الموضوع كبييييييييير و مقهر جدا جدا

**Ayman_52** · 10-11-2008 07:09 PM

المشاركة الأصلية كتبت بواسطة upnemo

الحمد لله الموضوع ابسط مما انت متخيل انت بنفسك هتروح الحرفيين وتشوف العربيات هناك عامله ازاي
بص هقولك علي جمله قالهالي واحد (انا معرفش هو مين) وقالهالي لما كانت عربيه من بتوع والدي اتحرقت كلها (ربنا ما يوري حد حاجه زي دي ويبعد عننا كل سوء يارب ويسترها علينا كلنا)
الراجل قاله مين اللي رزقك بالعربيه دي مش ربنا سبحانه وتعالي قاله ونعمه بالله طبعا ربنا
قالوا خلاص ربنا ادالك نصها واخد منك نصها هتقوله لأ
اللي عايز اوصلهولك ان الحمد لله انها جت في الفلوس
والله حاجه بسيطه هتصرف كام يعني مش مهم المهم انك بخير
وانا انصحك بالحرفيين وحاول تظبط العربيه وتنزل بيها بلاش حكايه الونش دي لأن اللي انت هتصرفه حق الونش هتصرفه تظبيط العفشه

كـــلام مضبوط

وبجد ان شاء الله هترجع زى الاول بإذن الله....وبجد اهم حاجه سلامتك

**ashraf122** · 10-11-2008 08:16 PM

الحمدالله على سلامتك دى اهم حاجة الفلوس بتروح و تيجى فداك ، انا عربيتى فى التوكيل دلوقتى ماتركس 2008 لانى عملت بيها حادثة من شهر طبعا فى التوكيل حترجع زى الاول وكمان فى هناك جهاز لقياس ابعاد العربية و يتم التأكد ان الشاسية سليم و عربيتى مرت بالمرحلة دى

عيوب التوكيل
1-لا يوجد تصليح فى التوكيل تغير بس يعنى يغير الرفرف وميسمكروش والاسعار قطع الغيار ناااااااااااااااااااااااا اااااااار (تم تغير فى عربيتى رفرف خلفى و شنطة و اكصدام و دهانهم تقريبا بنكلم فوق 10000 جنية لسة معرفتش التكلفة النهائية)
2-الوقت فية قائمة انتظار حوالى 21 يوم و بعد كدة العربية تدخل تتصلح و مش حتاخد اقل من 3 اسابيع تصليح

المميزات ان العربية ترجع زى ما كانت و كذلك الدهان بيكون نفس درجة اللون

**BooDElGn** · 10-11-2008 08:46 PM

اولا احب اشكركم جميعا على مشاعركم النبيلة دى
انتوا بجد اكتر من اخوات الواحد مش عايز يخسرهم ابدا و قدر الله ما شاء فعل على كل شىء
اهوه نعمل ايه بقى نصيب و مكتوب و انا دلوقتى والله همى كله انها تبعد عن عينى و اوديها بقى لحد يتولها فانا واحد قريبى عرض عليا انه سيأخذها عنده يصلحها عند ناس يعرفهم و كده اهوه احسن من انا اروح لحد ما اعرفوش و ربنا معانا جميعا يارب و يصبرنى على ما ابتلانى و عايز برده اعرف رأيكم فى الكلام ده و جزاكم الله الف خير

**adelaboahmed** · 10-11-2008 10:56 PM

حمد لله علي السلامة وربنا يعوض عليك بالخير
أنا أعرف أن في سمكري ممتاز جداً في الحرفيين أسمه حسن دبوس ومعاه بتاع دوكو ممتاز برده وأنا متأكد أنهم ممكن يرجعو لك العربية زي ماكانت
بس أنا عارف برده أنهم غاليين
إنت ممكن تاخد الصور وتوريهالهم وتسأل في التوكيل وتشوف مين الأرخص والأحسن
وربنا معاك وألف حمد لله علي السلامة

**tamer51177** · 11-11-2008 01:02 PM

الحمد لله ، قدر الله وماشاء فعل
لا تحزن وربنا هيعوض عليك باذن الله

**El Prince** · 11-11-2008 01:57 PM

المهم انك انت بخير
لكن ماقولتش ازاى الحادثة حصلت

**hossameid** · 11-11-2008 08:57 PM

المشاركة الأصلية كتبت بواسطة BooDElGn

اولا احب اشكركم جميعا على مشاعركم النبيلة دى
انتوا بجد اكتر من اخوات الواحد مش عايز يخسرهم ابدا و قدر الله ما شاء فعل على كل شىء
اهوه نعمل ايه بقى نصيب و مكتوب و انا دلوقتى والله همى كله انها تبعد عن عينى و اوديها بقى لحد يتولها فانا واحد قريبى عرض عليا انه سيأخذها عنده يصلحها عند ناس يعرفهم و كده اهوه احسن من انا اروح لحد ما اعرفوش و ربنا معانا جميعا يارب و يصبرنى على ما ابتلانى و عايز برده اعرف رأيكم فى الكلام ده و جزاكم الله الف خير

ياعم الف حمدالله عالسلامة بركة انك بخير ومفكش حاجة,انا حاسس بيك وعارف الاحساس لمل بتكون ارفان من العربية ومش طايق تشوفها عشان حصل معايا قبل كدة,اهم حاجة تصلح العافشة الاول وبعدين تروح الحرفيين يوح اى حتة مش مشكلة,بما انك فسكندرية زيى فى ورشة ممتازة جدا للعفشة والحدادة فوسط البلد بجد ناس محترمة وعارفين شغلهم ومبيغالوش فالاسعار ممكن توريهلهم وتقارن بالتوكيل,لو تحب ابعتلى عالخاص واوصفلك مكانهم.

**heshaaam** · 12-11-2008 05:36 PM

ربنا يكرمك وتكون اخر الحوادث وتكوت ذكرى بعد سنوات وانت بتحكى ف المنتديات عن ذكرياتك مع العربيات ومايهمكش

**mohamed10** · 12-11-2008 08:32 PM

مش عارف اقول ايه غير ان لله مااعطى ولله مااخذ وربنا يصبرك على محنتك ويعوضك خيرا فيها وفى النهاية برضه احمد الله ان انت سليم وده بالدنيا وكمان ماتعرفش ايه اللى فى الغيب وربنا يشيل عنك ويوفقك لما فيه الخبر باذن الله