السلام عليكم ورحمة الله وبركاته
النهارده انا رحت جميل اوتو وشوفت فورد كوجا، ودي اول مره بالنسبه ليا اسمع عن العربيه دي ، تقريبا اول مره تنزل مصر قريب جدا، الحقيقه العربيه وهميه، شكلها جميل جدا من بره ومن جوه وسعرها بيبدأ من ٢٥٥ الف الي ٣٢٢ الف، موتور ايكوبوويت ١٥٠٠ سي سي وهورس بور ١٨٠، لغاية دلوقتي العربيه ممتازه بس في حاجات محتاج اسأل فيها وياريت لو حد عنده معلومات يجاوبني:
١-العربيه ب ٢٥٥ الف يعني بنفس سعر الكيا اسبورتاج او الix35 تقريبا، لكن الفرق في الامكانيات جبار بكل المقاييس، فهل ده له سبب، يعني لو معايا المبلغ ده ايه اللي يخليني اشتري اسبورتاج الكوري (زي معظم الناس) وماشتريش فورد الالماني؟؟؟
٢- العربيه مكتوب ان البنزين المستخدم ٩٢ والموتور تربو، وللاسف ال ٩٢ بتاعنا في مصر مش نقي زي بره، فهل ده معناه اني استخدم بنزين ٩٥؟؟؟.ولا انا عندي معلومه غلط؟؟
٣- هل موتور ايكوبوست اول مره ينزل في عربيه فورد ولا نزل في مودلات تانيه؟
ياريت لو حد عنده اي معلومات عن العربيه دي يقولي
وشكرا جزيلا