العربيه لسه جديده واتحكت جامد :(

**marsguy** · 22-03-2015 04:58 PM

السلام عليكم ورحمة الله وبركاته،،،

عربيتي لسه جديده ما عملتش 2000 كيلو

حصل فيها الخدوشات دي:

زي ما انتم شايفين في 3 أنواع من الخدوشات:

الخدش الأولاني: اللي هو بلون العربيه التانيه الكحلي
الخدش التاني: اللي هو لون أسود وده لون عربيه تانيه
الخدش التالت: مدي على أبيض اللي هو لون عربيتي اللي إتكحت.

طبعاً أنا متنكد حبتين بسبب الخدوش دي والعربيه ما كملتش شهر ونص وعاوزكم تساعدوني.

أولاً: أنا عارف إن اللألوات التانيه ممكن تطلع بسهوله نسبيه بس مش عارف إزاي؟ أنا مش باعرف أتعامل بالبولش وما عرفش أنواعه ولا بيتعمل إزاي.

يا ترى في مكان موثوق أقدر أروحله ويعالج الخدوش دي؟ أنا عالمي يتمحور حول مصر الجديده ومدينة نصر والتجمع.

ثانيا: بالنسبه للحكه اللي هي شالت جزئ من دهان عربيتي. هل في طريقه أعالجها بيها؟

شكراً مقدماً

**Hunting_Eagle** · 22-03-2015 05:34 PM

و لا يهمك ما تحطش في بالك

انا عربيتي اتخدتشت بمسمار بعد 6 ساعات من استلامها في نفس اليوم بفعل فاعل .. هي فعلا نكدت عليا ساعتها بس بعد كده عادي ..

المهم الخدوش اللي نتيجة الاحتكاك بعربية تانية .. و لون العربية التانية معلم عندك .. ممكن تشيلها بال wd 40

الخدوش اللي معلمة ابيض كبر دماغك منها لأنها مش هتطلع

(جرب على جزء صغير من العربية للتأكد من النتيجة قبل ما تشتغل على كامل المساحة)

**Eng.Mina** · 22-03-2015 05:40 PM

بسيطة خالص ان شاء الله وماتزعلش نفسك . حضرتك حاتروح لأي حد بتاع حدايد وبويات وتجيب منه علبة كومباوند ميدو وعلبة بوليش ميدو برده وتعدي علي اي صيدلية وتجيب كيس قطن طبي وبعدين تبتدي بالكومباوند تاخد حتة كبيرة شوية علي حتة قطن وتدعك بيها جسم العربية في المنطقة اللي فيها الخدوش بحركة دائرية وتكون ضاغط شوية علي القطنة لغاية متلاقي الخدوش اختفت واللون الكحلي ده طلع وبعدين تمسح اثار الكومباوند بفوطة نضيفة وتكرر نفس الموضوع مع البوليش حاتلاقي النتيجة مرضية الي حد كبير جدا وحاتشيلك نسبة كبيرة من الخدوش دي .
الموضوع بسيط جدا ومش مكلف خالص الكومباوند والبوليش والقطن غالبا مش حايعدوا ال20 جنيه ومش مستاهله تروح لحد وخلي الادوات دي مع حضرتك علي طول لاي خدوش مستقبلية لاقدر الله وربنا يفرحك بعربيتك ويباركلك فيها :)