وهل ارسال طيارين في حرب لا دخل لنا فقط لدقة التصويب ????
وهل حضرتك موافق علي ارسال طيارين بلدك وتعرضهم للموت في حرب خارج حدود بلادهم.
لا حول ولا قوة الا بالله
نعم ؟؟ حرب لا دخل لنا فيها ؟ ازاى يعنى ؟ هو الامن القومى المصرى اخره حدودك ؟ مش فيه مضيق تحت ايران و الشيعه هايتحكموا فيه , هيه امريكا كل حروبها خارج حدودها ليه ؟ و فى اخر الدنيا ليه ؟ هانستنى لما ايران تدينا الاذن علشان السفن تمر و نقفل او نفتح قناة السويس باوامرها ؟ همه الحوثيين ايه غير شيعه صفويين .
باب المندب ده مضيق عربى و لازم يفضل عربى
تمام جدا متفق معاك في كلامك. بس هل معاملة مصر في كل حدودها بيبقي بالمثل ????
اقرب مثال. سينا. هل رد فعل مصر مع اسراييل بيبقي بالمثل بالرغم من انتهاكتها المتكررة وبعد كدة يطلع اعتذار اسراييلي.
ومادام هو امن قومي مصري ازاي القيادة المصرية تسمح الدفاع عن حدود مصر بطايرات غير مصرية ?????
ترضاها انتا ????
الحرب طائفية "صفوية وهابية "
اعلنوا دمار الشرق الاوسط ليزداد رجعية وتخلف ورأسي الحية بلدانهم سالمة
ولكن مادامت الحرب اشتعلت لا مجال للنقاش اما ان تكون مع او ضد فنتمنى السلامة والنصر لجنودنا
انا مش عارف انت ليه بتدخل الدنيا فى بعضها :) , قضيتنا مع اسرائيل حاجه و اللى بيحصل هناك حاجه تانيه , كانت فيه انتهاكات اسرائيليه علشان احنا كنا نايمين على ودانا على الحدود و سايبينها سداح مداح للى يسوى و اللى ما يسواش , اسرائيل كانت هاتقعد تتفرج يعنى ؟ تهريب بشر و افارقه و سلاح و ياريته كان نفع فى اللى خدوا السلاح , و دلوقتى بعد ما ظبطت حدودك لا فيه انتهاكات و لا غيره . ده الانتهاكات بتيجى دلوقتى من الحبايب الحلوين جيران الهنا , المنقسمين و بياكلوا فى بعض و مفرجين الدنيا عليهم .
يا باشا القوات اللى عند اليمن دلوقتى كلها قوات دول عربيه و اسلاميه مشتركه , كلهم بيدافعوا عن امن قومى عربى واحد و كل دوله بتشارك باللى تقدر عليه سواء كان سلاح او طيران او كفاءات او حتى مشاركه رمزيه , الموضوع مش مكتوب باسم مصر و دى بدايه لاى مشكله عربيه فى اى بلد عربى انه يكون نفس الوضع , مش هانفضل نستنى لما امريكا تيجى او غيرها , ده هايكون التحرك المستقبلى لاى مشكله عربيه و رساله لدول كتير فى العالم . عندنا السلاح و عندنا المال و عندنا البشر و الكفاءات . مش هو ده اللى قعدنا سنين نطلبه ؟ و لما يتعمل نقول ايه اللى دخلنا ؟ و هو ايه اللى دخل المغرب و لا الاردن و لا باكستان ؟ لا لهم ناقه و لا جمل , يبعتوا طيارينهم و طياراتهم ليه ؟ علشان يموتوا برضه ؟
مش عارف ليه انت شايف الموضوع بنظره من زاويه معينه .
السعودية مش محتاجة طيارين مصريين هم من اكفأ المحاربين في المجال دا على مستوى شرقنا الخرب لذلك وجب الدليل "مصدر الخبر"
اما وقت الحرب على اليمن ف دا مش مقياس انهم مش اكفاء
امريكا "بجبروتها" دكت جبال افغانستان وطلعوا بدون تحقيق اهدافهم
كل الدول عندها كفاءات من الطيارين و لكن مستوى الكفاءات بيختلف , هل حضرتك متخيله العدد الضخم من الطيران السعودى المستخدم ؟ 100 طياره و ده عدد كبير مش سهل فى الغارات و الحروب , اكيد همه اختاروا احسن طيارينهم بجانب طيارينا , ما فيش دوله تقدر تبعت 100 طيار خصوصا على ال اف 16 و الضربه الاولى مهمه جدا فى دقتها لانها بتضرب الدفاعات الجويه بدقه شديده علشان تفتح المجال بامان , خصوصا انه اليمن عندها نظام الدفاع الجوى سام الروسى .
غير كده انه القطع البحريه المصريه محاصره الشواطىء اليمنيه و وقفه فى المضيق و ده الاهم و موجود فى الاخبار و مصر الدوله الوحيده اللى ماسكه الناحيه البحريه لموانىء اليمن .
عموما مضيق باب المندب محتل فعلا ليه سنوات
من قبل القطع البحريه اﻻمريكيه
من ايام مكافحه القرصنه