سويفت، بيكانتو، رينو ستيب واي

**Mona Mourad** · 23-03-2015 01:41 AM

السلام عليكم ورحمة الله وبركاته
بعد بحث اسبوع (طبعا مة صغيرة جدا بالنسبة لحد مايفهمش حاجة في العربيات)
دخلت علشان اعرف اجيب سزوكي سويفت ولا هيونداي وكنت لاغية الكيا بيكانتو
انتهيت النهاردة عالسزوكي سويفت هتش باك او كيا بيكانتو هاي لاين
من شوية شوفت موضوع الرينو ستيب واي لئيت سعرها مقارب ومواصفاتها حلوة وشكلها احلى عاملة زي ال4×4
للاسف ماشوفتهاش في المعرض ولا دخلت رينو اصلا كنت فاكراها معدية في السعر

طب طالما التلاتة تقريبا السعر مش بعيد اوي يعني 103 و111 و 116
عايزة ارائكم علشان انا مش بفهم في العربيات ولا المواصفات ولا اعرف صيانة مين احسن من مين ولا قطع غيار مين اوفر من مين ولا متانة مين اكتر من مين

**hanyyacot** · 23-03-2015 08:10 AM

استبعدى البيكانتو عشان سعرها مبالغ فيه اوى و عربية 1100 سى سى , رأيى الشخصى الرينو ستيب واى تكسب عشان ليها توكيل محترم فعلا و انتشارها احسن وتقفيلها كويس , السويفت شكلها كويس بس لسه ماتجربتش ولا ظهرت عيوبها وتوكيلها سئ

**Abo_Mazen** · 23-03-2015 08:31 AM

المشاركة الأصلية كتبت بواسطة hanyyacot

استبعدى البيكانتو عشان سعرها مبالغ فيه اوى و عربية 1100 سى سى , رأيى الشخصى الرينو ستيب واى تكسب عشان ليها توكيل محترم فعلا و انتشارها احسن وتقفيلها كويس , السويفت شكلها كويس بس لسه ماتجربتش ولا ظهرت عيوبها وتوكيلها سئ

غريبه قوي حكاية البيكانتو 1100 سي سي ..أنا أعرف إنها 1300 وشوفتها في الطارق 1300 وعلى موقع كونتاكت 1300 . ..وبعدين الرينو اللوجان صاجها ضعيف جدا مش عارف بقى الاستيب واي نفس الوضع ولا لأ

**mohamed_selim** · 23-03-2015 09:27 AM

ستيب واى افضلهم من جميع النواحى

**islam.3bada** · 23-03-2015 10:09 AM

انا كنت لسه من اسبوع بعمل المقارنة دى لأختى
و استقريت على السانديرو هاى لاين 110,000 جم
استبعدت البيكانتو لان تمنها كتير عليها و مفيهاش اى وسائل امان
و استبعدت السويفت عشان توكيلها مش كويس وقطع غيارها برا محدودة وانتشارها اقل من السانديرو و البيكانتو وكان قدامى السانديرو موتور اقوى و شنطة اكبر وعربية اوسع وثبات افضل فا نقلت المقارنة بين الاستيب واى و السانديرو
واستبعدت الستيب واى عشان اغلى من السانديرو 6000 جنيه واوبشن اقل
السانديرو هاى لاين تفرق عن الستب واى جنوط سبور و تكييف تاتش و باركينج سينسور
ولاقيت ان 116 كتير على استيب واى

**hanyyacot** · 23-03-2015 11:32 AM

المشاركة الأصلية كتبت بواسطة m_m_sh_a

غريبه قوي حكاية البيكانتو 1100 سي سي ..أنا أعرف إنها 1300 وشوفتها في الطارق 1300 وعلى موقع كونتاكت 1300 . ..وبعدين الرينو اللوجان صاجها ضعيف جدا مش عارف بقى الاستيب واي نفس الوضع ولا لأ

معلش حصل خطأ من عندى , هى موتورها 1200 مش 1100 , البيكانتو موديل 2015 موتور 1200 , وده موجود على كونتاكت وفى المعارض , انا روحت شفتها وسألت عليها , العربية صغيرة جدا لدرجة ان الباب الخلفى داخل فى الشنطة , البيكانتو عربية كويسة محدش قال حاجة بس سعرها مغالى فيه جدا, يعنى دى اخرها 75 الف باسعار العربيات دلوقتى , السانديرو موتور 1600 وده هايفرق فى تشغيل التكييف و السحب وحاجات كتير, كمان اوسع وفيها عوامل امان ودى اهم حاجة

**scientist9508** · 23-03-2015 07:08 PM

بسم الله الرحمن الرحيم

الاخت الفاضله منى

اضم صوتى لكل الاصوات التى ترشح لك الرينو. . ببساطه لن تجابهين اى مشاكل فى صيانتها. . . عكس السوزوكى (لان وكيل سوزوكى من افشل الوكلا على مستوى الجمهوريه). . . من فضلك استبعدى البيكانتو. . . . (لا تستحق حتى نصف ثمنها)

هداك الله لارشد امرك و اقومه

السلام عليكم و رحمة الله و بركاته

**Mona Mourad** · 23-03-2015 10:43 PM

مش عارفة اشكركم ازاي يا جماعة بجد كلكم
الحمد لله نزلنا النهاردة علشان نشوف التلاتة وبدأنا بمعؤض رينو، وماروحناش غيره
جوزي اول مادخل كانت السنديرو اول واحدة ادام الباب ركبها وقاللي هي دي
شاف بعدها الستيب واي عجبته برده بس قاللي السنديرو اظرف ودخلنا اللوجان برده بس حسيتها كبيرة طولا كدة شيك اه وكل حاجة بس ماحطتهاش في المقارنة
الراجل قاللي الفرق بين السنديرو والسنديروستيب واي نفس الواصفات بي السيب واي فيها شاشة تاتش نافيجيتور ومافيهاش باركنج سينسور والكوتش 16 السنديرو مافيهاش الشاش التاتش وفيها الباركنج سينسور وعجلها 15
الستيب واي فيها مكان تسبيت الشبكة عالسقف والسنديرو لا
الاستيب واي 16000 والسنديرو 10000
فقلنا على بركة الله السنديرو باذن الله ، هنستخير ونحجز بكرة وربنا يرزقنا خيرها ويكفينا شرها
بس مزعلني اوي مافيش اللون البترولي الرمادي المزرق ده زي بتاع الماتريكس
قاللي الاحمر والنبيتي والابيض والاسود والسيلفر
جزاكم الله خير تعبتكم معانا