السلام عليكم ورحمة الله وبركاته،،،
صديق لي الهارد بتاعه النهارده بيوصله على الكومبيوتر مش راضي يقراه.
الهارد بينور بس مش بيتقري. وبيتكتك كمان!
هل في أي طريقه نصلحه؟ أو نحيب الداتا اللي عليه؟
داتا مهمه جداً
شكراً
عرض للطباعة
السلام عليكم ورحمة الله وبركاته،،،
صديق لي الهارد بتاعه النهارده بيوصله على الكومبيوتر مش راضي يقراه.
الهارد بينور بس مش بيتقري. وبيتكتك كمان!
هل في أي طريقه نصلحه؟ أو نحيب الداتا اللي عليه؟
داتا مهمه جداً
شكراً
قبل أي حاجة : خليه يجرب كابل usb أخر ,, و يوصله بفتحات usb أخري بالجهاز ..
إن شاءالله خير ..
شكراً على الإهتمام
طب لو ما إشتغلش؟ هل في حد بيصلح؟
شكراً
هو لو مشتغلش ,, يبقي محتاج بوردة ,, أو أن السوكيت الخاص بالكابل فيه مشكلة ,,
و كده كده لو البوردة أتغيّرت أو الراكة اللي بتحتوي الهارد أتغيرت,, الداتا اللي علي الهارد مش هتضيع ..
ماشي بس ده هارد خارجي سيجيت 1 تيرا
في حد في مصر عنده بورد؟
وياريت تديني رقمه عشان نوديله الهارد
شكراً
الهارد الكبير اللي شغال بالفيشة ولا الصغير الـ Portable ?
كلا الهاردين بوردهم موجودة ,, لآن الهارد الكبير ده عبارة عن هارد عادي من اللي بيركب في الكمبيوتر, بس محطوط في راكة ..
و الهارد الـ Portable ده هاردديسك من بتاع اللابتوبات , محطوط في راكة برضه ..
لو الهارد ف الضمان: يبقي يتعمل في التوكيل أحسن أو يسلمه للمحل اللي أشتري منه, و يقول له يغيّر لو البوردة بس ,, ما يلمسش الميديا عشان الداتا اللي عليها ..
لو خارج الضمان: يبقي يجيب من المحل اللي أشتري منه عنوان مقر الصيانة الخاص بالتوكيل برضه و يروح بنفسه هناك ,,
مقر صيانة التوكيل أضمن من المحلات اللي بره دي ,, لآن معظمهم حافظ و هيستسهل و ممكن يعمل حاجة في الهارد أثناء صيانته و يطير الداتا اللي عليه ..
لكن بتوع التوكيل فاهمين شوية ..
التكتكة مؤشر غير جيد ربنا يستر
بص انا ممكن أقول لك على حد بيفهم .. روح لمهندس منذر .. محل اسمه ماك سيتي في الخليفة المأمون جنب كنتاكي اللي هناك.
هو مش هيفتي و هيجيب لك من الاخر.