نصيحة : لو عندك موظف أكتشفت انه سرق !!!

**أبو صلاح** · 25-03-2015 02:30 PM

المشاركة الأصلية كتبت بواسطة الفجر

[واسمع كلام الناس الكبيرة اللى مثلى افضل ليك ولمستقبلك[/color][/size]

??????????????

**أبو آسر** · 25-03-2015 04:00 PM

المشاركة الأصلية كتبت بواسطة الفجر

سسيبك من كل الخرابيط دى كلها

انت مشيها بذوق من غير مواجهات بدل ما تروح الشرطة تعملك محضر تحرش وتسجن وانت اللى هتروح في داهية الاشكال القذرة دى قذارتها لا توصف ممكن ترمى بلاها عليك ونت الى تروح ورا شمس

مشيها بذوق من غير اتهامات بسرقة ولا حاجة واسمع كلام الناس الكبيرة اللى مثلى افضل ليك ولمستقبلك

يا دكتور الناس اللي ردت برده ناس كبيرة مش عيال صغيرة وكلامهم مش خرابيط على فكرة وكلامك مش قرآن يعني كلها اقتراحات وصاحب المشكلة حر ياخد باللي يريحه
مش كده الله يخليك

**Ahmedmiy** · 25-03-2015 04:50 PM

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

ما شاء الله الناس كلها شاركت بأراء ممتازة واذا كان من مشاركة ان شاء الله حضرتك تتاكد الاول بدليل قاطع قبل اى تصرف واذا أمكن بعد التاكد ان حضرتك تجلس مع من فعل هذا على انفراد لفهم السبب واذا كان شخص انت شايف بصدق انك ممكن تساعده على تجاوز المشكلة ديه فلا تتردد ان شاء الله
اتمنى من كل صاحب عمل خاص انه يشغل رجاله بس لاسباب كتير اهمها على الاطلاق عدم الاختلاط بين الموظفين لان ده بيكون غير لائق اولا وعامل هدر للوقت وعامل فشل للعمل بشكل عام وكلنا عارفين الشكل عامل ازاى دلوقتى ،،،
مثلا تدخل كارفور تلاقى عدد كبير جدا من البنات شغالين فى كل الاقسام أو ممثلين لشركات عرضه منتجات وكل البنات ديه واقفة فى أجمل زينة وملابس تكاد تكون غير موجوده وحضرتك كزبون نازل تتسوق تتفرج كمان على الشباب الغلبان والبنات الغلبانه وهما بيعكسوا بعض وسط الشغل بس طبعا معذورين البنات بتنزل الشغل علشان الفلوس واهلهم مش فاضين يختاروا معاهم الشغل المناسب ليهم وصاحب الشغل بيختار البنات الحلوه او غيرها علشان ايه .. حسبنا الله ونعم الوكيل فى الضمير الميت ، والشباب عارفين الى فيها من ناحية الجواز والشقة وغيره وكمان مش زى اغلب القطاع الخاص بيكون مرتبات ضعيفة واستهلاك مجهود الموظف لاقصي الحدود الممكنة بسبب ظروف الشغل وخصوصا لو عمل صغير مش شركة كبيره .

ان شاء الله الموضوع يتحل بدون اى مشاكل مع الحرص على الهدوء والحكمة قبل التصرف

سبحان الله وبحمده سبحان الله العظيم
سبحان الله لعظيم وبحمده

**1000 مبروك** · 25-03-2015 09:38 PM

الأول إتأكد 100% إن هي دي الحرامية
ولو المسروقات تقدر إنت تتحملها ومش محتاج تستردها منها

تمشي من الشركة فوراً

**ehabouf** · 26-03-2015 03:37 AM

لو اتسابت بهدوء وبدون شوشرة حاتروح تعمل نفس الموضوع في المكان الي حاتروحه بعد كدة
رأيي ان يتركب كاميرا وتسجلها وهي بتسرق وبعدين يتم تبليغ الشرطة بدون علمها لتأخذ جزاءها
"ولكم في القصاص حياة يا أولي الألباب لعلكم تتقون "
صدق الله العظيم