رأيكم شاشة 55" 3d أم شاشة 60" عادية

السلام عليكم ورحمة الله وبركاتة
أولي مشاركاتى فى المنتدى دخلت بالصدفة اشوف رأيكم عن شاشة lg وماشاء الله لقيت تفاعلكم مع الموضوع مبهر فأسرعت بالإشتراك وأخذ رأيكم ومشورتكم وأرجو الإفادة
كنت عايز أجيب شاشة 55" وتكون 3d ومش سمارت
ورأي بعض الناس إن الـ 3d فى الأول لية زهوتها وبعد كدة عادي وإني أجيب 60" أفضل
وسمعت كمان ان الخاصية دى بتصيب المتفرج بأعراض جانبية مثل
تعب وإرهاق العينين أو صداع الرأس أو الإحساس بالإجهاد العام
خصوصا للأطفال وانا بالفعل عندى طفلين وقريت مواضيع كتير عن كدة فعلاً بتحذر منها
وبنفس الوقت لو فرق السعر مش هيبقى كبير اوى عادى اجيب 55" 3D وأقلل مشاهدتى للخاصية دى
بإختصار عايز رأي ناس تكون جربت الشاشة الـ 3d هل هي فعلاً بتتعب العين وبتجيب صداع أو أضرار بالنظام البصري بوجه عام
وأجيب 55" 3d ولا أجيب 60" عادية وأي نوع أفضل
وألف شكر للجميع

ممنوع إستخدام اللون الأحمر حيث أنه مخصص للمداخلات الإدارية
م.ع 7

لو فرق السعر قريب أنصحك بالثري دي

وخاصية الثري دي حتى وإن كانت ليست من الاساسيات إلا انها ربما تستخدمها فيما بعد ولربما ايضا تكون هي التقنيه القادمه بعد hd ( بحيث ستظهر قنوات عديده بهذه الخاصيه)
ولتجنب الاضرار الناتجه عنها ( إن صح الكلام عن ذلك) فممكن حضرتك تستخدمها يوم في الاسبوع كأن مثلا تتابع فيلم بهذه الخاصيه وللعلم في الوقت الراهن الثري دي لايستعمل في العاده الا في مشاهدة بعض الافلام التي تعمل بهذه الخاصيه.
فالثري دي افضل بشرط تقارب فرق السعر بينها وبين غيرها

انا عايز برضه انزل قريب اجيب تليفزيون جديد. بس ناوي على LG 3D Smart,
بس مش عارف بقى هل هيفرق بشكل ملحوظ لو جبته "50 او "55.. في برضه موديل 4k UHD بس "49, مش عارف ده ممكن يفرق معايا في ايه!..

اقتباس:

---

المشاركة الأصلية كتبت بواسطة dede_dodo88

انا عايز برضه انزل قريب اجيب تليفزيون جديد. بس ناوي على lg 3d smart,
بس مش عارف بقى هل هيفرق بشكل ملحوظ لو جبته "50 او "55.. في برضه موديل 4k uhd بس "49, مش عارف ده ممكن يفرق معايا في ايه!..

---

كلما تكون الشاشه اكبر تكون في الثري دي افضل

وخاصية uhd أنقى واحدث من خاصية hd

بس هل جودة الصورة هتفرق فعلاً بين ال full hd و الuhd ؟
انا استخدامي للتليفزيون بيكون اغلبه فرجة على افلام بلوراي..

انا عندى شاشه 55 3d
استخدمت ال 3d مرتين فقط لا غير
شوف استخدامك و قرر
تحياتى

اقتباس:

---

المشاركة الأصلية كتبت بواسطة dede_dodo88

بس هل جودة الصورة هتفرق فعلاً بين ال full hd و الuhd ؟
انا استخدامي للتليفزيون بيكون اغلبه فرجة على افلام بلوراي..

---

ال ful hd تقضي بالغرض وبلاشك هناك فرق بين الاثنين وخصوصا مع عرض الافلام ذات الجوده العاليه يتضح اكثر

انا عندي ال full hd وبشوف عليها افلام hd وكويسه

شوف هقولك لو حسيت ان فرق السعر كبير بين الاتنين خليك في الفول اتش دي هتقضي بالغرض

بصراحة لسه حبة كتيــر علي نضوج الـ 3D في الشاشات ,,

عن نفسي مش معترف أن الـ 3D ده أصلآ 3D ,,

في رأيي الشخصي: شاشة محترمة بدقة 1080P هتغنيك عن أي حاجة و هتبقي مريحة أكثر للعين عشان حجمها ..
The Wider The Better ..

بخصوص الـ 4K : حتي الأن لم يتم أستخدامه غير مع الـ Games العنيفة ,, مفيش Visual Media شغالة علي الدقة دي لحد دلوقتي ..
و لا حتي في أفلام أو قنوات شغالة 2.5K ,,

هو الـ 1080P حاليا أكثر من كافي بصراحة ..

اقتباس:

---

المشاركة الأصلية كتبت بواسطة ibrahim sallam

لو فرق السعر قريب أنصحك بالثري دي

وخاصية الثري دي حتى وإن كانت ليست من الاساسيات إلا انها ربما تستخدمها فيما بعد ولربما ايضا تكون هي التقنيه القادمه بعد hd ( بحيث ستظهر قنوات عديده بهذه الخاصيه)
ولتجنب الاضرار الناتجه عنها ( إن صح الكلام عن ذلك) فممكن حضرتك تستخدمها يوم في الاسبوع كأن مثلا تتابع فيلم بهذه الخاصيه وللعلم في الوقت الراهن الثري دي لايستعمل في العاده الا في مشاهدة بعض الافلام التي تعمل بهذه الخاصيه.
فالثري دي افضل بشرط تقارب فرق السعر بينها وبين غيرها

---

دة فعلا اللى بعمل حسابة فى الشراء انة هيجى يوم والقنوات تعمل بالخاصية دي وعموما هو السعر اللى هيفرق معايا
الف شكر عالنصيحة والمشاركة

اقتباس:

---

المشاركة الأصلية كتبت بواسطة dede_dodo88

انا عايز برضه انزل قريب اجيب تليفزيون جديد. بس ناوي على LG 3D Smart,
بس مش عارف بقى هل هيفرق بشكل ملحوظ لو جبته "50 او "55.. في برضه موديل 4k UHD بس "49, مش عارف ده ممكن يفرق معايا في ايه!..

---

lg الكل مجمتع على انها ممتازة فعلا واكيد 55 هتفرق طبعا بس من جهة الرزيليوشن كفاية جدا fhd مش لازم ابدا UHD و 4k كمان اصلا اغلب القنوات hd بس على ما اعتقد
عموما ربنا يوفقك ولما تجيبها عرفنا بقى رأيك فيها
الف شكر عالمشاركة

اقتباس:

---

المشاركة الأصلية كتبت بواسطة ibrahim sallam

كلما تكون الشاشه اكبر تكون في الثري دي افضل

وخاصية uhd أنقى واحدث من خاصية hd

---

فعلا كلامك مظبوط والاعلى كمان qhd لكن لحد دلوقتى على حد علمى مفيش اعلى من hd فى قنوات البث
الف شكر عالنصيحة والمشاركة

هات الثرى دى افضل طبعا

ولو حتى الافلام الثرى دى موجود وعايزه تشغل عادى تو داى شغاله والصوره ممتازه

وال جى مبتعملش صداع زى السامسونج النظاره خفيفه جدا ومفيهاش بطاريه

اقتباس:

---

المشاركة الأصلية كتبت بواسطة ibrahim sallam

ال ful hd تقضي بالغرض وبلاشك هناك فرق بين الاثنين وخصوصا مع عرض الافلام ذات الجوده العاليه يتضح اكثر

انا عندي ال full hd وبشوف عليها افلام hd وكويسه

شوف هقولك لو حسيت ان فرق السعر كبير بين الاتنين خليك في الفول اتش دي هتقضي بالغرض

---

منا بالفعل عندي دلوقتي "42 full hd و معنديش مشكلة معاها مع البلوراي, بس انا عايز اغير بس عشان اكبر بالحجم و عاجبني حوار الsmart tv.
الفكرة بس اني عايز لما اغير اجيب حاجة تحسسني بفرق كبير عن القديمة يستاهل المبلغ اللي هدفعه فيها..
عايز ابتدي انزل القي نظرة و اعمل مقارنة بين الموديلات...

اقتباس:

---

المشاركة الأصلية كتبت بواسطة mankindforce

انا عندى شاشه 55 3d
استخدمت ال 3d مرتين فقط لا غير
شوف استخدامك و قرر
تحياتى

---

هى دى فعلا النقطة اللى بسأل فيها ان الخاصية فى الاول ليها زهوتها بعد كدة مش بتكون مهمة اوى وغالبا بتهمل مع مرور الوقت
الف شكر عالنصيحة والمشاركة

اقتباس:

---

المشاركة الأصلية كتبت بواسطة specialist

بصراحة لسه حبة كتيــر علي نضوج الـ 3d في الشاشات ,,

عن نفسي مش معترف أن الـ 3d ده أصلآ 3d ,,

في رأيي الشخصي: شاشة محترمة بدقة 1080p هتغنيك عن أي حاجة و هتبقي مريحة أكثر للعين عشان حجمها ..
The wider the better ..

بخصوص الـ 4k : حتي الأن لم يتم أستخدامه غير مع الـ games العنيفة ,, مفيش visual media شغالة علي الدقة دي لحد دلوقتي ..
و لا حتي في أفلام أو قنوات شغالة 2.5k ,,

هو الـ 1080p حاليا أكثر من كافي بصراحة ..

---

ماهو انا الصراحة عايز اجيب حاجة محترمة مرة واحدة عشان مغيرش كل شوية وانا معاك ان ال 3d فية تطوير كتير لسة عايز يشتغلوة علية وكمان شوية هتلاقى 3d بدون نضارات كمان
وبخصوص الـ 4k مش فارق معايا اوى زى ما قولت مفيش ميديا اصلا بالدقة دى يعنى hd كافية جدا
الف شكر عالنصيحة والمشاركة

اقتباس:

---

المشاركة الأصلية كتبت بواسطة طارق _عبد السلام

هات الثرى دى افضل طبعا

ولو حتى الافلام الثرى دى موجود وعايزه تشغل عادى تو داى شغاله والصوره ممتازه

وال جى مبتعملش صداع زى السامسونج النظاره خفيفه جدا ومفيهاش بطاريه

---

تقريبا اغلب الشاشات الـ 3d فيها تحويل لـ 2d والعكس وفعلا سمعت ان نضارات lg مش بتصدع ومفيهاش بطارية وكمان ضد الاهتزاز لكن انا اللى متردد فية لو لقيت 60" عادية بسعر 55" 3d وقتها اختار اية !؟
ألف شكر عالنصيحة والمشاركة

اقتباس:

---

المشاركة الأصلية كتبت بواسطة dede_dodo88

منا بالفعل عندي دلوقتي "42 full hd و معنديش مشكلة معاها مع البلوراي, بس انا عايز اغير بس عشان اكبر بالحجم و عاجبني حوار الsmart tv.
الفكرة بس اني عايز لما اغير اجيب حاجة تحسسني بفرق كبير عن القديمة يستاهل المبلغ اللي هدفعه فيها..
عايز ابتدي انزل القي نظرة و اعمل مقارنة بين الموديلات...

---

بص حوار السمارت دة هتحس بالظبط زى ما تكون واخد على موب أندرويد وفجأة رجعت تستعمل نوكيا ابو زراير تانى موضوع دخول النت من الشاشة مش شايفة ذات اهمية طب ما الريسيفر بيقضى نفس الغرض تقريبا عن نفسي مش فارق معايا اوى هو بس يمكن ميزتة فى التطبيقات والفيس وتويتر ويوتيوب وبعدين هتدخل مرة او اتنين تلاتة بالكتير ومش هتدخل تانى اغلب الناس قالتلى كدة فعلا
عموما لو هتغير حاول تجيب شاشة كبيرة عشان تحس بالفرق مش اقل من 55" وياريت لو نزلت وشوفت حاجة عجبتك تشاركنا رأيك
ألف شكر عالمشاركة

اقتباس:

---

المشاركة الأصلية كتبت بواسطة yasserelgohary

تقريبا اغلب الشاشات الـ 3d فيها تحويل لـ 2d والعكس وفعلا سمعت ان نضارات lg مش بتصدع ومفيهاش بطارية وكمان ضد الاهتزاز لكن انا اللى متردد فية لو لقيت 60" عادية بسعر 55" 3d وقتها اختار اية !؟
ألف شكر عالنصيحة والمشاركة

---

فرق 5 بوصه مش كبير للدرجه

امكانيه الثرى دى واكيد الاسمارت هتفرق وهتحدث الجهاز كل فتره

بصراحه افلام كتير بتكون جميله جدا بالثرى دى

وفى الاخر حسب ارتياحك... واوعى تشترى وانت قلق او متردد

الاتنين كويسين جدا......... لكن لو انا مكانك اكيد الثرى دى لانك لو جبت العادى هتفضل تفكر فى الثرى دى
انا من فضل الله على... عندى العادى والثرى

اقتباس:

---

المشاركة الأصلية كتبت بواسطة طارق _عبد السلام

فرق 5 بوصه مش كبير للدرجه

امكانيه الثرى دى واكيد الاسمارت هتفرق وهتحدث الجهاز كل فتره

بصراحه افلام كتير بتكون جميله جدا بالثرى دى

وفى الاخر حسب ارتياحك... واوعى تشترى وانت قلق او متردد

الاتنين كويسين جدا......... لكن لو انا مكانك اكيد الثرى دى لانك لو جبت العادى هتفضل تفكر فى الثرى دى
انا من فضل الله على... عندى العادى والثرى

---

والله ان جيت للحق انا مايل لرأيك دة جداااااااا خصوصا انى ان شاء الله هقعد فترة كبيرة جدا مش هغير عشان كدة عايز اجيب حاجة عالية مرة واحدة بس موضوع السمارت دة انا شايف انة مش هيفيدنى فى شئ اطلاقا ماعتقدش لا انا ولا ولادى حتى هندخل ويب منة كلنا معانا سمارت فون وتابلت
المهم بقى من اول الموضوع مش لاقى حد يرشحلي ماركة معينة لحد دلوقتى :))

علشان البوصه كبيره خليك فى ال جى
لان السامسونج عايشه فى برج لوحدها

ال جى رائعه عن تجربه............ والسامسونج طبعا تحفه لكن السعر عالى

اقتباس:

---

المشاركة الأصلية كتبت بواسطة yasserelgohary

والله ان جيت للحق انا مايل لرأيك دة جداااااااا خصوصا انى ان شاء الله هقعد فترة كبيرة جدا مش هغير عشان كدة عايز اجيب حاجة عالية مرة واحدة بس موضوع السمارت دة انا شايف انة مش هيفيدنى فى شئ اطلاقا ماعتقدش لا انا ولا ولادى حتى هندخل ويب منة كلنا معانا سمارت فون وتابلت
المهم بقى من اول الموضوع مش لاقى حد يرشحلي ماركة معينة لحد دلوقتى :))

---

السامسونج أفضل من ناحية وضوح الصوره تقنيه اعلى من الال جي

ويقال ان الال جي أفضل من السامسونج في الثري دي

وعند الشراء خد معك هارد خارجي جربه على الشاشه وخد بالك من امكانية تكبير خط الترجمه

لانها ببعض الموديلات غير متوفره زي عندي كده لدرجة اني فكرت ابيعها بسبب الموضوع ده

لكن تغلبت عليه بعمل وصله من اللاب الى الشاشه و بالتالي الترجمه اصبحت واضحه وكبيره

ومبروك مقدما

اقتباس:

---

المشاركة الأصلية كتبت بواسطة طارق _عبد السلام

علشان البوصه كبيره خليك فى ال جى
لان السامسونج عايشه فى برج لوحدها

ال جى رائعه عن تجربه............ والسامسونج طبعا تحفه لكن السعر عالى

---

شكلها هترسي فعلا على lg مادامت ارخص من سام ونفس الكفائة
وعموما من هنا لحد العيد اكون نزلت مصر اشوف العروض اية وان شاء الله اتوكل على الله واجيبها 3d وخلاص بقي احسن بس مش هجيبها سمارت لانى حاسس انى مش هستعمل الويب فيها فى شئ
المهم بس يعملوا عليها عرض اغلب العروض على ال 40 و 42 فيييييييين وفييييييييين لما بشوف او اسمع عن عرض على الـ 55
الف شكر عالنصيحة

اقتباس:

---

المشاركة الأصلية كتبت بواسطة ibrahim sallam

السامسونج أفضل من ناحية وضوح الصوره تقنيه اعلى من الال جي

ويقال ان الال جي أفضل من السامسونج في الثري دي

وعند الشراء خد معك هارد خارجي جربه على الشاشه وخد بالك من امكانية تكبير خط الترجمه

لانها ببعض الموديلات غير متوفره زي عندي كده لدرجة اني فكرت ابيعها بسبب الموضوع ده

لكن تغلبت عليه بعمل وصله من اللاب الى الشاشه و بالتالي الترجمه اصبحت واضحه وكبيره

ومبروك مقدما

---

اكيد هاخد فلاشة عليها فيلم HD bluray وفيلم 3D عشان اجرب الاول قبل ما اشتري وكويس انك نبهتنى لموضوع الترجمة دة رغم انك ممكن تدمجها على الفيلم بفونت اصفر كبير بتكون افضل
الف شكر عالنصيحة دى بجد هحطها فى حسابى

لأقيت على موقع LG مصر الموديليين دول
تليفزيونات ذكية ثلاثية الأبعاد LG 55LB6230
ودى كمان
إل جى 55LM6610 | LG Electronics EG_AR
بس سؤالى هى خاصية 3D Cinema نفسها موجودة بالموديليين بس اللى يفرقهم الـ SMART
وياريت حد يوضحلى يعنى اية تقنية Passive وتقنية الـActive موضوع الهيرتز دة كمان بيفرق ولا لأ
او لو فية موديلات تانية 55 بوصة وتكون LED 3D Cinema ترشحوهالى اكون شاكر جدا

لقيت عرض على الموديل دة
تليفزيونات ذكية ثلاثية الأبعاد LG 55LB6520
بـ 7800 ومعاه 8 نضارات إية رأيكم :)

6520 دى سمارت 3دى شاشة فاجرة فعلا انا عندى 2 واحدة 47 والتانية 42

اقتباس:

---

المشاركة الأصلية كتبت بواسطة محمد السيد 00

6520 دى سمارت 3دى شاشة فاجرة فعلا انا عندى 2 واحدة 47 والتانية 42

---

متعرفش العروض بتنزل فى العيد ولا قبل العيد عشان اتوكل على الله واجيبها
اصلى هنزل مصر على اخر رمضان كدة
والاهم الـ 3d بتاعها والنضارة حلوة ولا اية :)

اقتباس:

---

المشاركة الأصلية كتبت بواسطة yasserelgohary

متعرفش العروض بتنزل فى العيد ولا قبل العيد عشان اتوكل على الله واجيبها
اصلى هنزل مصر على اخر رمضان كدة
والاهم الـ 3d بتاعها والنضارة حلوة ولا اية :)

---

خلي بالك ان lb6520 موديل 2014 فاللي باقي منها دلوقتي يعتبر تصفيات عشان كده نازل عليها تخفيضات, و ال55 منها ملاقيتهاش موجودة في اي محل روحته, يعني كنت لاقيت 47 و 50 بس..

اقتباس:

---

المشاركة الأصلية كتبت بواسطة dede_dodo88

خلي بالك ان lb6520 موديل 2014 فاللي باقي منها دلوقتي يعتبر تصفيات عشان كده نازل عليها تخفيضات, و ال55 منها ملاقيتهاش موجودة في اي محل روحته, يعني كنت لاقيت 47 و 50 بس..

---

اعتقد ان دى 2015
lg 55lb6520

2015-2014

اقتباس:

---

المشاركة الأصلية كتبت بواسطة yasserelgohary

لأقيت على موقع LG مصر الموديليين دول
تليفزيونات ذكية ثلاثية الأبعاد LG 55LB6230
ودى كمان
إل جى 55LM6610 | LG Electronics EG_AR
بس سؤالى هى خاصية 3D Cinema نفسها موجودة بالموديليين بس اللى يفرقهم الـ SMART
وياريت حد يوضحلى يعنى اية تقنية Passive وتقنية الـActive موضوع الهيرتز دة كمان بيفرق ولا لأ
او لو فية موديلات تانية 55 بوصة وتكون LED 3D Cinema ترشحوهالى اكون شاكر جدا

---

Active يعنى النظارات ببطارية
Passive يعنى من غير بطارية


الميزة فى الاكتف انك لو بتتفرج على فيلم ثرى دى اتش دى هتشوف الفيلم بكامل الرزيلوشن بتاعة لان النضارة بتتحكم فى دمج الفرام بتاع الصورة بدون اى تاثير على الروزيلوشن

لكن لو باسف هتخسر نص الرزيلوشن لان الشاشة بتبقى كانها صورتين كل صورة بنص الرزيلوشن والنضارة بتدمجهم فقط



بس الاكتف هتتعبك وتعملك صداع جامد خليك فى الباسف احسن

اما الهيرتز الهيرتز اي سرعة استجابة الشاشة لعرض البيانات كلما زاد الهيرتز تبقى الشاشة صافيه وجوده بالمشاهده وخاصة افلام الحركه الاكشن والجيمز

اقتباس:

---

المشاركة الأصلية كتبت بواسطة mr_safwt

active يعنى النظارات ببطارية
passive يعنى من غير بطارية


الميزة فى الاكتف انك لو بتتفرج على فيلم ثرى دى اتش دى هتشوف الفيلم بكامل الرزيلوشن بتاعة لان النضارة بتتحكم فى دمج الفرام بتاع الصورة بدون اى تاثير على الروزيلوشن

لكن لو باسف هتخسر نص الرزيلوشن لان الشاشة بتبقى كانها صورتين كل صورة بنص الرزيلوشن والنضارة بتدمجهم فقط



بس الاكتف هتتعبك وتعملك صداع جامد خليك فى الباسف احسن

اما الهيرتز الهيرتز اي سرعة استجابة الشاشة لعرض البيانات كلما زاد الهيرتز تبقى الشاشة صافيه وجوده بالمشاهده وخاصة افلام الحركه الاكشن والجيمز

---

الله ينور عليك كدة اعتقد ان الشاشة دى باسف عشان نضارتها خفيفة وبدون بطارية