هي العربية حلو بس مش لدرجة ان الواحد يجيبها هي هي تاني
هي العربية حلو بس مش لدرجة ان الواحد يجيبها هي هي تاني
مع احترامى لكل الاراء .. انا عن نفسى شايف ان الشبكة الدايو اشيك ممكن علشان اتعودت عليها او ممكن انها مع شخصية العربية .. بس موضوع التغيير انا مع الرأى انه يكون لنوع وماركة مختلفة تماما والا ميكونش له داع
هوا دة قصدى يا باشا طالما الموضوع تجارى يبقى اكيد شيفر مش عايزة تخسر ولما تشترى انتاج لازم يكون انتاج سيارة مرغوبة خاصة انها مغيرتش اى حاجة فى السيارة هوا دة قصدى اما بالنسبة لموضوع انى اغير عربيتى بعربية شيفر اكيد لو فى يوم قررت اغير هاغير النوع والشكل حتى عشان التغيير والتجديد يكون يستاهل ولوكانت ظروفى تسمح بالاحسن والافضل يا حبذا اما لو ظروف التغيير بقى كانت لاشياء غبر متوقعة وربنا يستر علينا جميعا يارب. ساعتها بقى التصرف يحكمة الظروف الخاصة بية
وعلى العموم انا سعدت جدا بالنقاش معاكم والله
يبقي عملنا أيه كأنك يا أبو زيد ما غزيت
انت محق فى كل كلامك و انا اتفق معك بنسبة 100% و صدقنى انا طرحت هذا الموضوع للتأكد من أن هل الدايو مازالت عربية ذات قيمة ام لا و جميع الردود اكدت بالفعل انها عربية محترمة و باتت بالفعل عربية شعبية للشعب المصرى
و بعدين في نقطة تانية أنا علي سبيل المثال عرفت عربيتي و قدرت اظبط عيوبها ( زي ماتربي عيل كده ) و الحمد لله لا اشتكي منها حاليا , فهل من المعقول أبيعها علشان أجيب نفس النوع من و كيل اخر و أبدا معها من جديد رحلة اكتشاف عيوب التقفيل و اعادة ظبطها , ثم مع حبي للدايو و احترامي الشديد لها الأ اني عندما افكر في بيعها أكيد أكون قد فكرت في ان أرتقي بالنوع كما ارتقيت بالموديل يعني أركب ياباني أو الماني مثلا
و كل سنة و انت و كل ملاك و عشاق دايو طيبين
أنا شايف ان العربية دايولانوس مواصفتها جميلة جدا ومريحة وغير مكلفة بس العيب إلى فيها عدم ارتفاعها عن الأرض مما يسبب مشاكل مع المطبات في جميع أنحاء المعمورة وبقت شعبية أنا بقيت أشوف منها تاكسي فهل من المعقول أبيعها عشان أجيب نفس النوع أكيد ( كده العربية بتاعتى زعلت منى وربنا يستر)
[grade="800080 800080 800080 800080 800080"]و ايه هي العربيات اللي مش واطية , احنا اللي المطبات عندنا عالية عن اللازم يعني العيب مش في العربية العيب في الشوارع و بعدين انخفاضها ده انا شايف انه ميزة مش عيب لانه بيعطي العربية مزيد من الثباتاقتباس:
أنا شايف ان العربية دايولانوس مواصفتها جميلة جدا ومريحة وغير مكلفة بس العيب إلى فيها عدم ارتفاعها عن الأرض مما يسبب مشاكل مع المطبات في جميع أنحاء المعمورة وبقت شعبية أنا بقيت أشوف منها تاكسي فهل من المعقول أبيعها عشان أجيب نفس النوع أكيد ( كده العربية بتاعتى زعلت منى وربنا يستر)
أما بالنسبة لانتشار العربية و ان سيادتك بتشوف منها تاكسي عايز اقولك بكره تشوف المرسيدس العيون و الاوبل و مش بعيد الشيروكي تاكس زي البلاد التانية[/grade]
هو احنا ممكن نوطى المطبات ياباشا