الموضوع: استشارة - موتور الاوبترا 2008

السلام عليكم ورحمة الله
ازيكم يا شباب
دايما كالعادة متعود الجألكم اول ناس (بعد ربنا طبعا) فى اى حاجة تتعلق بالعربية ، عندى عشم مالهوش مثيل انى الاقى عندكم اجابات اسالتى باستمرار

الحقيقة انا معايا شيفرولية اوبترا 2008 اوتوماتيك ، حاليا عدادها ماشى 139000

انا من الناس اللى بتتابع صياناتها فى مواعيدها ومش باخر حاجة الحقيقة ، وبالنسبة لسواقتى فهى على حسب الطريق ، اكيد بيكون فى شد وكيك داون وكلام من دا بس اكيد بردو مش بقفل العداد يعنى ! ، يعنى سواقة بتاعت شوارع مصر.
المهم انا من فترة طولت فى غيار الزيت 30 كيلو مش اكتر من كدا ، وبعد ما غيرت الزيت كنت راجع من الشغل بجرى شوية ومسافة ماركنت باجى ازود وانا واقف بسمع صوت خشونة فى اجر التزويدة لما بوصل الار بى ام ل 3 مثلا او اخر 2 . فقولت مابدهاش اعدى على الميكانيكى اساله ، الميكانيكى كشف وقالى سبيكة وعاوزة تتغير وماعرفش تخرط ايه كمان ، قولتله شكرا وسيبه وروحت لواحد تانى ، قالى نفس الكلام ، وروحت لواحد تالت قالى سبيكة بس الموضوع فى اوله لسة ، مش هايبان قبل 6 او 7 شهور ولا حتى سنة ، وساعتها ممكن اقولك هاتلى شورت بلوك احسن من العمرة والحوارات ديه
الحقيقة انا لما سمعت كدا اخدت موقف من العربية وفكرت ابيعها ، لانى مقلق منها ومقلق من حوار العمرات والمواتير والكلام دا .

انا دلوقتى محتاج استشارتكم ، هل الانسب دلوقتى ابيع العربية واغيرها ، ولا لو اتصلحت هاتبقى تمام زى الاول ؟!
وانهى انسب العمرة ولا تسقيط موتور ؟ وياترى حوار تسقيط الموتور دا حاجة صعب اثباتها فى المرور ولا الاوضع ازاى ؟!

ياريت تفيدونى افادكم الله