صوت ورة غريبة ناحية اليمين فيكترا مو 96 بى 1

السيارة فيكترا مو 96 بى 1 1600 سى مانيوال منذ فترة
عند القرص على اى غيار بعد الار بى ام مايعدى 3 يظهر صوت ورة غريبة من ناحية اليمين والميكانيكى اللى فى مركز الخدمة ركب العربية وجرب وبعدين قال هذا الصوت من المصفحة وروح لبتاع الشكمانات يحاول يكسجها بعيد وفعلا روحت لبتاع الشكمانات وقالى هذا العيب منتشر فى الفيكترا وانا ها اصلحه ونزل كسح بلافيه وقال خلاص

وطلعت جربت العربية لقيت صوت الوره زي ماهو ؟؟؟؟ مش عارف اروح لمين

دلونى وعرفونى ماهو السبب وخصوصا من ذوى الخبرة لانى اوبلاوى من سنتين فقط



تم تعديل العنوان
م.ع 7

هو مفيش رد ليه لعل المانع خيرا

هو مفيش رد ليه لعل المانع خيرا

ده انا كان عندى استفسارات اخرى وقلت اما اعرف ده الاول لكن خاب ظنى مش هسأل تانى طالما زعلانين منى هههههههه

اهلا بيك ياباشا..
المشكله في حاجه..
النوعيه دي من المشكلات مالهاش حل شفوي .لازم التجربه والصوت يتسمع . كل صوت له طبيعه ودلاله. حتي لو من مكان واحد. !!
فاعذر الناس لان الامر مش واضح زي ماقولتلك..
بس ممكن اولا نفرق الصوت عفشه ولا موتور؟؟
اقف بالعربيه ودور وزود بنزين. لو سمعت الصوت يبقي موتور. لو مظهرش الا لما تمشي يبقي عفشه .
موتور =شداد سير دينامو - شداد موتور ....
عفشه =قواعد موتور - ....

اقتباس:

---

المشاركة الأصلية كتبت بواسطة فادى محمد

اهلا بيك ياباشا..
المشكله في حاجه..
النوعيه دي من المشكلات مالهاش حل شفوي .لازم التجربه والصوت يتسمع . كل صوت له طبيعه ودلاله. حتي لو من مكان واحد. !!
فاعذر الناس لان الامر مش واضح زي ماقولتلك..
بس ممكن اولا نفرق الصوت عفشه ولا موتور؟؟
اقف بالعربيه ودور وزود بنزين. لو سمعت الصوت يبقي موتور. لو مظهرش الا لما تمشي يبقي عفشه .
موتور =شداد سير دينامو - شداد موتور ....
عفشه =قواعد موتور - ....

---

:iagree:

شكرا على الرد
وانا مش زعلان ولاحاجة مجرد مز اح معكم لان والله اعلم انا بعزكم وبحبكم مع انى مشفتكمش وبشكركم على مجهودكم فى الرد على الاعضاء

بس على فكرة الصوت ده وهى واقفة واجيب دواسة البنزين على الاخر لايظهر لكن مع المشى مجرد rbm يعدى 3 يظهر صوت وررررره من اليمين ولذلك الميكانيكى قال المصفحة

معنى رد كم اروح لبتاع العفشة يبص يمكن يوصل للسبب

وبردوا ممكن اقول انا بتعامل مع ميكانيكى مش هقول اسمه احسن يكون ممنوع فى موقعكم وهو متخصص اوبل فقط وممكن تكونو سمعتوا عنه هو على المريوطية ناحية فيصل

هل اروح لميكانيكى غيره وياريت لو فيه واحد قريب من الهرم او المريوطية تدلونى عليه

لو الصوت مع المشى يبقى بلى عجل أو كوبلنج ولوبيظهر مع الانطلاق بسرعه فى البدايه يبقى قواعد موتور وده يسمع فى الطابلوه

هو لو البلى كان ظهر الصوت مع السرعة لان ممكن امشى على سرعة 90كم والصوت مابظهرش الصوت مرتبط مع الار بى ام لما بيعدى 3 فقط ومسنبعد الكوبلن بناء على ذلك