ليه كل الناس الكويسة ماتو شباب زى بروس لى ومايكل جاكسون هيث ليدجر (الجوكر)
عرض للطباعة
ليه كل الناس الكويسة ماتو شباب زى بروس لى ومايكل جاكسون هيث ليدجر (الجوكر)
كويسة من ناحية ايه مش فاهم
ههههههههههههههههههههههههه ههههههههه
إنت ضحكتني والله !!
مايكل جاكسون مات 50 سنة فين الشباب ف الموضوع !!
وبروسلي مات بس جاكي شان وجيتلي وغيرهم عايشين ومعديين ال50 وعادي جدا
كل المشاهير الأجانب والعرب عايشين وقليل جدا لما حد منهم بيموت صغير !
الجوكر كان عادي جدا يعني ممثل شاطر وخلاص
ما اهو انتم بتضحكو وخلاص ونيجى نسأل هيا مصر دى بلد متخلفة ليه
الناس دى اساسا لو اتفرجت على كلامها و شخصيتها هما inspirational
يغيروا حاجات كتير
و فيه شباب تانيه كتير ( مش مشهورين ) ماتوا .
ربنا عاوز كده...
هيث ليدجر مات بجرعه مخدرات زايده تقريبا او اخد ادويه اكتئاب كتير مش فاكر
بس انا عايز اعرف هما كويسين من انهي ناحيه من وجهه نظرك ؟؟؟
الكويس من وجهة نظرى هو كل ما له اثبات ووجود فى الحياه يحمل رساله يجب عليه توصيلها لمن بعده ايا كانت هذه الرساله فهناك رساله اخلاقيه ودينيه وتربويه تعليميه فمن يتعامل مع الخدرات والمحرمات وكل شئ حرمه الله مرورا بالسكر والعربده والكثير فاى رساله يحملونها ياترى اغلب المشهورين رسالتهم معروفه الا من رحم ربى فمنهم ايضا الملتزم المحترم فرسالته اكيد تحمل اخلاق وعموما هى وجهات نظر ارجو تقبلها
ممكن موتهم لفت نظرك علشان مشاهير وبالنسبة لك في قاسم مشترك بينهم انهم ملهمين لغيرهم وده من وجهة نظرك ..... لكن علشان ماتوا مش بيتردد غير الكويس من اثرهم او علي النقيض لو كانو اشتهروا بالبشاعة زي السفاحين واللي برضه ليهم فانز او معجبين بيرددوا البشاعة والاجرام .... تخيل !!! .... معلش اسمحلي من الواضح انك سنك صغير وده مش تقليل منك اطلاقا لكن المعرفة اللي بنيت عليها سؤالك من الواضح انها من النت والميديا ومش كل اللي علي النت او الميديا حقيقي لكن اطلاعك وخبرتك ودراستك عليها عامل كبير في بناء فلتر عقلي يسمحلك تميز الفرق اكتر بين الحقيقي والمنطقي والمتفبرك ......علي العموم لكل حد من المشاهير بيتكون حوالية هاله من الفانز او المعجبين بيتتبعوا اخباره ويرددوها ويزيدوا عليها بعد تجميلها ويعيدوا نشرها وتلميعها وهي دي سنة الحياه خصوصا في عصر المعلومات الرهيب اللي بنعيشة ومنهم اللي بيعيد كتابة قصة المشهور وحرفيا من يوم اتولد لغاية موته وطريقة موته و كل حد واي حد بيضيف وبيردد بدون فهم وبدون وعي خصوصا انه مات ومفيش حد او شيء يصحح له او هيكدبة ده غير عامل التخيل اللي انت بنيت عليه في خيالك واتصورت تصرفاته وحركاته وكمان ردود فعلة في مواقف معينه وفية البعض بيستغل ده صح ومن هنا لما تلاقي حد يشبه العروسة باربي بالقديسة في بعض البلدان علشان ميعرفوش ان سر شهرة اسم باربي انها كانت اشهر مومس في المانيا في فترة من الفترات وده مش عيب بالنسبة لثقافة ومجتمع باربي !!!! وفيه مثل مصري مشهور ممكن يختصر القصة وانصحك تدور علي اصلة " ده احنا دفنينه سوا " وعلي النقيض فيه امثلة تستحق انك تقف عندها كتير علماء ومفكرين ومخترعين غيروا العالم اقربلك مما تتصور بل يمكن تكون انت شخصيا من نسل واحد منهم لكن انت متعرفش علشان ملهمش فانز ومفيش حد بيلمعهم ولا بيفكرنا بيهم ولا بيردد سيرتهم علشان سيرتهم تعيش ونتخذهم قدوة او علي الاقل نقول عليهم كانوا ناس كويسة !!! نصيحة من اخ ليك ابحث حواليك عن قدوة قيمة ... سامحني علشان طولت عليك سامحني واسمحلي اضيف ان غربتي علمتني احترم الرأي الاخر مهما كان لكن كان صعب عليا ان الاسماء دي هي اللي انت وقفت عندها وفكرت وسئلت واهتميت تبحث فيها وده مؤشر خطير لمن يهمة الامر وانت نفسك لو بحثت صح هتعرف السبب. ..... تحياتي