انا معايا لوجان اوتو 2014 الشكل القديم من سنة و 3 شهور
عامل بها 27 الف كيلو والحمد لله مفيش شكوي من الفتيس او الموتور
صوت الموتور بيعلى لما ازود الدوسه لكن لو ماشى رايق الصوت بيكون كويس والعزل معقول.
الفتيس اخشن شويه من الكورى الاربع سرعات (ما يسمى بالنتشات) لكن مش مضيقنى.
انا حاسس الحمد لله ان ثبات عربيتى احسن من اللوجان المانيوال القديم و الجديد (اللى مع صحابى) على الرغم انى لسه ماشى على الكوتش الBarum بتاغ الفبريكه , مش عارف ده مجرد أحساس ولا حقيقه و يعنى انا ببتدى امسك الدريكسيون بايدى الاتنين واركز اكتر مع الطريق من اول 125 -- 130 كم/س.
العربيه فى مطبات الهواء بتنط شويه اكتر من العربيات التانيه بس الدريكسيون بيفضل تقيل و ماسك نفسه.
المفضلات