخارجية هتلاقيها متقسمة جزئينـ جزء فيه المروحة وجزء فيه الكباس

هتجيب خرطوم مياه وتبدا تغسل الجزء الي فيه المروحة بس حاول متجيبش المياه على موتور المروحة نفسه، وتغسل مواسير التبريد الي في الشبك خلف المروحة والسربنتينة هتلاقي التراب والطين بدا ينزل فتستمر في الغسل لحد ما المياه تنزل صافية، تجنب طبعا تغسل الكباس لأنه مش بيحتاج لغسل

بس عموما اهم جزء يتغسل هي المواسير الي خلف المروحة، صفي المياه الي اتجمعت في حوض الوحدة الخارجية على قد ما تقدر واقفل الغطاء تاني وشغل التكييف وهتحس بفرق شاسع في البرودة

الموضوع ده اعمله مرة او مرتين بالكتير على مدار اشهر الحر والصيف ومواسم التراب وغيره، اما بقية السنة فانصح انك تجيب غطاء للوحدة الخارجية عشان تحافظ عليها على مدار السنة لحد ما الصيف يجي وتشيل الغطاء وتستخدم التكييف عادي، موضوع الغسيل ده طبعا مع اي نوع تكييف حتى تكييف الشباك غسيل المواسير الامامية والخارجية بتاعته بينعش المكيف وبيخلي دورة الهواء اسهل وافضل فبيديك اداء اعلى في البرودة

**gade2** · 10-05-2015 04:38 PM

المشاركة الأصلية كتبت بواسطة Amr_MO

تفصل الكهربا تماما عن التكييف من لوحة المفاتيح بعدها تفك الغطاء العلوي للوحدة الخارجية هتلاقيها متقسمة جزئينـ جزء فيه المروحة وجزء فيه الكباس

هتجيب خرطوم مياه وتبدا تغسل الجزء الي فيه المروحة بس حاول متجيبش المياه على موتور المروحة نفسه، وتغسل مواسير التبريد الي في الشبك خلف المروحة والسربنتينة هتلاقي التراب والطين بدا ينزل فتستمر في الغسل لحد ما المياه تنزل صافية، تجنب طبعا تغسل الكباس لأنه مش بيحتاج لغسل

بس عموما اهم جزء يتغسل هي المواسير الي خلف المروحة، صفي المياه الي اتجمعت في حوض الوحدة الخارجية على قد ما تقدر واقفل الغطاء تاني وشغل التكييف وهتحس بفرق شاسع في البرودة

الموضوع ده اعمله مرة او مرتين بالكتير على مدار اشهر الحر والصيف ومواسم التراب وغيره، اما بقية السنة فانصح انك تجيب غطاء للوحدة الخارجية عشان تحافظ عليها على مدار السنة لحد ما الصيف يجي وتشيل الغطاء وتستخدم التكييف عادي، موضوع الغسيل ده طبعا مع اي نوع تكييف حتى تكييف الشباك غسيل المواسير الامامية والخارجية بتاعته بينعش المكيف وبيخلي دورة الهواء اسهل وافضل فبيديك اداء اعلى في البرودة

شكرا ياعمور على المشاركه دى انا هجرب مع انى حاسس انى بالعب بالنار