الموضوع: Adk ولا dfa لتعلم الألمانية ؟

المشاركة الأصلية كتبت بواسطة sherif1988

باشاياريت لو موجود دلوقت تقلي مكانة فين بالظبط انا في شارع طربلس بدور علية

آسف جدا لسة شايف البوست حالا
هتدخل طرابلس من عباس العقاد وهتعدي أول شارع موازي لعباس اللي هو محمد حسنين هيكل هتلاقي المركز تاني عمارة على ايدك اليمين علطول الدور الأرضي

المشاركة الأصلية كتبت بواسطة sherif1988

أبو آسر

انا وصلت لية dfa بعد عازب بس كان الغلط منى
انى اعتمدت على الخريطة اللى حطنها على صفحتهم فى الفيس

انا عايز رئيك فى مستوا المكان
انا روحت الصبح جوتة وبعدين عديت على dfa والصراحة انا حاسس ان جوتة افضل وهيبقا بمراحل
يعنى حاسس انة زى اى مركز بتاع لغة عادى من الحاجات اللى بتاخد فلوس ومبتعلمش صح
ودة بقولة كا مستوى مكان بالنسبة ل جوتة و لــــ :

اولا روحت دخلت المكان بتاع نص ساعة واقف فى الريسبشن مفيش حد موجود
سمعت صوت فى المكتب اللى فى اخر الطرقة دخلت اشوف حد لقيت اتنين قعدين بيتكلموا المانى تقريبا
بسئل على حد قلولوى برة رجت قعت تانى مفيش حد

طلعت فوق على السلم الخشب قعدت ادور لقيت بنت فى مكتب قلتلة جات معايا
وقلتلى اللى عيزة وللاسف مفيش كورسات مكثفة حليا
كمان انا شايف انة جوتة مثلا المستوى الواحد 3 ليفل
اليلفل 50 ساعة
طيب دة المستوى الواحد 2 ليفل الليفل الواحد 36 ساعة
فا مش عارف دول بقا هيضغطونا ولا هيكروتونا

فا انا شايف مفيش تنظم ولا اى حاجة
فا عايز اعرف مستوى المكان كا تعليم بعيد عن اللى مريت بية طبعا
انت رئيك فى المكان كا تعليم هل كويس ولا الافضل اروح جوتة او adk

أنا مجربتش جوتة فبالتالي مش هقدر أحكم حكم منصف بس بنسبة كبيرة جدا جوتة أفضل وشهرته واعتماده أكبر دليل على كده بس جوتة بالنسبة ليا فيه عيبين الأول سعر الليفل مبالغ فيه جدا ويصل إلى ضعف سعره في dfa ثانيا المشوار بعيد جدا عني فبالتالي اخترت dfa بناء على آراء ناس نصحت بيه برده
dfa مش وحش ، وبيدرس فيه مدرسات ألمان والمصريين اللي بيدرسوا بيبقى سافروا ألمانيا أو النمسا وعاشوا فيها فترة واللي بيدرسلي حاليا عاش فترة طويلة في النمسا وبالتالي مش واحد خد كورس وشهادة وابتدى يدرّس ، فالمستوى هناك مش وحش خالص زائد إنهم بيدرسوا نفس منهج جوتة وعلى فكرة من قبل ما جوتة يدرسه كمان ! وسعره رخيص نسبيا
لكن يعيبه فعلا إنه بيضغط الليفل وده فعلا ممكن يؤدي لكروتة أحيانا بس ده ممكن يكون ميزة لواحد استيعابه كويس وبيذاكر كويس وعايز يخلص بسرعة
adk معرفش عنه حاجة بصراحة بس ممكن يكون قريب من dfa برده
الخلاصة لو تقدر تدفع تمن الليفل في جوتة ومكانه قريب منك توكل على الله ، لو مش هتقدر يبقى روح dfa مش هتندم والشهادة أمرها سهل لما تخلص تبقى تمتحن في جوتة

المشاركة الأصلية كتبت بواسطة 7oksh

أستاذ أبو أبو آسر؛ لو حضرتك تقدر تفيدني بمعلومات عن المراكز دي و اتواصل معاهم ازاي و هل حجز كورس زي ده ممكن يسهلي اجراءات الفيزا ؟ لان انا وصلت هنا لليفل a2 و عايز اكمل هناك
شاكر جدا لحضرتك

انا معنديش اي معلومات عن اي حاجة خارج مصر خالص انا كل معلوماتي عن مركز dfa اللي هنا بس بحكم اني اخدت عندهم مستوى واحد فقط حتى الان :)