الموضوع: ركبت جنوط للالنترا و محتاج استفسار هام

المشاركة الأصلية كتبت بواسطة m_zizo620

شكرا لرد حضرتك بس كده انا اشوف مكتوب ايه على الجنط و اعرف قيمه الاوفست و لو لقيته زي ما بتقول يبقي ايه الحل

قدامك حل من اتنين

يا إما تغير الجنوط وتجيب جنوط تكون قيمة الأوفست بتاعتهم صفر أو تكون زي القيمة بتاعت الجنط الأصلي الحديد.

طبعا.. الحل ده مكلف... بس مريح.


يا إما تركب وردات (Spacers) تحت الجنوط بحيث ترمي الجنط لبرة شوية وتعادل قيمة الأوفست اللي نقص..

بيبقوا حاجة زي كدة


والأنواع الأحسن بتبقى متركبة بمسامير على الطنابير وطالع منها جوايد (مسامير) تانية تركب عليها الجنط

زي كده:



بس مشكلة الـspacers دي إنها ممكن تعمل رفة ورجة في العجل لو ما كانتش مترصصة أو موزونة كويس.. ولو فضلت كده ممكن نعمل مشكلة في رولمان بلي العجل ... واحتمال لا قدر الله مسمار يتكسر من اللي رابطين العجل.. ودي كارثة لو حصلت وانت ماشي.

على فكرة... الـspacer النضاف ممكن تمنهم يوصل لتمن طقم الجنوط اللي حضرتك ركبته.


رأيي.. شوفلك بيعة في الجنوط دي وركب الجنوط القديمة دلوقتي لحد ما تشتري جنوط تانية تكون مضبوطة على العربية.



...