بحمدالله حجزت النهارده سويفت هاتشباك من مودرن موتورز اسيوط
العربية هاتكون للمدام ... سافرنا النهاردة من سوهاج الى اسيوط علشان
نشوف العربيات اللى قررنا تكون العربية واحدة منهم الاختيار كان مابين
سانديرو اوتوماتيك ميتسوبيشى اتراج سوزوكى سويفت وعلى الهامش
تشانجان بينى وهانشوفهم فى الشركة المصرية للسيارات
المدام كانت متحمسة قوى للسانديرو وانا كنت متحمس للاتراج علشان
الكلام اللى سمعته من ملاكها وكنت شايف ان البينى ممكن تكوناختيار كويس
بسبب سعرها وجودتها اللى بيتكلم عنها ملاكها برضه بس كنا خايفين منها كعربية صينى
بعد ما ركبنا الاتراج خرجناها خالص من الحسبة السانديرو ماكانتش موجودة بس ركبنا النيو لوجان
العربية حلوة بس حاسين ابعادها ضخمة ..... والمفاجاة ان ال شانجان بينى حازت على اعجابنا العربية
فعلا حلوة وتقفيلها من جوة كويس جدا ....سالنا على السويفت مش موجودة
طلعنا بعد كده على مودرن موتورز وطبعا حب من اول نظرة السويفت فعلا حبيناها ولماركبنا العربية اقتنعنا بيها اكتر
كان بعد كده حيرة بسيطة فى اختيار هاتشباك ولا ديزاير ... وانتهينا الى حجز الهاتشباك والحمد لله والاستلام بعد العيد
ان شاء الله عيدالفطر مش الاضحى