عشاق النيسان n16 .. ٢٥٠ لتر في الصفيحة
رجالة النيسان
وبالاخص عشاق الصني
وبالاخص كمان الموديل الذهبي n16
العربية ماشاء الله تحفة
ولاني كان معايا المانول ٢٠٠٣ من الزيرو وعملت ٣٠٠ الف
من غير ما اغير مسمار في الماتور الحمد لله
قررت مركبش غيرها
وكان استهلاك البنزين فيها الله اكبر اسطوري بيوصل ل ١٤ كيلو ف اللتر
المهم
لما جبت ال ٢٠٠٩ الاوتو كتير خوفوني من استهلاك البنزين وانها سفاحة
وانا خدت الموضوع تحدي
ومشيت ببها ٣٠٠٠ كيلو متكدر وكانت بتعمل ٨ كياو ف اللتر يعني اخرها ١٦٠ كياو ف الصفيحة
ولاني من الناس اللي بتمشي ١٦٠ - ١٨٠ فدة مكانش باكل معايا وكان البنزين بيتنسف
....
بعد المقدمة الطويلة دي
انا حاليا بعمل في اللتر ١٢ - ١٣ كيلو وبالتكييف
بتكلم عن السفر ومتوسط سرعة ١٤٠-١٦٠
وزودت اكتر بس الطريق مسمحش لحد دلوقتي
ودة بسبب
١-زيت موبيل ١ او ايا كان الزيت اللي مرتاحله بس ميعديش باي حال من الاحوال ٣ لتر في المكنة
٢-ودة اهم مافي الموضوع طقم بوجيهات داوسون اريديوم ب ٣٠٠ جنية من التوفيقية يقال انه بيقعد ١٠٠ الف كيلو
بس هو وهم في التوفير والسحب على فكرة لانه بيجمع سرعات اكبر علة ار بي ام قليل
٣- فلتر هو نضيف وبلاش ابو ٣ ب قرش خاصة الفلتر
الحاجات دي فقط رفعت معدل البنزين عندي للرقم دة وحبيت اشارك معاكم النقط دي
عشان الفايدة تعم