هام وعاجل جدا مطلوب معلومات عن هيونداى سانتامو

**eng_yeso** · 09-11-2008 05:14 PM

يا جماعة من فضلكم انا معروض على هيونداى سانتامو وعايز اعرف كل المعلومات المتاحة عنها من اهل الخبرة هى موديل 99 كاملة مانيوال وانا بقا ايز اعرف اخبارها اية فى قطع الغيار واعادة البيعوالعربية نفسها فى المشى على الطريق والنعومة والسفر وكدة يعنى ويا ريت اى معلومات اخرة متاحة بس يا ريت بسرعة من فضلكم يا جماعة لانى مستعجل جدا

**eng_yeso** · 09-11-2008 06:13 PM

اية يا جماعة ما فيش اى حد يعرف حاجة عنها ولا اية؟؟

**eng_yeso** · 09-11-2008 08:38 PM

يا جماعة 10 شافو الموضوع وما حدش رد بليز يا جماعة انا محتاج معلومات ضرورى فارجوكم لا تبخلو على بالمعلومات ساعدونى وانا منتظر ردكم فى اقرب ما بمكن
وشكرا لكم

**Ahmed Anwer** · 09-11-2008 08:50 PM

كل اللي اعرفه عنها انها الأب الروحي للماتريكس

و توقف انتاجها بمجرد طرح الماتريكس

و دي معلومات عنها من وييكبيديا

http://en.wikipedia.org/wiki/Hyundai_Santamo

هيا اساسا زي ما مكتوب عربية ميتسوبيشي

اسمها Mitsubishi Chariot

http://en.wikipedia.org/wiki/Mitsubishi_Chariot

بس طبعا عربية نادرة و قليلة اوي في مصر

لازم تفكر كتير قبل ما تشتريها

**eng_yeso** · 09-11-2008 10:04 PM

الف شكر يا احمد باشا على الرد وانا منتظر اراء باقى الاعضاء ويا ريت الاقى حد عندة العربية دى ويقولى رأية فيها بصراحة

**eng_yeso** · 10-11-2008 05:24 PM

اناا بس نفسى اعرف حاجة هو مش المنتدى دة معمول عشان الناس تفيد بعضها واى حد عايز يستفسر عن اى حاجة يسئل والناس ترد ز
امال اية اللى حاصل معايا دة عامل الموضوع من يومين وشافة 32 واحد رد على منهم 1 . لية كدة يا جماعة هو انا صدر منى حاجة تدايق الاعضاء عشان ما تردوش على كدة انا بجد مش فاهم
وعلى العموم متشكر اوى بجد

**kahlawey** · 21-11-2009 06:56 PM

انا اسف جدا علشان مكنتش فاضى الفترة الى فاتت ولما شفت سؤالك هجاوبك عليه بالتفصيل علشان انا معايا السنتامو من الزيرو
بص ياباشا العربية دى مش منتشرة فى مصر علشان كانت نازلة ب260 الف ج فقليل اوى الى اشتراها زي كده
اولا بالنسبة لماتورها دى موصفاته
Engine

Engine location front across
Fuel petrol
Fuel supply system Multipoint Injection
Max power 102 kW (139 HP) at 6000 rpm
Max torque 182 N·m at 4900 rpm
Engine design, number of cyls linear 4
Displacement 1975 cc ماتورها اقتصادى جدا فى البنزين استهلاكه كانك راكب النترا بالظبط وماتور روعة فعلا عن تجربة

بالنسبة للبودى بتاع العربية تصميمه جميل جدا ومن جوه الصالون واسع جدا 8 يركبوا فى راحة تامة جوه العربية والعربية بتمشى وسحبها كأنك مش شايل 8 اشخاص وبشنطهم مثلا لو رايح مصيف

بالنسبة بقى للأخ الى بيقولك انها الاب الروحى للماتريكس 1600 سى سى والسنتامو 2000 سى سى دى مواصفات وشاسيه ودى موصفات تاينة وشاسية تانى خالص

بالنسبة للسنتامو قطع غيارها اول ما نزلت مصر ماكنتش متوفرة
دلوقتى متوفرة كتير جدا وانا اكتشفت حاجة كمان انا ماتورها كله وعفشتها ومساعدين هما هما بتوع الميتسوبيشى جالانت بالظبط وقطع غيارها موجودة فى الرواس واسعارها جميلة جدا والحرفيين ووسط البلد
ودمشق
العربية السنتامو عليها ثبات غير طبيعى على الطريق مع السرعات
بتفرش زى البى ام على الطريق ويا سلام لو ناس راكبة معاك 5 او 7
احلى ثبات وكمان هتحس بالامان اوى اوى
وشوف لو عايز اى استفسار انا تحت امرك Tarwish@hotmail.com