ايهما افضل كيا بريد - فيات اونو - هونداي اكسل - اسكودا فليشيا -دايهاتسو شاريد

باين من العنوان اني غارق في المقارنات والتفضيلات
اولا معيا 128 عاوز اغير ولي معايير في الاختيار
-السعر من 25000 الي 30000 الحد الاقصي
- الكلام علي موديل بين ال 1990-1999
- اقتصادية في البنزبن وتعمل ببنزين 80 وبقول واكرار بنزين 80
-قطع الغيار اعتماديه متوفرة جديد او مستعمل (وبسعر معقول) يعني مش رخيصة وتبوظ بسرعة ومش غالية تكسر ظهري
-والميكانيكه سهل غير معقده
-مريحه في السوقة والكل فاهم يعني ايه سواقة 128 .عاوز طارة اسهل في الملفات والركن قريبة للبور شوية مش اوي
-مناسبة للمطباة الموجوده في كل شوارع مصر ومتجمعه عندنا عشان مش كل شوية اروح اغير عفشة او علبة دركسيون
وانحصر اختياري علي بعض المركات
---الاوربي----
فيات اونو - اسكودا فليشيا
----اسيوي ياباني و كوري ----
كيا بريد
هونداي اكسل
دايهاتسو شاريد

ارجو الرد مع ذكر السبب في الاختيار
افيدونا ياهل الخبره في الاختيار الصعب
ايهما افضل كيا بريد - فيات اونو - هونداي اكسل - اسكودا فليشيا -دايهاتسو شاريد

من وجهة نظرى برغم حبى للشاريد و خاصة ال 1300 سى سى لكن اظن ان قطع غيارها لن تكون متوفرة عند ناس كتير و بكده هتكون مزعجة لك و كذلك موديلاتها بعيدة شوية يعنى بداية التسعينات
و الاكسيل انا بصراحة و برضه حسب وجهة نظرى الشخصية و التي قد تصيب أو تخطئ انها ضعيفة في صاجها و بحس انها بتتهان بسرعة و بتحتاج دائما تلحقها و تتابعها
افضل اختيار عملى و مريح بالنسبة لك هو
الأول كيا برايد و هي سيارة جيدة جدا الى ممتازة في حدود ما تريد و كل أو معظم من اقتناها بيحبها و طبعا قطع غيارها و الميكانيكا الخاصة بها سهلة بدرجة كبيرة
الثانى اونو و هي أيضا اختيار لا يقل فى مواصفاته عن الكيا برايد و ربما يكون صعب عليك المفاضلة بينهما لكنى اميل للبرايد اكثر قليلا ربما لشعورى بإنها انعم و اشد الى حد ما عن الاونو
و أخيرا كن حريصا جدا في اختيارك للسيارة حتى لا تتعبك و لو وجدت حالة جيدة من الاختيارين الأخيرن توكل علي الله و استخير الله قبله و ربنا يوفقك لسيارة جيدة و يبارك لك فيها

الغليشيا طبعا بس النظيف منها بيعدى ال30 ممكن تفكر فى الفورمان سكودا برضه سعرها فى حدود 27

لو ميزانيتك اخرها 30 الف يبقى هتطلع الفليشيا والاكسيل من الحسابات عشان مش هتلاقى عربية نظيفة بالمبلغ دة
1- كيا برايد
2- اونو

لو تقدر تعدى ال30000 يبقا الفيليشيا

انا معايا ماروتى وانصح بيها لاغلب شروطك
هيا عربيه صغيره للمديه عيبها مافيهاش تكييف

بالنسبه لبنزين 80 بلاش تخليه شرط مهم لان اغلب العربيات الجديده قصدى المواتير اللى نسبه الانضغاط عالى محتاجه بنزين 92 زى الاكسيل مسلا

اقتباس:

---

المشاركة الأصلية كتبت بواسطة adiaa222

لو ميزانيتك اخرها 30 الف يبقى هتطلع الفليشيا والاكسيل من الحسابات عشان مش هتلاقى عربية نظيفة بالمبلغ دة
1- كيا برايد
2- اونو

---

شكرا جدا لنصحتك بس سؤال في مودل في سنة معينة احسن ولا كله زي بعضة يعني ادور في الكيا علي قبل 99 عشان يكون كربيراتير ولا هي اصلا انجكشن ومفيش منها كربيراتير

اقتباس:

---

المشاركة الأصلية كتبت بواسطة meeidoo

شكرا جدا لنصحتك بس سؤال في مودل في سنة معينة احسن ولا كله زي بعضة يعني ادور في الكيا علي قبل 99 عشان يكون كربيراتير ولا هي اصلا انجكشن ومفيش منها كربيراتير

---

اكيد هدور على الاحدث. بس معنديش علم ان كان نزل منها انجكشن