محدش يفكر يأمن مع عز العرب نهااااااااااائى !!!

السلام عليكم

الإخوة الأفاضل المقبلين على شراء جين تو / بيرسونا الجديدة من عز العرب ، اوعى تأمن مع عز العرب ، اللى حاجز ولسه هيأمن ميحاولش يفكر إنه يأمن معاهم ويرفض تماما ً.

أنا لما أمنت معاهم وقت ماشتريت العربية كان بسبب ميزة مهمة جدا وهى إن التوكيل بيتعامل مع شركة التأمين مباشرة ووقت الحادثة بتروح تسيبلهم العربية فى التوكيل وهما بقى يتعاملوا مع الشركة وانت تيجى زى الباشا تاخد عربيتك بعد فترة التصليح ، دة اللى انا كنت متوهمه للأسف والموضوع مش وردى أوى كدة ، أنا سايب العربية مرزوعة عندهم بقالها 3 أسابيع ولسه محدش بدأ فيها شغل وهى أصلا متاخدش أسبوع تصليح ، والسبب إن الباشا موظف التأمين مراحش يعاين العربية لسه.

أنا لو رجع بيا الزمان كنت أمنت مع كونتكت كارز وريحت دماغى ، احترام فى التعامل والمواعيد.

حبيت بس أحذر الناس ، وموضوعى لما يتحل بإذن الله هبقى أحكيلكم بالتفاصيل.

انا كنت امبارح فى التوكيل وعندى خبطه صغيره كده فى الإكصدام والفتنوس هيحتاج يتغير

واحد اسمه أكرم تقريبا قاللى تعالى كمان اسبوعين وهتاخد حوالى اسبوع من تاريخ ما مندوب التأمين يمضى على المقايسه

بصراحه انا ندمان انى أمنت معاهم بس الحمد لله غلطه ومش هتتكرر

يعنى عشان أصلح عندهم هدفعلى 1000 والا 2000 تاكسيات لحد ما يخلصولى العربيه (يا حلاوه)

ال 2700 اللى دفعتهم كنت هجيب فانوس وأعمل الإكصدام ده فى أقل من يوم

بس الواحد مش بيتعلم ببلاش

إســلام بأمانةربنا يكون فى عونك ويعينك على عز العرب وشركة التأمين بتاعتهم , بتهيألى فى موضوع مثبت لآى حد ليه شكوى أو مشكلة مع عز العرب http://www.nilemotors.net/Nile/showthread.php?t=45257
وفى ناس أفاضل معنا هنا ليهم علاقة بأشخاص مسئولين جوه عز العرب علشان تقريبآ موضوعك مش هيخلص إلا بالواسطة
وكمان هو التأمين بيصلح ولا بيغير على طول

اقتباس:

---

المشاركة الأصلية كتبت بواسطة TrickyAhmed85

واحد اسمه أكرم تقريبا قاللى تعالى كمان اسبوعين وهتاخد حوالى اسبوع من تاريخ ما مندوب التأمين يمضى على المقايسه

---

حلنى بقى ، المشكلة مش فى مدة التصليح هو قاللى انا هتاخد اسبوعين ، لكن هما اساسا مبدأوش فيها شغل لسه.

اقتباس:

---

المشاركة الأصلية كتبت بواسطة boody8882

إســلام بأمانةربنا يكون فى عونك ويعينك على عز العرب وشركة التأمين بتاعتهم , بتهيألى فى موضوع مثبت لآى حد ليه شكوى أو مشكلة مع عز العرب وفى ناس أفاضل معنا هنا ليهم علاقة بأشخاص مسئولين جوه عز العرب علشان تقريبآ موضوعك مش هيخلص إلا بالواسطة
وكمان هو التأمين بيصلح ولا بيغير على طول

---

شكرا ً ربنا يخليك ، أنا فعلا كلمت الباشمهندس آمر ومعرفه إنى من نايل موتورز ، وبقالى معاه أسبوع أهو وصلنى بالمستشار المالى أسمه الأستاذ عبد الجواد ، وقاللى هيشوف المشكلة بنفسه ، وبكلمه انهاردة قاللى لسه محدش جيه ، كلمت المهندس آمر تانى قاللى فيما معناه مش فى ايده حاجة يعملها قبل ما مهندس التأمين الهلامى دة ييجى ، كلمت الأستاذ عبد الجواد تانى قاللى فيه مشاكل مع شركة التأمين ، طيب انا ذنبى ايه فى القصة دى كلها ، يعنى أنا مأمن معاكم عشان أريح دماغى ، مش متوقع خالص دة يحصل.

أتصرف ازاى انا مش عارف ، مفيش حتى خيارات قدامى غير انتظار مهندس الزفت اللى مش بييجى أساسا ً.

اقتباس:

---

أنا فعلا كلمت الباشمهندس آمر ومعرفه إنى من نايل موتورز ، وبقالى معاه أسبوع أهو وصلنى بالمستشار المالى أسمه الأستاذ عبد الجواد ، وقاللى هيشوف المشكلة بنفسه ، وبكلمه انهاردة قاللى لسه محدش جيه ، كلمت المهندس آمر تانى قاللى فيما معناه مش فى ايده حاجة يعملها قبل ما مهندس التأمين الهلامى دة ييجى ، كلمت الأستاذ عبد الجواد تانى قاللى فيه مشاكل مع شركة التأمين ، طيب انا ذنبى ايه فى القصة دى كلها ، يعنى أنا مأمن معاكم عشان أريح دماغى ، مش متوقع خالص دة يحصل.

أتصرف ازاى انا مش عارف ، مفيش حتى خيارات قدامى غير انتظار مهندس الزفت اللى مش بييجى أساسا ً.

---

والله حاجة تحرق الدم ,أنا مش عارف إنت دايمآ ليه حظك هباب آوى كده , معلش يا إس وخليك وراهم وإن شاء الله ترجعلك أحسن من الأول

معلش فعلا يا اسلام

بس طالما انت بقالك 3 أسابيع حرام تلغى الموضوع دلوقتى , كمل وخليك معاهم وامرك لله

بس انا حرام وتوبه أأمن ماهم تانى , إما كونتكت او مش هأمن خالص وربك يسترها

المشكلة يا جماعة في الشركة الي متعاونين معاها و هي شركة الجمعية للتأمين و الشركة دي علشان تصلح و تصرف الشيك للعميل حلني بأ
وربنا معاكوا
ويكفيكوا شر الطريق

اقتباس:

---

المشاركة الأصلية كتبت بواسطة momenhamdy

المشكلة يا جماعة في الشركة الي متعاونين معاها و هي شركة الجمعية للتأمين و الشركة دي علشان تصلح و تصرف الشيك للعميل حلني بأ
وربنا معاكوا
ويكفيكوا شر الطريق

---

el gam3ya de 2aflet w a3lanet eflasha!! y3ny floskom f el bye bye...ana kont ha2men m3 ezz bas lw howa fe3lan m3 el gam3ya yab2a shokran.....nshof 7ad tany b2a:gun_bandana:

اخى الفاضل
انا مع الراى الى قالك ان المشكلة مع شركة التامين لان للاسف اكيد الجمعية و هيا اسوا شركة تامين موجودة فى السوق لانهاارخص سعر و كماناسواء خدمة لانها بطلع الناس على التعويض و كمان المعاينات بتتاخر جدا عندها

على فكره توكيل عز بيتعامل مع اكتر من شركة تأمين واي حد ممكن يختار الشركة اللي شايفها احسن ، وده كلام مؤكد

ياجماعه دة فى الصيانه و متبهدلين معه مابالكم بالتأمين):

كويس يا جماعة انكو قولتو موضوع التامين دة دنا كنت خلاص هعملو

معلش يا إسـلام ...مادام استنيت الوقت دا كله كمل معاهم...بس انا لما سالت -عز العرب-عن موضوع التأمين قالى انه مش مع الجمعيه وبقى مع شركه تانيه...هل باردوا معاها نفس المشكله

دة تهريج ، شركة التأمين اللى بيتعامل معاها عز العرب زى الزفت ، شوف يا أيمن أنا اللى متأكد منه إنه بيتعامل مع الجمعية ، لو شركة تانية يبقى اسأل عنها الأول ، بصراحة انا لو منك أريح دماغى وأشترك مع كونتكت كارز ، هى الأفضل بناء على أراء الأعضاء هنا ، أغلى شوية بسيطة لكن أريـــــح.

السلام عليكم و رحمة الله و بركاته
الأستاذ أسلام إن شاء الله مشكلتك تتحل و تنتهي على خير بإذن الرحمن
بس انا عايز أوضح حاجة
إن عز العرب معندوش شركة تأمين
و تقريبا أغلب التعاقدات كانت بتم مع الجمعية المصرية للتأمين التعاوني و التي قامت الحكومة بوقف عملها نتيجة لوجود تجاوزات ادارية فيها من قبل رئيس مجلس الادارة

يعني اللي بيحصل معاك ........ غصب ان عن الناس
لان الوكيل ( عز العرب ) مجرد وسيط ما بينك و بين شركة التأمين و أنت حظك مش حلو و معلش أنا فعلا حاسس بيك
بس لازم تعرف ان الجماعة في التوكيل مش في ايدهم حاجة علشان المشاكل الادارية اللي الشركة عايشة فيها أقصد شركة التأمين

و ربنا يسهل و نشوف الوكيل و نحاول نتكلم معاهم في تعدد شركات التأمين اللي بتتعامل معاهم علشان بصراحة الجمعية دي زبالة
هي صحيح أرخص حاجة إنما أي كلام خالص

و ربنا يحللك مشكلتك إن شاء الله تعالى

طب يا استاذ/تـــوت ..انا لما كلمت راجل المبيعات وقولتله مشكله -إسلام- قالى (ايوه ياباشا عشان كنا بنأمن مع الجمعيه بس دلوقتى بنأمن مع شركة تانيه(دايما انسى اسمها بس هى فيها كلمة التكافلى) ايه راى حضرتك فى الكلام ده ...هل دا فعلا حقيقى ولا بيشتغلنى...وهى فعلا الشركه دى كويسه ؟؟؟

اقتباس:

---

المشاركة الأصلية كتبت بواسطة Ayman_52

طب يا استاذ/تـــوت ..انا لما كلمت راجل المبيعات وقولتله مشكله -إسلام- قالى (ايوه ياباشا عشان كنا بنأمن مع الجمعيه بس دلوقتى بنأمن مع شركة تانيه(دايما انسى اسمها بس هى فيها كلمة التكافلى) ايه راى حضرتك فى الكلام ده ...هل دا فعلا حقيقى ولا بيشتغلنى...وهى فعلا الشركه دى كويسه ؟؟؟

---

بصراحة معنديش اي معلومات عن النقطة دي
هابقى اكلم الناس في عز و اشوف ايه الظروف خلال الكام يوم اللي جاي

بس انت لو استلمت العربية اسألهم الأول عن اسم شرك التامين اللي بيشتغلوا معاها
لو طلعت الجمعية بس
بلاش علشان الجمعية اليومين دول و اقعة جامد و كلها مشاكل وتقريبا مش بيحلوا مشاكل العملاء بتوعهم
بس ربنا يسهل و نشوف ان كنا نقدر نقنع الوكيل بالتعامل مع شركة تانية و تكون محترمة علشان الموضوع مش ناقص وش

بس خلي بالكوا يا جماعة
ان الجمعية دي كانت رخيصة قوي و ده بيخلي الناس تتشجع تروح تأمن معاهم
على عكس الشركات التانية اللي بتأخد ضعف مبلغ التأمين بس ساعة الجد بتلاقيهم .......... مش زي بتوع الجمعية .......
و انا كمان محتاج موضوع التأمين علشان تأميني قرب يخلص مع الجمعية ( انا كمان كنت مأمن مع الجمعية عن طريق الوكيل مباشرة )

الف الف شكر يا أ/ تـــوت....المشكله الناس بتوع السابع مش بثق فى كلامهم ....ربنا يهدينى للخير ان شاء الله.


بجد الف شكر لحضرتك....

ربنا يحللك مشكلتك يا اسلام
وابقى طمنا على الاخبار اول بأول.
بس أنا عندى سؤال انتو شايفين انه كونتاكت هى الاحسن ؟؟؟ عشان فى ليا أصحاب كتير بيرشحولى شركه اليانز ؟؟؟ ومش عارف الصراحه

اقتباس:

---

المشاركة الأصلية كتبت بواسطة mayki4u

ربنا يحللك مشكلتك يا اسلام
وابقى طمنا على الاخبار اول بأول.
بس أنا عندى سؤال انتو شايفين انه كونتاكت هى الاحسن ؟؟؟ عشان فى ليا أصحاب كتير بيرشحولى شركه اليانز ؟؟؟ ومش عارف الصراحه

---

السلام عليكم
برضه يا جماعة شركة كونتاكت دي مش شركة تأمين
دي شركة تجارة سيارات يعني تشبه الوكيل مع الفرق أنها مش وكيل لماركة بعينها

شركات التأمين معروفة
زي مصر للتأمين
شركة أليانز
العربية للتأمين
المصري السعودي للتأمين التكافلي
المهندس للتأمين
الدلتا للتأمين

انما كونتاكت دي شركة وسيط زي عز العرب
بيقوموا بجلب عملاء لشركة التأمين الأصلية و بعدين يأخدوا نسبة تقريبا
إنما هما نفسهم مش شركة تأمين

الف شكر يا تووووووووووووووووت باشا
كده وصلت المعلومه

اقتباس:

---

المشاركة الأصلية كتبت بواسطة tutankhamoun

السلام عليكم
برضه يا جماعة شركة كونتاكت دي مش شركة تأمين
دي شركة تجارة سيارات يعني تشبه الوكيل مع الفرق أنها مش وكيل لماركة بعينها

شركات التأمين معروفة
زي مصر للتأمين
شركة أليانز
العربية للتأمين
المصري السعودي للتأمين التكافلي
المهندس للتأمين
الدلتا للتأمين

انما كونتاكت دي شركة وسيط زي عز العرب
بيقوموا بجلب عملاء لشركة التأمين الأصلية و بعدين يأخدوا نسبة تقريبا
إنما هما نفسهم مش شركة تأمين

---

I Think that contact Cars has its own insurance, and by experience it is the best Car insurance in Egypt.

اقتباس:

---

المشاركة الأصلية كتبت بواسطة amrcd1

I Think that contact Cars has its own insurance, and by experience it is the best Car insurance in Egypt.

---

لا يا باشا
شركة كونتكاكت كارز هي شركة لتجارة السيارات و ليست شركة تأمين بحد ذاتها
هي عندها اعلانات عن التأمين على السيارات ولكن هي مجرد وسيط وواجهة لشركة أخرى و أعتقد أنها الشركة العربية للتأمين و الله أعلم

و لكن اللي أنا متأكد منه أنهم شركة لتجارة السيارات و ليست شركة تامين اطلاقا

و السلام عليكم و رحمة الله و بركاته

اقتباس:

---

المشاركة الأصلية كتبت بواسطة tutankhamoun

لا يا باشا
شركة كونتكاكت كارز هي شركة لتجارة السيارات و ليست شركة تأمين بحد ذاتها
هي عندها اعلانات عن التأمين على السيارات ولكن هي مجرد وسيط وواجهة لشركة أخرى و أعتقد أنها الشركة العربية للتأمين و الله أعلم

و لكن اللي أنا متأكد منه أنهم شركة لتجارة السيارات و ليست شركة تامين اطلاقا

و السلام عليكم و رحمة الله و بركاته

---

طيب معلش يا توت باشا ... هو انا مش فاهم الحته دى ... يعنى هى كونتاكت متفقه مع شركة تامين مش هى نفسها ولا ايه ؟؟ و لازم عشان أأمن معاها اكون شارى منها ... و كده ايه هى احسن شركة تامين الواحد يطمن معاها مش مهم الثمن المهم المصداقيه ..... و شكرا طبعا يا توت باشا .. و اسف لو حتعب حضرتك بس معلش بقى ده طمع شويه فى موسوعة حضرتك ... و شكرا

اقتباس:

---

المشاركة الأصلية كتبت بواسطة hamada_sivo

طيب معلش يا توت باشا ... هو انا مش فاهم الحته دى ... يعنى هى كونتاكت متفقه مع شركة تامين مش هى نفسها ولا ايه ؟؟ و لازم عشان أأمن معاها اكون شارى منها ... و كده ايه هى احسن شركة تامين الواحد يطمن معاها مش مهم الثمن المهم المصداقيه ..... و شكرا طبعا يا توت باشا .. و اسف لو حتعب حضرتك بس معلش بقى ده طمع شويه فى موسوعة حضرتك ... و شكرا

---

كونتاكت كارز شركة للتجارة و بتقدم خدمة التأمين الوسيط
بمعنى
أنت تعمل معاهم الوثيقة و تمضي الورق و كل حاجة و لما تحصلك مشكلة ( ربنا ما يجبيب مشاكل يارب ) تروح تتلكم معاهم هم ...... و هم بدورهم بيتصلوا بالشركة الأصلية اللي هاتدفع التعويض اللي هي تقريبا العربية للتأمين

طيب كونتاكت كارز مستفيدين أيه من الموضوع ده ؟؟؟
طبعا مستفيدين نسبة من كل سيارة بتأمن معاهم على الوثيقة
إنما هما مش شركة تامين نهائي

طبعا الناس كلها بتشكر فيهم و بتقول كويسين
و فيه حاجة كمان مهمة لازم الناس تأخد بالها
أن الحكومة وحدت نسبة التأمين السنوي ما بين الشركات و أصحبت تقريبا 4 % من القيمة السوقية للسيارة
يعني كل سنة بتمر على السيارة بتقل قيمتها السوقية و بالتبعية بتقل قيمة التأمين

بس كونتاكت كارز مشهورين أنهم كويسين و ده يمكن بسبب ان التأمين قيمته عالية شوية

أستنى نتصل بالتوكيل بكرة ان شاء الله و نشوف هما غيروا الشركة اللي بيتعاملوا معاها و لا لسة مع الجمعية ؟؟؟ و لو غيروها يبقى التأمين المباشر مع الوكيل أفضل ( في حالة التعاقد مع شركة تأمين ذات سمعة طيبة )
و السلام عليكم

اقتباس:

---

المشاركة الأصلية كتبت بواسطة tutankhamoun

كونتاكت كارز شركة للتجارة و بتقدم خدمة التأمين الوسيط
بمعنى
أنت تعمل معاهم الوثيقة و تمضي الورق و كل حاجة و لما تحصلك مشكلة ( ربنا ما يجبيب مشاكل يارب ) تروح تتلكم معاهم هم ...... و هم بدورهم بيتصلوا بالشركة الأصلية اللي هاتدفع التعويض اللي هي تقريبا العربية للتأمين

طيب كونتاكت كارز مستفيدين أيه من الموضوع ده ؟؟؟
طبعا مستفيدين نسبة من كل سيارة بتأمن معاهم على الوثيقة
إنما هما مش شركة تامين نهائي

طبعا الناس كلها بتشكر فيهم و بتقول كويسين
و فيه حاجة كمان مهمة لازم الناس تأخد بالها
أن الحكومة وحدت نسبة التأمين السنوي ما بين الشركات و أصحبت تقريبا 4 % من القيمة السوقية للسيارة
يعني كل سنة بتمر على السيارة بتقل قيمتها السوقية و بالتبعية بتقل قيمة التأمين

بس كونتاكت كارز مشهورين أنهم كويسين و ده يمكن بسبب ان التأمين قيمته عالية شوية

أستنى نتصل بالتوكيل بكرة ان شاء الله و نشوف هما غيروا الشركة اللي بيتعاملوا معاها و لا لسة مع الجمعية ؟؟؟ و لو غيروها يبقى التأمين المباشر مع الوكيل أفضل ( في حالة التعاقد مع شركة تأمين ذات سمعة طيبة )
و السلام عليكم

---

شكرا يا توت باشا على التوضيح و مستنى اتصال حضرتك بالتوكيل إن شاء الله ...

http://www.contactcars.com/contactclub.asp

اقتباس:

---

المشاركة الأصلية كتبت بواسطة amrcd1

http://www.contactcars.com/contactclub.asp

---

http://i38.tinypic.com/oh35y.jpg

السلام عليكم انا من عشاق هذا المنتدى وبالذات جين تو علشان انا فى طريقى لشرائها ان شاء الله
بالنسبة للتامين انا تحت امركم فى اى استفسار علشان عندى خبرة فى مجال التامين لانى شغال فى هذا المجال واشكركم لسعة صدركم

يا جماعة انا الحمد لله مشكلتى اتحلت والشكر للأستاذ آمر والأستاذ عبد الجواد والبشمهندس عبد الحميد ، المشكلة كلها كانت فى شركة التأمين الزفت ، وانا اتكلمت انهاردة مع الأستاذ عبد الجواد وأكدلى إنهم أوقفوا التعاقدات مع الجمعية ، والمشكلة كلها كانت من الجمعية مش من التوكيل ، الحمد لله اتوصوا بالعربية أوى ، ويادوب موظف التأمين جيه عاين يوم الخميس كانوا خلصوا شغل فيها يوم السبت ، يعنى أنا متأخر تلات أسابيع عشان شركة التأمين الزبالة دى وهى اصلا متاخدش شغل أكتر من 48 ساعة ، التكاليف كانت 5592 جنيه ، دفعت فى الآخر ال 10% اللى عليا 592 جنيه ومفيش نص ساعة وكنت مروح ... وبدأ عناء اللف والدوران على رخصى المسحوبة ، ادعولى أخلص على خير.

مـــبروك ياباشا....وفعلا -عزو- ساب الجمعيه واتعاقد مع شركـه تانيه اسمها - المصريه للتأمين التكافلى- (ياخوفى تكون مقرفه).....وان شاء الله تخلص موضوع الرخصه على طول ...وترجع تزاول الدوران بالجميله:smartass:

مبــــــــــروك

حمد الله على سلامتك يااسلام وجين 2 الجميلة ومبروك الاستلام وعقبال الرخص انشاالله :svengo: علقة تفوت ولاحد يموت الجمعية متعبين ..مرتين معاها طلعو عينى لولا فضل الله :svengo:
ربنا يوفق

اقتباس:

---

المشاركة الأصلية كتبت بواسطة tutankhamoun

كونتاكت كارز شركة للتجارة و بتقدم خدمة التأمين الوسيط
بمعنى
أنت تعمل معاهم الوثيقة و تمضي الورق و كل حاجة و لما تحصلك مشكلة ( ربنا ما يجبيب مشاكل يارب ) تروح تتلكم معاهم هم ...... و هم بدورهم بيتصلوا بالشركة الأصلية اللي هاتدفع التعويض اللي هي تقريبا العربية للتأمين

طيب كونتاكت كارز مستفيدين أيه من الموضوع ده ؟؟؟
طبعا مستفيدين نسبة من كل سيارة بتأمن معاهم على الوثيقة
إنما هما مش شركة تامين نهائي

طبعا الناس كلها بتشكر فيهم و بتقول كويسين
و فيه حاجة كمان مهمة لازم الناس تأخد بالها
أن الحكومة وحدت نسبة التأمين السنوي ما بين الشركات و أصحبت تقريبا 4 % من القيمة السوقية للسيارة
يعني كل سنة بتمر على السيارة بتقل قيمتها السوقية و بالتبعية بتقل قيمة التأمين

بس كونتاكت كارز مشهورين أنهم كويسين و ده يمكن بسبب ان التأمين قيمته عالية شوية

أستنى نتصل بالتوكيل بكرة ان شاء الله و نشوف هما غيروا الشركة اللي بيتعاملوا معاها و لا لسة مع الجمعية ؟؟؟ و لو غيروها يبقى التأمين المباشر مع الوكيل أفضل ( في حالة التعاقد مع شركة تأمين ذات سمعة طيبة )
و السلام عليكم

---

توت باشا في نقطة واحدة بس عاوز اوضحها ليك و للاخوة الافاضل
انا شاري عربيتي مع contact cars و مقسط معاهم و هم الحقيقة قمة في الذوق و الادب و الشياكة في التعامل و فعلن محترفيت بجد و كفاية ان انا من ساعات متعاملت معاهم كل شوية يكلموني يسالوني عن مستوي الخدمة و اذا كان في اي مشاكل واجهتني او تواجهني في القت الراهن ودة غير انهم مريحني من مشوار اني اروح ادفع القسط دة خالص و كل اول شهر واحد من عندهم بيروح يصرف شيك من البنك (بتاعي) مش اللي هم يشترطوة و شاري دماغي من الموضوع دة خالص (بس كل اول شهر الاقي رصيدي نقص قيمة القسط) فعلا انصح اي حد عاوز يشتري عربية انة يتعامل معاهم
بس انا لما جيت اامن مامنتش معاهم
لية؟
علي الرغم من ان الخدمة التامينية بتاعتهم خدمة متميزة (كعهدي بهم دائما)يمكن نكون احسن خدمة في مصر الا اني لما جيت اقرا بنود الوثيقة التامينية بتاعتهم لقيت في بند واضح و صريح بيقول
ان العميل علية نسبة تحمل (و دية غير نسبة الاهلاك) من تمن الحادثة و ذالك كالاتي
اول حادثة بدون اي تحمل عليك
ثاني حادثة بتتحمل 15% من قيمة الاصلاح
ثالث حادثة بتتحمل 25% من قيمة الاصلاح
و دة اللي انا فاكرة دلوقتي للاسف مش فاكر الباقي بس غالبا كانت نسبة 25% دية بتثبت بعد كدة(if my memory is good)

طبعا قلتلهم لا مش حامن معاكو
انا بامن عشان اية ؟!!
عشان ادفع فلوس بعد كدة؟
محدش يقولي ممكن تلم كذا حادثة و تعملهم كلهم مرة واحدة
اولا: دة نصيب و قدر و محدش عارف ربنا شايلة اية؟
ثانيا :ممكن جدا اول حادثة تكون حادثة تقيلة و لازم تتصلح و مينفعش تمشي بيها كدة و ممكن جدا بعد ما العربية تقوم بالسلامة من اول حادثة تاني يوم (لاقدر الله) يحصلك حادثة تانية اكبر منها و ساعتها حتبدا الدفع
ثالثا:انا عن نفسي مبحبش امشي بالعربية و فبها اي حاجة دة انا بيجيلي هسهس لما بلاقي فيها خدش و اجري اجيب كومبوند و بولش و فوق البيعة واكس عشان اصالحها:smartass:

انا عملت اية؟
الحمد الله كان في مندوب تاميني 6 من صحابي مامنين معاة و معروف و متجرب تبع الشرق للتامين و هم شكرو فية جدا و قالولي انة دايما بيجي في صفك و بيسهلك كل حاجة و كمان نسبتة مكنتش عالية ساعتها كانت 2.1% دة غير ان انت مبتعملش اي حاجة و هوة بيخلص كل المواضيع :smartass: و كمان مفيش نسبة تحمل

لم اتردد و امنت معاة فورا و كمان لما اتنين من صحابي في الشغل اشترو عربية (اشترو من كونتكت و امنو معاة)

و لكن هذة الايام و نظرا لان الجمعية التعاونية للتامين فكست و طبعا كانت اقل نسبة في السوق
1.7% و لو كان ليك حد جوة 1.6% فكانت مستوعبة عدد كبير جدا من العملاء في السوق

1- ناس كتيير قوي اتجهت لشركات ثانية لدرجة اني بكلم الاستاذ سالم مندوب التامين بتاعي و بقولة علي واحد صاحبي قالي انا دلوقتي لو كان معايا 20 عربية بقو 40 عربية و بمضمون الكلام كدة انهم مش ملاحقين بس هو ادني رقم واحد تاني معاة في الشركة و صحابي امن معاة
2- نظرا لضغط الناس علي شركات التامين و تحقيقا لابسط قانون تجاري الا و هو العرض و الطلب زادت نسبة الفائدة و بقت 3% من القيمة السوقية للعربية(دة في الشرق للتامين)

الحل اية؟
1-تامن مع كونتكت كارز و تعتبر النسبة الاعلي شوية عن السوق دلوقتي و كمان نسبة التحمل دية حاجة انت بتدفعها نظير خدمة تامينية متميزة و انا اكاد اجزم انها متميزة من اللي شفتة في التعامل معاهم

2-تامن مع اي شركة تامين برة يكون ليك حد فيها بنسبة اقل شوية و بدون نسبة تحمل بخدمة تامينية ممتازة(لو كان ليك حد جوة)

3-تامن مع احد شركات التامين الاجنبية زي aliens و AIG و دول انا مش عارف اية نظامهم الصراحةبس اسمع ان نسبتهم عالية زي كونتكت كدة و مش عارف في نسبة تحمل في حالة -لاقدر الله-الحوادث ولا لا؟!

والله الموفق ارجو اني كنت مفيدا و خفيفا عليكم اخواني :k41:

ألف شكر أستاذ أحمد رضا على المعلومات الجميله دى

أحب أسجل شكرى وتقديرى للأستاذ الفاضل أحمد رضا
وجزاك الله كل خير

أحب اقول ألف شكر يا أستاذ أحمد رضا ... كلامك واضح ومريح جدا.