كيف نحافظ علي السيارة من الناس و (العيال) خلال ركنتها في الشارع!

السلام عليكم ورحمة الله وبركاته

شباب أنا إتدايقت لدرجة إني دورت بجد علي موضوع كهربة العربيه
( أكهرب جسم العربيه ) علشان اي عيل أو حد افتكرها كنبه يتلسوع في...... أي حته فيه

طبعاً أنا بهزر في موضوع كهربة العربيه مش هنييجي نكحلها نعميها

بس بجد في حلول مقترحه تنفع بجد ؟؟

للعلم مفيش جراج قريب مني، وأنا في عمارة مش بيت ملك ومفيش مكان خاص اركن فيه العربيه :(

في حلول نعملها علي غطا العربيه مثلا؟ لأن العيال بتفرح بالإنذار بتتسلي عليه منهم لله

العيال بتعمل التالي:
١- بتنط علي الكبوت من قدام وبتتدحرج عليه
٢- بيطلعوا ينطوا علي السقف
٣- بيلعبوا استغمايه فبينزلوا يستخبوا تحت الغطا (منهم لله) هههههه

بالنسبه للكبار:
١- اللي يطلع بكوباية شاي ويحطها علي شنطة العربيه ويحكي مع زميله
٢- رغم إنه كبير بينط علي الشنطه من ورا ويقعد عليها

وفي أوضاع تاني كتير يمكن أنا مش بشوفها كمان
الناس بتعذب العربيه تحت


أنا بفكر أجيب رشاش وأصطاد أي حد يقرب من العربيه من البلكونه :3mla:

اشتري غطا و خلية يترب علي الاخر
و بكدا محدش هيعض علي العربية او الي هيعوض هيترب

اشترى غطا وحط علية اى رائحة كريهة جدا
حاليا ذهنى مش حاضر بس انت لوفكرت شوية هتلاقى حاجت كتير تعمل روائح كريهة جدا ومنها مركبات كيماوية مش لازم تفكر شمال يعنى عشان انا عارف دماغك هتروح فين:E_braces[1]:

اقتباس:

---

المشاركة الأصلية كتبت بواسطة محمد مجدي محمد

اشتري غطا و خلية يترب علي الاخر
و بكدا محدش هيعض علي العربية او الي هيعوض هيترب

---

والله مغطي العربيه (ووتر بروف) تحت والغطا كله تراب ومعفن وانا قاصد اسيبه كدا
بس للأسف نوعية الناس دي شكلها أعفن منه وبردوا بيحصل اللي بقولك عليه :((

أنا نفسي في حل انتقامي شريرررررررر
نفسي اللي يقرب منها يا يتعور يا هدومه تبوظ خالص علشان يبقي كدا علمت عليه :3mla:

سامحوني ياجماعه علي الطاقه الشريرة دي بس فاااض بيا ومليت :crying1:

اقتباس:

---

المشاركة الأصلية كتبت بواسطة ZARIF

اشترى غطا وحط علية اى رائحة كريهة جدا
حاليا ذهنى مش حاضر بس انت لوفكرت شوية هتلاقى حاجت كتير تعمل روائح كريهة جدا ومنها مركبات كيماوية مش لازم تفكر شمال يعنى عشان انا عارف دماغك هتروح فين:E_braces[1]:

---

هههههههههههههههههه فعلا راحت شمال علي طول
بصراحه نفسي اعمل الروائح الكريهة دي علي الناس والعيال نفسها وأفش غلي كدا وأقعد ابص عليهم وهما بيتعذبوا من الريحه، ياااااااااااااه بجد نفسي :3mla:

بس إقتراح جميل وهفكر أعمله فعلا يا أستاذنا الكبير :)
بس ربنا يستر علي ريحة الشنطه بقي ! مش عارف :(

انا مره شوفت حل غريب جدا تونايه عليها وساخه غريبه ولما صاحبها شافنى ببص باستغراب قالى ده شحم داهن بيه العربيه عشان بيركنو عليها فى الموقف قولتله صارف وشارى علبه شحم قالى بس اللى حيركن على العربيه عمره ما حينسى ابدا الركنه دى

اقتباس:

---

المشاركة الأصلية كتبت بواسطة rotanamasoud

انا مره شوفت حل غريب جدا تونايه عليها وساخه غريبه ولما صاحبها شافنى ببص باستغراب قالى ده شحم داهن بيه العربيه عشان بيركنو عليها فى الموقف قولتله صارف وشارى علبه شحم قالى بس اللى حيركن على العربيه عمره ما حينسى ابدا الركنه دى

---

الله عليك
والله فكرت في موضوع الشحم دا وشكلي هعمله
آه العربيه هيبقي شكل الغطا بتاعها يقرف الكـ... ولكن احسن مانزل الاقي خبطه هنا وكعمه هناك وكسره مش عارف فين

خليهم يتشحموا ولاد الـ......... ماسك نفسي بالعافيه :E_braces[1]:

إيه رأيكم في الغطا دا يا شباب ؟
https://www.imageupload.co.uk/images...3/22/09876.jpg
https://www.imageupload.co.uk/images...0900920f87.jpg

بس أكيددد العيال هتتسلقه وتنطنط فوقيه، ياااااه دي فرصه وممكن يدعوا عيال الشوارع اللي جنبنا كمان ههههههههههه

حسبي الله ونعم الوكيل

ركب انزار حساس

اقتباس:

---

المشاركة الأصلية كتبت بواسطة japrulez

ركب انزار حساس

---

إنذار حساس دا غير اللي عندي؟
منا عندي إنذار في العربيه وأنا خففت درجة حساسيته لما حد يخبط العربيه علشان العيال بتفرح بيه وبتعمل عليه حفله هههههههههه

افضل حل انك تعزل من المكان ده هههههههههه

انا حطيت زيت وسخ على الغطا الكل بقا يخاف يلمس العربية

اقتباس:

---

المشاركة الأصلية كتبت بواسطة حسام الروينى

افضل حل انك تعزل من المكان ده هههههههههه

---

ههههههههههه والله اخوك فكر بجد في الموضوع ده وربنا يكرمني واعمله قريب إن شاء الله انا قرفت منه شارع زباله

اقتباس:

---

المشاركة الأصلية كتبت بواسطة dbabis8

انا حطيت زيت وسخ على الغطا الكل بقا يخاف يلمس العربية

---

كنت خلاص هعمل الموضوع ده بجد بس فكرت وانا بلم الغطا اكيد هظلوط الدنيا!!!
انت بتشيله من غير ما يحصلك أضرار في إيدك او هدومك ودهان العربيه والغطا الناحية التانيه مش بيتبهدل؟ ولو بتعرف ازاي بقي الطريقه الله يباركلك ههههههههه

أصل الغطا بتاعي ووتربروف وزي مانت عارف بطانته شبه القطن كده ولو لزق فيها الزيت او الشحم هيبقي حوار

منكم لله ياللي مش مربيين ولادكم :( ياخي الواحد وهو صغير كان بيمشي تحت الحيط ومش بيقرب علي حاجات البشر :angry27:

ربنا معاك و الله دي مشكلة ما لهاش حل خااااالص:H_angry[1]:

غير ان الناس نفسها تتغير من جواها لأنك مهما عملت هتشيل الغطاء و هتتحرك من المنطقة و تركن في مكان تاني الناس هتستخدمها للإنتظار و الأكل و الشرب و تلاقي واحد ظريف معاه شيلة تقيلة يقوم رازعها على كبوت عربيتك مكسل ينزلها على الأرض أقول ايه ولا ايه

حسبنا الله و نعم الوكيل

اقتباس:

---

المشاركة الأصلية كتبت بواسطة lm ali

ربنا معاك و الله دي مشكلة ما لهاش حل خااااالص:H_angry[1]:

غير ان الناس نفسها تتغير من جواها لأنك مهما عملت هتشيل الغطاء و هتتحرك من المنطقة و تركن في مكان تاني الناس هتستخدمها للإنتظار و الأكل و الشرب و تلاقي واحد ظريف معاه شيلة تقيلة يقوم رازعها على كبوت عربيتك مكسل ينزلها على الأرض أقول ايه ولا ايه

حسبنا الله و نعم الوكيل

---

والله عندك حق :_Alshmokh08[1]:
ماهو إذا كل واحد جيه جنب العربيه فكر للحظه واعتبر انها بتاعته مش هيبهدل أمها كده :(
والله عمري ما ضغط علي عربيتي ولو ضغطه خفيفة من حرصي عليها لكن كلها دغه هنا ونقرة هناك من ناس وعيال ناس الله يسامحهم ويعوضنا خير عن اللي بيعملوه :( حسبنا الله ونعم الوكيل

وفي الآخر لما تيجي ترش العربية نضافة من العفانة بتاعة الشارع تحس انك ارتكبت جريمة
حتي لما هتيجي تكلف نفسك فلوس علشان تخلي شكلها يرجع نضيف زي الاول يقولك لاااااااا اوعي ترش هتنزل من قيمة العربيه :B4_592:

دعوة بس م القلب ياجماعه من اي حد يشوف الموضوع ده ان ربنا يكرم اللي زي حالتي ببيت ملك فيه مكان محترم نحط فيه العربيه يااارب :hrm_prv:

يمكن اكون متأخر فى هذه الرساله بس انا عندي حل
لو عرفت تعملة هترتاح اكيد من العيال ومن الكبار
تفضي نفسك يوم وتراقب العربية ولما تشوف العيال اللي بتلعب جنبها انزل لهم واعطي كل واحد حاجة حلوة او خدهم معاك في العربية لأقرب بتاع عصير واشترلهم عصير وبعد كدة قولهم يخلو بلهم من العربية وميخلوش حد يجي جنبها
هتلاقي العيال بيضربو اي حد يجي جنبها كبير او صغير وكل فترة كدة اشتري كيس ملبس او مصاصات وادي كل واحد واحدة
واعتبر نفسك بتدفع 5 ج ركنة كل شهر مثلا واشتري بيه ملبس للعيال

اقتباس:

---

المشاركة الأصلية كتبت بواسطة عيد عبد السلام

يمكن اكون متأخر فى هذه الرساله بس انا عندي حل
لو عرفت تعملة هترتاح اكيد من العيال ومن الكبار
تفضي نفسك يوم وتراقب العربية ولما تشوف العيال اللي بتلعب جنبها انزل لهم واعطي كل واحد حاجة حلوة او خدهم معاك في العربية لأقرب بتاع عصير واشترلهم عصير وبعد كدة قولهم يخلو بلهم من العربية وميخلوش حد يجي جنبها
هتلاقي العيال بيضربو اي حد يجي جنبها كبير او صغير وكل فترة كدة اشتري كيس ملبس او مصاصات وادي كل واحد واحدة
واعتبر نفسك بتدفع 5 ج ركنة كل شهر مثلا واشتري بيه ملبس للعيال

---

لا ياغالي مش متأخر ولا حاجه بالعكس :)
ردك عجبني والله وفكرة حلوه خلتني ابتسم كدا مفهاش عنف ولا حاجه :)
هي اه أشكال عيال سوابق أصلاً وتحس ان مفيش تفاهم ولا مخ بس ف الاخر الحركه بتاعتك دي ممكن تسعدهم بجد وتخليهم يهتموا بالعربيه.

بس العيال نامت خلاص بليل، تلاقي واحد طالع بكوباية شاي معتبرة وينط ع العربية من ورا ويشرب الشاي بتاعه او يتسند عليها من قدام والصاج يولع هو مش فارقه مع أهله حاجه.

سيبك من بتوع الشاي دول شكلهم عندهم فقدان ذاكرة مؤقت لأنهم لو صادفت وشافوني نازل الواحد فيهم يرتعش ويحط راْسه ف الارض ويقول أسف. المشكله كمان ف الناس الغريبة اللي مش م الشارع بس بتيجي تستني حد نازلها ولا اي اختراع وسبحان الله تشوف عربيتي كنبة :)

كان نفسي في حل يطّلع من العربية نفسها :) نفسي العربية تطلع سكاكين اتوماتيك تنغز ف اللي يقرب منها :)
عشان الحل الاجتماعي دا حلو بس بصراحه خلقي ديق ومش هقعد كل ما حد يعمل حاجه اروح اسايسه :(

بس بجد تسلم إيدك وفكرتك عجبتني :hrm_prv:
بارك الله فيك

لا حول و لا قوة إلا بالله
أنا بعانى نفس الحوار ده, المنطقة عندنا سكنت فيها أسرة بتاعة مخدرات و كل ليلة تلاقى أشكال ضالة فى المنطقة كلها, حرامية و شمامين و بلطجية.
عندنا بقت بجاحة, يعنى شايفك نازل تركب عربيتك و تلاقى شاب مسطول من إياهم مستربع عالكبوت و نايم عالبرابريز و لا كأنها كنبة ابوه. و تيجى تكلمة بالذوق يقولك : أصلها كان عليها تراب و أنا بمسحهولك !!!! متشكر يا إبن الـ ........

جربت الزيت و الشحم و الجاز و لا نافع, و العيال تتنطط عالسقف و الكبوت و الشنطة تحس إنهم قاصدين, و غطاء العربية بقى شكله معفن , أنا نفسى قرفان أمسكة, و هما و لا كأن فى أى مشكلة, و يأكلو عليه و الاقى بواقى الأكل سيبانهالى أشيلهالهم بعد ما القطط و الكلاب أتسلوا عليها.

ده غير أطفال الشوارع اللى ملهومش بيت يربيهم, مسكت عيل منهم مرة نازل من فوق السقف, و سبحان من خلانى أتمالك أعصابى و رحت ساحبه من قفاه و موديه على أبوه , و للأسف كان مسيحى و أى خناقة فى البلد دى بين مسلم و مسيحى بتتفهم غلط, يومين و الواد رجع يتنطط تانى.

ده غير اللى غاوى لامؤاخذة (يفك حصرته) على الكاوتش و الجنوط زى الكلاب بالضبط., حاجة قمة القرف.
فكرت فعلاً فى موضوع الكهربا بس خفت تبقى مصيبة مش ناقصة, خاصة إن الكهربا مش هتيجى فى أيده و لا رجله, دى هتيجى على الـ .... مباشرة, يعنى هينشف :) محدش يركز فى الحته دى.

شوفت واحد عامل صاج مشرشر داير حوالين الكبوت و الشنطة, بحيث اللى يفكر يقعد يحصل فيه زى محصل لسليمان الحلبى لما إغتال كليبر أيام الحملة الفرنسية. بس الموضوع خطر.

لو حد لاقى حل عملى ينوبه فينا ثواب.

ياباشا الحل سهل جدا
حط بدج النيابة العامة وفيم العربية وهتلاقي الكل يخاف يقرب من العربية ولو راكن في أي مكان مش هتاخد مخالفة

اقتباس:

---

المشاركة الأصلية كتبت بواسطة Zing0

لا حول و لا قوة إلا بالله
أنا بعانى نفس الحوار ده, المنطقة عندنا سكنت فيها أسرة بتاعة مخدرات و كل ليلة تلاقى أشكال ضالة فى المنطقة كلها, حرامية و شمامين و بلطجية.
عندنا بقت بجاحة, يعنى شايفك نازل تركب عربيتك و تلاقى شاب مسطول من إياهم مستربع عالكبوت و نايم عالبرابريز و لا كأنها كنبة ابوه. و تيجى تكلمة بالذوق يقولك : أصلها كان عليها تراب و أنا بمسحهولك !!!! متشكر يا إبن الـ ........

جربت الزيت و الشحم و الجاز و لا نافع, و العيال تتنطط عالسقف و الكبوت و الشنطة تحس إنهم قاصدين, و غطاء العربية بقى شكله معفن , أنا نفسى قرفان أمسكة, و هما و لا كأن فى أى مشكلة, و يأكلو عليه و الاقى بواقى الأكل سيبانهالى أشيلهالهم بعد ما القطط و الكلاب أتسلوا عليها.

ده غير أطفال الشوارع اللى ملهومش بيت يربيهم, مسكت عيل منهم مرة نازل من فوق السقف, و سبحان من خلانى أتمالك أعصابى و رحت ساحبه من قفاه و موديه على أبوه , و للأسف كان مسيحى و أى خناقة فى البلد دى بين مسلم و مسيحى بتتفهم غلط, يومين و الواد رجع يتنطط تانى.

ده غير اللى غاوى لامؤاخذة (يفك حصرته) على الكاوتش و الجنوط زى الكلاب بالضبط., حاجة قمة القرف.
فكرت فعلاً فى موضوع الكهربا بس خفت تبقى مصيبة مش ناقصة, خاصة إن الكهربا مش هتيجى فى أيده و لا رجله, دى هتيجى على الـ .... مباشرة, يعنى هينشف :) محدش يركز فى الحته دى.

شوفت واحد عامل صاج مشرشر داير حوالين الكبوت و الشنطة, بحيث اللى يفكر يقعد يحصل فيه زى محصل لسليمان الحلبى لما إغتال كليبر أيام الحملة الفرنسية. بس الموضوع خطر.

لو حد لاقى حل عملى ينوبه فينا ثواب.

---

ياخي انا عايز ابوسك واحضنك وربنا

انت حاسس بيا فشخ :_Alshmokh08[1]: انا مش عارف نعمل ايه ف الحوار التيت دا
والله والله والله همووووووووووت واكهرب العربيه، أنشالله اللي يقرب منها يموت حتي، بالعكس انا هفرح لما اصحي الصبح الاقي حوالينها ٣ او ٤ ميتين جنبها من الكهربه. المهم محدش يحرق دم اللي خلفوني :_Alshmokh08[1]:

حسبنا الله ونعم الوكيل ، فعلا محتاجين حل للموضوع البايخ دا يكون انتقاااااامي، عشان الناس بعد كدا تمشي بعيد من عربيّات الخلق، وتتعود متبصش عليها اكنها كنبة ابوهم.

اقتباس:

---

المشاركة الأصلية كتبت بواسطة hamo81

ياباشا الحل سهل جدا
حط بدج النيابة العامة وفيم العربية وهتلاقي الكل يخاف يقرب من العربية ولو راكن في أي مكان مش هتاخد مخالفة

---

والله ياغالي العربية اللي بتركن جنبي علي طول، عربية وكيل نيابة ومفيمه ونمر سودة وبدج، وشويه وهيجيب ٢ عساكر يقفوا جنبها، وبصحي الاقي سقفها مطبق زي عربيتي :E_braces[1]: ههههههههه

مش عارف اقولك ايه علي عيال الشارع والنَّاس المساطيل اللي عندي، نو كومنت احسن هخرف :_Alshmokh08[1]:

متابع

مبدائياً عايز اقولك ان انا كمان بعاني من مشكلة ركن العربية في الشارع

تلات مرات أنزل الاقي الزجاج الأمامي مشرخ الحمد لله بتكون شروح بسيطة

عالجة المشكلة دية اني بقيت أحط سافنج وفوقيه كارتون فوق الزجاج دة بالأضافة إلي غطاء العربية طبعا .

ومرة نزلت لاقيت مراية العربية اليمين متفشفشة عربية نص نقل كسرتها وصاحبها معندوش ضمير مشي وسابها .

بالنسبة للعيال بقي عايز اقولك بيلعبو كورة جنب العربية وبيلعبو اي حاجة تتخيلها جنب العربية

دول مش لاقلهم حل نهائي مش عارف اموت العيال دية ولا اعمل فيهم اية

طبعا لو حبيت تحط العربية في الجراج اقل حاجة 150 جنية في الشهر والكلاب هتقعد فوق العربية برضو يعني هتتبهدل

بص في حل ممكن تعملو تروح لحداد وتخلية يعملك 6 خوازيق حديد كبيرة تبقي من الأرض لحد باب العربية كدة وتعملهم قواعد في الأرض وطول ما العربية واقفه حط الخوازيق الحديد دية في القواعد بتعتها وثبت كل واحد فيهم بقفل وهات جنزير ووصل الخوازيق دية ببعض يعني تحاوط العربية من ورا والوسط ومن قدام بالجنزير والخوازيق دية .

اعتقد ان دة ممكن يقلل شوية من المشكلة اللي بتتعرض ليها وفي نفس الوقت هيحمي العربية من أي خباطات من عربيات تانية .