عاوز أخس

**mohamed2002** · 23-03-2015 08:05 PM

امشي كتير وكل سلطة كتير واتعشي سلطة

**sherif222** · 23-03-2015 08:08 PM

أهم حاجة فى رأيى البعد عن الثلاثى الرهيب : البطاطس - الرز - المكرونة

**mk3** · 23-03-2015 10:12 PM

قلل الرز امنع المكرونه قلل السكريات اشرب شاى اخضر

**amr011111** · 23-03-2015 10:41 PM

متابع

**corolladestroyer** · 24-03-2015 12:06 AM

انا خسيت الفترة اللي فاتت 11 كيلو
1- مشي
2- الغاء العشاء تماما
3- افطر كويس اوي( شوفان بيض وفول جبنه قريش بالطماطم )
4- ابتعد تماما عن الرز والمقليات ابعد عن الدهون اهم من الكربوهيدرات ( النشويات)
هتخس جامد فعلا اوزن نفسك كل اسبوع وتابع ومتيأسش...
الغدا فراخ مشويه او تونه او سمك مشوي او لحم مشوي ومرتين في الاسبوع مثلا بدل الغدا قضيها فواكه وسلطه...
كوك دور وجباته الدايت جميله..
في مطعم اسمه دايت هاوس لذيذ برضو
او مطاعم المشويات بتأدي برضو...

**الاستاذ** · 24-03-2015 05:06 AM

معلش يعنى هتخس ازاى من غير رجيم ورياضة !

**إنسانة** · 24-03-2015 05:28 AM

أفضل نصيحة للي عايز ينحف "احسب السعرات الحرارية"

لو جسمك محتاج 2000 سعرة في اليوم احذف منهم 500 سعرة ووزع الباقي على اليوم 500 فطار 600 غدا 400 عشا

ومتحولش تنزل اكتر من كيلو اسبوعيا

الرياضة يتأثر بنسبة 20% و التخفيف بيأثر بنسبة 80%

اذا اهمية الرياضة بتحافظ على الشكل و الصحة واللياقة ولكن غير مجدية في الاعتماد عليها لانقاص الوزن وخصوصا لو المطلوب نزول وزن كبير في وقت محدود

البحث اللي عملته اثناء الدراسة كان على موضوع فيه جزء متعلق بالحكاية دي

كان عندي 6 أطفال عندهم وزن زايد والاطفال دول "مقعدين" مابيتحركوش او حركتهم بسيطة

و 3 اطفال توحديين وعندهم نشاط زائد وبياخدوا ادوية تهديهم فزادت اوزانهم وكان لازم انقاصها

المقعدين اتعملهم نظام غذائي و التوحديين اتعملهم نظام رياضي

بعد 3 شهور المقعدين وصلوا للاوزان الصحية او مقاربه "نزول مابين 9 الى 12 كيلو" و التوحديين نزلوا مابين 3 الى 5 كيلو من اوزانهم

فالنشاط البدني العادي مهم في ترتيب شكل الجسم لكن الاعتماد الاكبر على التخفيف وخصوصا لو فيه مشكلة دهون

مهما عملت تمارين "للبطن" مثلا و البطن عليها طبقت دهون مش هتحس بتغيير لان الدهون بتنزل من الجسم كله بنسب متساوية مابتنزلش من منطقة وحدة

ومع النظام الغذائي والرياضة المعتدلة اعملك نهاية الاسبوع وجبة مفتوحة كل فيها زي ماتحب "ابحث عن اليوم المفتوح واعرف فوايده" *هي وجبة بس مش يوم كامل*

بالتوفيق

**dede_dodo88** · 24-03-2015 09:40 AM

المشاركة الأصلية كتبت بواسطة إنسانة

اهمية الرياضة بتحافظ على الشكل و الصحة واللياقة ولكن غير مجدية في الاعتماد عليها لانقاص الوزن وخصوصا لو المطلوب نزول وزن كبير في وقت محدود
مهما عملت تمارين "للبطن" مثلا و البطن عليها طبقت دهون مش هتحس بتغيير لان الدهون بتنزل من الجسم كله بنسب متساوية مابتنزلش من منطقة وحدة

الوزن مش هينزل بشكل اسرع من غير ممارسة الجري, مش هتفرق اوي تمارين زي البطن و كده لانها مجرد بتقوي عضلات لكن مش هتحرق دهون بالشكل الكافي لو اتلعبت لوحدها..
لو محتاج تحرق دهون اسرع يبقى لازم تعلى بالميتابوليزم بتاع جسمك, و ده مش هيحصل من غير ما تخلي عضلة القلب تعمل مجهود اكبر, و الجري هو اللي يقدر يقوم بالمهمة دي هو بالاضافة للعب مجموعات تمارين intervals مكثفة في وقت قصير..
لعب الحديد بيساعد برضه في حرق الدهون, لانه بيستهلك من الدهون المتراكمة في الجسم لتوفير طاقة للعضلات..
الدايت لوحده هينزل الدهون و معاها العضلات, فلازم يكون في حاجة جنب الدايت تبني معاها العضلات..
فكرة انقاص الوزن بتتلخص في حرق سعرات حرارية اكتر من اللي بتاكله...

**إنسانة** · 24-03-2015 02:02 PM

المشاركة الأصلية كتبت بواسطة dede_dodo88

الوزن مش هينزل بشكل اسرع من غير ممارسة الجري, مش هتفرق اوي تمارين زي البطن و كده لانها مجرد بتقوي عضلات لكن مش هتحرق دهون بالشكل الكافي لو اتلعبت لوحدها..
لو محتاج تحرق دهون اسرع يبقى لازم تعلى بالميتابوليزم بتاع جسمك, و ده مش هيحصل من غير ما تخلي عضلة القلب تعمل مجهود اكبر, و الجري هو اللي يقدر يقوم بالمهمة دي هو بالاضافة للعب مجموعات تمارين intervals مكثفة في وقت قصير..
لعب الحديد بيساعد برضه في حرق الدهون, لانه بيستهلك من الدهون المتراكمة في الجسم لتوفير طاقة للعضلات..
الدايت لوحده هينزل الدهون و معاها العضلات, فلازم يكون في حاجة جنب الدايت تبني معاها العضلات..
فكرة انقاص الوزن بتتلخص في حرق سعرات حرارية اكتر من اللي بتاكله...

مفيش ادنى شك ان الرياضة مهمة جدا في جميع الحالات وانا مع حضرتك طبعا ان الجري او التمارين العادية الصباحية ضرورية في رفع مستوى الحرق

بس طبعا دا مش هينزل الوزن بشكل سريع "هيزيد الحرق ودا هيساهم " و طبعا انا ضد نزول الوزن بشكل سريع في الاساس , والوجبة المفتوحة هتكسر الثبات

و لو اتبع نظام صحي مش هيدخل جسمه في مجاعة ولا هيهد عضل

لاحظ اني قلت "كيلو اسبوعيا" و "تخفيف" و"نظام غذائي"

"يعني هياخد حاجته من العناصر المطلوبة" مش هيهد عضل لو مشي على نظام غذائي صحي

و محددتش النظام الغذائي "قصدا" في كلامي لان دي مهمة الدكتور او المدرب اللي هيشرف عليه

ولكن انا ضد بشدة مثلا حد ينصح بايقاف النشويات "رز , خبز" لان النشويات بيتحول جزء منها لglycogen وبعد مايتم تصنيعه بيتخزن في العضلات و الكبد

المشكلة لما تلاقي مدرين ينصحوا بتعويض النشويات ببروتين عشان يتفادى الهدر في العضلة متجاهل ان البوتين حرقه وتخزينه غير حرق وتخزين النشويات وباي مجهود بيحلل العضلة ويتعب الكلى

و كنت هقول بالمناسبة لو هتعمل رياضة متوسطة الشدة لازم تشيل اوزان بس دا كمان هيدخلنا في اختصاصات الدكتور او المدرب الخاص بحالته لان فيه كميات من البروتين و الكارب لازم تتحددله لو هيشيل اوزان ومينفعش حد من بعد كدا ينصحه بنظام غذائي لازم دكتور او اخصائي او على اقل تقدير مدرب دارس

ممكن ندي نصايح عامه متعلقة بالتخفيف و الغاء السكريات الترفيهية ومعلومات عامة لكن مش نظام غذائي او حذف عنصر اساسي زي النشويات دي كلها امور تخص المختصين

عموما بفضل اتباع سياسة انزال الوزن بشكل صحي بعدين بناء عضلات لما يتقرب من الوزن المثالي "يتبني كم كيلو عضل بالاوزان" لو فيه مجال ولكن دا يخص ذوي الاحتياجات الخاصة عشان مانثقلش على العضلة بوزن الجسم وممكن طبعا ينطبق على الاصحاء اللي مش رياضيين او اللي مش هيمارسوا رياضة بانتظام

* كلامي دا مش معناه خالص ميعملش رياضة لرفع اللياقة او ميعملش تمارين

**corsair** · 24-03-2015 04:02 PM

مع ان العملية خربانه معايا في موضوع التخيسيس ده هههههههه

بس ادخل علي صفحة مصر خست علي الفيس بوك بجد صفحه ملهاش حل وهيدوك نظام لقيمات وهتابع معاهم بدون اي تضيع للوقت

ده الجروب بتاعهم ادخل وسجل عليه وادعيلي اني اعرف اخس

https://www.facebook.com/groups/DIET...ref=ts&fref=ts

الموضوع: عاوز أخس

LinkBack

أدوات الموضوع

عرض

-

-

-

-

المواضيع المتشابهه

عاوز مساعدتكم يا شباب التوكيل عاوز 64 الف جنية لقطع الغيار بس

عاوز حليه الفتيس النيكل و النووب و عاوز دراعات المالتي فانكشون استيراد

عاوز أرش العربيه بس كنت عاوز اشتري انا الدهان و الحجات و احاسبه مصنعيه بس

عاوز اركب تكييف فريون فى كورسا موديل 94 يتكلف كام ؟؟؟ عاوز اعرف رايكم

انا عاوز ارككب sound system كامل و عاوز اعرف ادا كنت هاغيير

الكلمات الدلالية لهذا الموضوع

المفضلات

المفضلات

ضوابط المشاركة