السلام عليكم
عندي مشكلة في عربيتي مرسيدس C230 موديل 2006 أوتوماتيك
المشكلة بتحصل في أوقات عشوائية من غير سبب محدد
مفيش لمبة أورسالة بتظهر في التابلوه

أكون سايق عادي مسافة طويلة أو قصيرة و أفرمل و العربية تقف. آجي أنطلق تاني أدوس بنزين العربية تبقى بتتحرك بالعافية و الrpm بيزيد عادي لكن السرعة شلل زي ما تكون طالعة على الغيار الرابع أو الخامس و ساعات أدوس بنزين الrpm يعلى عادي لكن متتحركش خالص.

بحاول أغير بين N,D أو أغير النقلات يدوي بس مفيش استجابة.

المشكلة بتروح لما أبطل العربية و أشغلها تاني.

حد من الزملاء عنده اقتراحات؟ أنا بقيت قلقان من العربية خصوصا أنها عملتها معايا وسط ميدان و الناس مكانتش صابرة.