هل كدة اعفاء ولا لأ؟

**امجد مروان 454** · 26-03-2015 10:10 PM

السلام عليكم
الناس اللی عندها خلفية بموضوع التجنيد
واحد صاحبی مخلص كلية وهيقدم السنادی وهو 26 سنة والده طبعا متوفی ووالدته بتشتغل وعنده اخ واحد فی الكلية اصغر منه ب5 سنين ايه الإجراء التجنيدی له هيبقی اعفاء ولا ده مش سبب كافی؟
وجزاكم الله خيرا.

**M!SHO** · 26-03-2015 10:19 PM

خليه يسأل عن موضوع عائل الاسرة ، ممكن ياخد تأجيل لغاية ما أخوه يخلص كلية

بس خلي بالك وارد جداً يدخل بعد كده ، ساعتها هتبقى أصعب بعد ما أشتغل وشبه أستقر

**mohamed_selim** · 26-03-2015 11:05 PM

اعفاء مؤقت لانه العائل الوحيد لوالدته و هيحتاج اثبات قيد لاخوه من الجامعه
بس اول ماخوه يخلص هيلبس ... الا لو كان عدا ال٣١

**Bassem Youssef** · 26-03-2015 11:07 PM

لو يعرف يثبت انه العائل الوحيد للاسره بما ان والده متوفي و اخوه في الكليه يبقي فل اوي بس برضه بعد ما اخوه يخلص كليه ممكن يخش الجيش و هو كبير

**امجد مروان 454** · 26-03-2015 11:34 PM

الی انا فهمته كدة انه هياخد اعفاء مؤقت لحد لما اخوه يخلص كلية وبعدين ممكن يدخل؟
طب مهو كدة ماستفدش بالعكس خسر.فعلا حرام يعنی هو كدة متشعلق ده لو دخل من الاول احسن وهو بقی هيقدم ماجستير وممكن يتجوز ويخلف وييستلم نيابته ويمارس حياته الطبيعية وبعد كدة يستدعوه اعتقد ده لعب بمستقبل الناس ووجه من وجوه فرض السيطرة والتحكم بسير الحياة غير مبرر علی الاطلاق.

**Bassem Youssef** · 27-03-2015 12:00 AM

في حل تاني انه يخلع من البلد خالص و مش يرجع الا لما يعدي ال 30 و يعمل تصالح

**Karim Alaa** · 27-03-2015 12:16 AM

هياخد تاجيل مش اعفاء كعائل وحيد لامه لحد ماخوه يخلص دراسه او والدته تتجوز لو الاتنين محصلوش لحد موصل سن الثلاثين هيقدم نفسه و ياخد الاعفاء النهائى

**eng.m7md.ali** · 27-03-2015 02:32 AM

هياخد تأجيل مؤقت لحد مااخوه يخلص ... ولو فات 3 سنين من غير مااخوه يخلص هياخد اعفاء نهائي واخوه هو اللي يدخل

**K_E** · 28-03-2015 01:21 PM

لو اخد تأجيل لأنه العائل لوالدته واخوه بيدرس وهو 26 سنة هيكون الموضوع متوقف على ان اخوه باقيله كام سنة ويخلص لأنه لو خلص بعد ما هو تم ال 30 بيوم واحد وقتها هياخد اعفاء