الموضوع: تعديل فوانيس لانوس 2

المشاركة الأصلية كتبت بواسطة رامي مصطفى

السلام عليكم
بص ياسيدي انا ركبت زينون في الفوانيس عالي وواطي
اولا الاضاءه جميله وفرق كبير اوي بس في مشكله هتسمع شتايم من كل الناس لدرجة اني شيلتوا
ركبتوا في الشبوره عربيتي لانوس2 بردوا بص ولا كأنوا راكب اصلا وعلى فكره انا من المنصوره بس شغلي في العاشر لو عايز نتقابل وتشوفوا راكب عندي تحت امرك بس مالوش اي لازمه
الحل يا اما تركبوا في الفوانيس بس لااااااااااااازم عدسات وده الحل الجميل
او تركبوا في الشبوره بس لازم تغير الفوانيس تركب شبوره بتاعت فيرنا مدوره وده الشاءع معظم الناس عامله كده ونورها هيبأى شديد
او تركب بتوع النوبيرا ودل مستطيلين وشكلهم كويس ونورهم جميل مع الزينون وفي الحالتين هتعدل في الفبره ايلي هيركب فيهم الشبوره بس سهله والفبرتين رخاص 40ج
وانا برجح العدسات في الفوانيس لو عايز كلمني هدلك ع واحد بتاع زينون في المنصوره هتحلف بيه وبأدبه وحاجته راءعه هوا معاه توكيل فيلبس واوسرام وانواع زينون لا حصر لها اخدت منه واحد والله ما علأ ولا اللمبه اتهزت مره والضمان سابه بدون تاريخ وقالي في اي وقت لو حصل حاجه هاته
اما بالنسبه للعدسات اسهل حاجه وانضف حاجه عند باسم طه زميل في المنتدى وعامل موقع للتعديلات وهوا في السكه الجديده عندنا في المنصوره
تحت امرك في اي حاجه اخوك رامي 01018144416
كلمني في اي وقت ولو عايز تشوفوا ع الشبوره بتاع عربيتي تحت امرك بس مالوش اي لازمه لأن الفانوس صغير جدا
وبالتوفيق

الف شكر ليك و لذوقك يعنى لو حطيته فى النور العالى بدون عدسات الاضاءه حتكون جامده جدا بس الناس حتشتمنى .

لو كده الواحد يركبه و يقولهم ربنا يسامحكم

المشاركة الأصلية كتبت بواسطة رامي مصطفى

الف مبروك تعديل جميل بس هل شفت اشكال تانيه للفوانيس دائريه مثلا؟ زي بتاعت الفيرنا ؟

الحقيقة لأ