لو حد يعرف ياشباب طريقة امسح بيها كل حاجه زى الاكونتات مثلا من جهاز موبايل سامسونج ,, عايز اعرف الطريقة ايه لانى بفكر انى ابيع التليفون ومش عايز اى صله ليا بيه بعد كده(صور اكونتات فيديوهات وكل شىء) وهل إعادة ضبط المصنع يغنى ولا لاء
عرض للطباعة
لو حد يعرف ياشباب طريقة امسح بيها كل حاجه زى الاكونتات مثلا من جهاز موبايل سامسونج ,, عايز اعرف الطريقة ايه لانى بفكر انى ابيع التليفون ومش عايز اى صله ليا بيه بعد كده(صور اكونتات فيديوهات وكل شىء) وهل إعادة ضبط المصنع يغنى ولا لاء
اقفل التليفون
دوس زرار تعلية الصوت مع زرار الهوم وبعدهم دوس على الباور لحد ما تلاقي التليفون قام سيب الزراير كلها
هيدخل قائمة البوت
إختار
Wipe data/factory reset
اعتقد اعادة ضبط المصنع تكفي وبتحذف كل الاكونتات والصور
تمام كده بس في اضافة صغيرة لضمان عدم استرجاع البيانات ببرامج بتعمل استرجاع للبيانات المحذوفة
انت هتشغل الكاميرا تسجيل فيديو وتثبتها على على اي منظر ثابت لغاية لما الذاكرة تتملى
وبعدين تمسح الفيديو ده
لو حد يحاول يعمل استرجاع ملفات محذوفة هيعمل استرجاع للفيديو اللي انت سجلته
استعاده ظبط مصنع و هيرجع كأنه جديد
خلي بالك علشان الموضوع خطير جداً لآن خصوصاً لو بعته لمحل ممكن جداً يسترجع كل حاجه عليه بسهولة في وقت قليل بما فيهم صور عائليه وبيانات وارقام ورسايل وغيره
اسهل واسرع حل انك الاول تعمل تشفير كامل للجهاز (سواء كنت عملت فورمات او لسه)
* ميزة التشفير موجودة في اغلب اجهزة الاندرويد لكن في بعض الاجهزة مش بتدعمها
الطريقه انك هتدخل في الاعدادات بعدين اعدادات الحماية ومنها التشفير
هيطلب منك تعمل للجهاز باسورد قوي الاول
في خطوة مهمة جداً انه هيسألك انت عاوز تشفر البيانات الموجودة دلوقتي ولا تشفر كامل المساحه لازم تختار انه يشفر المساحة كلها حتى الغير مستخدم منها
بعدها الجهاز هيحمل وقت مش طويل على حسب مساحته
بعد ما يخلص تقدر تعمل فورمات
وكده لو حد جه يرجع اي بيانات مش هيقدر يرجعها لآن البيانات الممسوحه مشفره
---
في طريقة تانية انك تعمل فورمات وتملى الموبايل اي بيانات عندك او تستخدم برنامج اسمه ZeroFill
المهم انك تملى الموبايل عالاخر ويفضل لو اكتر من مره
بعدها تعمل فورمات
كده لو جه يعمل استعادة هيلاقي البيانات الوهمية الي انت كنت حاططها لكن يفضل الطريقة الاولى او الاتنين مع بعض اذا كانت البيانات حساسة جداً