عمرى ما كنت اتخيل ان افكر فى اللانوس

**mohamedhagrass** · 24-03-2015 11:25 AM

بص انا كنت مكانك من خمس ايام بتلظبط
مفيش حاجه بنفس السعر او قريبه زيرو الا اللوجان واللانوس والفيرنا
الفيرنا وحشه ثبات على الطريق فصرفت نظري عنها اللوجان انضف بس قطع غيار مقرفه التقفيل مش فارق عن اللانوس فحاجه اللانوس اثبت اللوجان فرامل احسن ... انا استقريت على اللانوس ونزلت السوق الجمعه الي فاتت واشتريت لانوس

فالمستعمل ملقتش حاجه فالسعر ده الا الافيو وكانت حالات مش قد كدا ومش حلو ... البروتون حالات برضه وحشه والحاله النضيفه ب تسعين وانت طالع ... الاوبترا النضيف برضه تسعين انا بتكلم النضيف يعني عربيه فابريكه بالكامل ماشيه كيلو معداش 60 الف كل صيانه متسجله توكيل وعربية مضمونه

انزل لف فالسوق وشوف لانوس تكون فول اوبشن لان حرام تدفع كل ده ومفيش اي اوبشن ... لو ملقتش حاجه نضيفه هاتها بس هتلاقي المهم تكون بتفهم فالعربيات

**mohamedhagrass** · 24-03-2015 11:26 AM

نسيت اقلك تقفيل اللانوس برضو مش قد كدا

**mohamedhagrass** · 24-03-2015 11:33 AM

الأسعار لم نزلت السوق فابريكه 35 الف كيلو 2014 فل اوبشن فاميه مثبت كانت ب 72 وانت لسه هتفاصل يعني هتجيب ب 68 كانت مفهاش خدش
عامه السعر مبين 65 ل 72 حسب الكيلو والحاله ... ال 2015 72 ل 76 تزود او تنقص الفين حسب شطارتك واجرائات العقد المسجل على مين لان ده لوحده سائل عليه ب 2000