استلمت لانوس وعاوز نصائحكم

السلام عليكم ورحمه الله وبركاته:)

تسمحولي انضملكم بما اني جيب لانوس.... الحمد لله ربنا كرمني وجبت شيفورليه لانوس
والحمد لله انطباعي عنها حلو جدا عدا حاجه واحده الطابلوه اكتر من سيء تحسه لعبه صيني
ملهاش ماركه ب 2.5 :_Alshmokh08[1]: المهم ده اول مره هركب عربيه من الزيرو دايما كنت بركب
كسر زيرو :D المههم بقى اولا عاوز نصائح التليين والكلام ده
انا سمعت كلام كتير وناس تقول متمشيش بسرعه وكلام عجيب معظمه غير مقنع بالمره
ايه نصائح التليين بقى والسواقه تبقى عامله ازاي ؟ وهل فيه حاجه اتابعها وكدا ؟
اخر حاجه عاوز بقى نصائحكم عشان ادلع العربيه بقى وكدا :D ايه الكماليات او الحاجات الي ممكن
تتعمل والاكسسوارات والكلام ده كله عاوز ادلعها شويه :3mla:

الف مبروك ياباشا ,, ربنا يباركلك فيها

الف مبروك مقدما والكلام مش عجيب ولا حاجه .. انت فعلا لازم تمشي ع سرعات هاديه والار بي ام ميعلاش منك .. متمشيش ع سرعه واحده حاول تقعد تغير سرعتك .. التليين لمده الف كيلو او الف و نص... اصبر شويه ع التكييف ... وحاول تقري الكتالوج اللي جاي مع العربيه هتلاقي ف المختصر المفيد بخصوص التليين .. ومتستهونش بالتلليين عشان العربيه تبقي كويسه معاك

مبارك عليك
إيه بقى الفرق بين الزيرو والكسر زيرو
يعني مثلا لانوس 2015 ولانوس 2013 وتحط في جيبك فرق السعر !

الف مبروك و ربنا يعطيك خيرها و يامنك شرها بأمره ،، و رايي برضه متستهونش بالتليين زي ما قال اخونا

اقتباس:

---

المشاركة الأصلية كتبت بواسطة swimmer25

مبارك عليك
إيه بقى الفرق بين الزيرو والكسر زيرو
يعني مثلا لانوس 2015 ولانوس 2013 وتحط في جيبك فرق السعر !

---

مفيش اي فرق غير انك بتجيب عربيه ماشيه بقالها سنتين او سنه لا اكتر ولا اقل لو مش ماشيه مش هتحس بفرق لو ماشيه هتحس ان الزيرو احسن .. مهما عملت الزيرو زيرو والمستعمل مستعمل :d
انما كعربيه مفيش فيها حاجه جديده هي كدا زي مهيا من ايام ما كانت دايو محصلش فيها اي تغير :d
لم تكون جايبها زيرو وعارف العربيه من اول يوم وانت فيها وظبطها بمزاجك بتبقى راحه اكتر غير كمان
انت بتاخد خيرها من اكتر فتره ممتعه فالعربيه هي اول 40 الف كيلو دول المتعه بتاعت العربيه بجد فانت بتاخد خير الفتره ده خير لم بتجبها مستعمل غيرك بيكون خد الخير

الله يبارك فيكوا يا جماعه :)

بص يا معلم .. الف مبروك على اللانوس وربنا يديك خيرها ويكفيك شرها ... حاول تخلص التليين في مشوارين او 3 طوال مش مشواير قصيرة ... التليين حوالي 1000 كيلو .. حاول متتخطاش السرعة 100كم/س ... ومتمشيش على سرعة ثابتة فترة طويلة .. نوع اطلع لل 100 وانزل لل 40 واعلى وانزل وهكذا ... عشان الزيت يوصل لكل اجزاء الموتور .... حاول متحرقش على اى غيار ومتخليش الار بي ام يعدي 3 .... يستحسن متشغلش التكييف في اول 500 كيلو ...