سلام عليكم ياجماعة
معلش ممكن أعرف تقييم الناس لورشة المتخصصون إللي في الأميرية ؟
وهل عندهم أو بيجيبوا قطع الغيار الأصلية ؟
أصل الواحد زهق من التوكيل وأسعاره الهلامية وعايز حد أحسن وأرخص شوية
عرض للطباعة
سلام عليكم ياجماعة
معلش ممكن أعرف تقييم الناس لورشة المتخصصون إللي في الأميرية ؟
وهل عندهم أو بيجيبوا قطع الغيار الأصلية ؟
أصل الواحد زهق من التوكيل وأسعاره الهلامية وعايز حد أحسن وأرخص شوية
نصيحة طالما حضرتك قررت ماتتعاملش مع التوكيل يبقي الافضل انك تتعامل مع ورشة ميكانيكي انت تعرفة كويس وعنده ضمير وتشتري قطع غيارك بنفسك
ما المشكلة إني معرفش حد كويس ... فقلت أدور على حد ليه سمعة كويسة وأسأل عليه :)
ممكن أعرف إيه الأماكن إللي ممكن تبيع سيور كاتينة أصلية غير التوكيل ؟ وإزاي أفرق الأصلي من المضروب ؟
هو حضرتك المشكلة كلها في سير كاتينة؟؟؟
لا يافندم ... عندي قواعد ماتور وعايز أعمل صيانة ال160 الف ... وعايز أكشف على الفرامل وعندي صوت الماتور عالي جدا ... بس أهم حاجة لازم تركب وتكون أصلية هيا سيور الكاتينة ... عشان كدة بسأل :)
هيا رينج سعرها كام ؟
وشكرا جزيلا لإهتمامكم
السلام عليكم ورحمه الله وبركاته
انا عايز احكى تجربتى مع ورشه المتخصوصون الى الناس بيشكرو فيهم اوى كده الى هما فى الاميريه دول اولا انا عربيتى لانسر بومه 1300 اوتوماتك انا كنت بشتكى من قله السحب فى العربيه يعنى العربيه مفيش سحب خاااااالص بمعنى الكلمه واجى افتح كابوت العربيه القيها مولعه المهم اتصلت عليهم وروحتلهم قابلت الاسطى خالد وحكتلو على الى فى العربيه المهم طلع جرب العربيه قلى اه فعلا مفيش سحب قلتلو حتعمل ايه قلى البوجيهات قلتلو لسه مغيرهم قلى فلتر الهوا قلتلو ماشى غايرو وطلعنا جربنا نفس المشكله قلى طربمه البنزين قلتلو غيرها وبعد ما غيرناها طلع جرب بردة نفس المشكله قلى حساس الكرنك قلتلو غيرو طلعنا جربنا العربيه نفس المشكله برضه مفيش سحب المهم قعد يقنعنى ان هو ده سحب 1300قلتلو انا عارف عربيتى المهم قلتلو بقى رجع كل حاجه مكانها رجع طرمبه البنزين ورجعلى فلتر الهوا جيت اقولو على حساس الكرنك قلى حنفك كل ده تانى قلتلو خلاص مش مشكله سيب حساس الكرنك جيت وقت الحساب 200 حساس كرنك 200 جنيه مصنعيه ليه معرفشى المهم عشان مطولشى عليكو خدت العربيه ومشيت عشان فعلا كنت اتخنقت منهم المهم وانا ماشى قلى ابقى شوف بتاع شوكمانات عشان فيه خرم فى الشكمان قلتلو ماشى شكرا بقيت ماشى مش طايق نفسى مش عشان الفلوس عشان العربيه مش مزبوطه المهم وانا مروح لقيت واحد بتاع شكمانات قلت احود عليه يلحم الخرم المهم دورت العربيه قلى زود بنزين زودت قلى بس بطل قلى انتا ماشى ازاى ياعربيه دى بقلو ليه قلى عربيتك مفيهاش سحب خااااااالص قلتلو ليه بتقول كده قلى علبه البيئه مسوده عندك على فكرة عشان محدش يقلى بيقلك كده عشان يخد الفحم انا خدت الفحم وانا ماشى وفعلا كسر الفحم وركبنا العربيه هيا دى فعلا عربيتى واكتر شويه ادى تجربتى مع الى بيقولو متخصوصون وربنا اعلم بالى حكيتو ده كله