Corolla 2015 vs Astra 2015

**yahia.ali** · 27-03-2015 12:46 AM

الزملاء الأفاضل في قسم تويوتا
أنا في حيرة شديدة بين كورولا ٢٠١٥ اوتوماتيك فول اوبشن وأسترا كوزمو ٢٠١٥
الكورولا حل أكثر واقعية من وجهة نظري بس أنا حابب الأسترا أكثر
ممكن تساعدوني آخذ قرار؟
وبالنسبة للتويوتا ممكن أعرف مصاريف الصيانة الدورية كام؟ وهل فعلا الوكيل رفع العربية شوية عشان المطبات بشكل غير مدروس؟ وهل بلوتوث الكاسيت في فئة الفول اوبشن يمكن استخدامه لتشغيل ملفات صوتية على الموبايل أم يستخدم فقط مع التليفون مثل الكوزمو؟

**Optiplex** · 27-03-2015 01:28 AM

متحيرشى نفسك انت قلبك ميال للاوبل و عقللك ميال للتويو كنت زيك كدة من 3 سنين تقريبا و كنت متابع الاوبل قبل ما تنزل مصر و طبعا كانت الكورولا لسة ما اتولدتش و لظروف ما و غلو الاستر تقريبا 27 الف صرفت نظر عنها تزلت الكورولا و بدون مقدمات استفريت عليها حتى كان ساعتها سعرها كان اعلى من الرينج الى كنت متوقع تنزل بيها و كنت عارف انها تركى و ناس تقولى تركى اية الحق احجز من الياباتى قبل ما تخلص و على فكرة ما ندمتش انى ركبت العربية بالعكس كل مدى بيثتبتلى انى كنت صح مجرتش ورا الالمانى راى توكل عالله و احجز تويو بس بشرط تكون حاببها قبل ما تشتريها

**محمد مجدي محمد** · 27-03-2015 09:59 AM

بلاش الاسترا لانها بتمشي ببنزين 95 و دة بكلام التوكيل بتاعها
خليك في التويوتا بس خد بالك ان عافشتها بتتدب مع المطبات

**Mohamed.Hany** · 27-03-2015 01:20 PM

المشاركة الأصلية كتبت بواسطة yahia.ali

الزملاء الأفاضل في قسم تويوتا
أنا في حيرة شديدة بين كورولا ٢٠١٥ اوتوماتيك فول اوبشن وأسترا كوزمو ٢٠١٥
الكورولا حل أكثر واقعية من وجهة نظري بس أنا حابب الأسترا أكثر
ممكن تساعدوني آخذ قرار؟
وبالنسبة للتويوتا ممكن أعرف مصاريف الصيانة الدورية كام؟ وهل فعلا الوكيل رفع العربية شوية عشان المطبات بشكل غير مدروس؟ وهل بلوتوث الكاسيت في فئة الفول اوبشن يمكن استخدامه لتشغيل ملفات صوتية على الموبايل أم يستخدم فقط مع التليفون مثل الكوزمو؟

اجابة علي اسئلتك :
1. مصاريف صيانات كورولا ارخص بفرق ملحوظ عن الاسترا
2. التوكيل رفع العربية بشكل مدروس 100% و هي بتنزل بالارتفاع ده في بعض المناطق زي روسيا , يعني هما مخترعوش :)
3. اه بلوتوث العربية بيشغل ملفات صوتية عالموبايل

انت مستريح اكتر للاسترا فرأي اركب اللي تستريح له و بالتوفيق

**yahia.ali** · 27-03-2015 04:19 PM

المشاركة الأصلية كتبت بواسطة محمد مجدي محمد

بلاش الاسترا لانها بتمشي ببنزين 95 و دة بكلام التوكيل بتاعها
خليك في التويوتا بس خد بالك ان عافشتها بتتدب مع المطبات

شكرًا لحضرتك
بس على الفكرة الأسترا ٩٢ عادي، بس حسب ما فهمت ما تمنونش من محطات مش نضيفة

**Ammar** · 27-03-2015 08:53 PM

المشاركة الأصلية كتبت بواسطة محمد مجدي محمد

بلاش الاسترا لانها بتمشي ببنزين 95 و دة بكلام التوكيل بتاعها
خليك في التويوتا بس خد بالك ان عافشتها بتتدب مع المطبات

الأسترا بتمشي بنزين 92 عادي خالص ..

أنا رأيي الكورولا للي عاوز يريح دماغه ..

الأسترا للي عاوز يدلع نفسه ..

**yasser100** · 27-03-2015 10:41 PM

الكورولا من الداخل اوسع بشكل ملحوظ .و الموتور متناسب مع حجم و وزن العربيه . الاسترا كوزن اتقل ( 1400 كجم ) دايما باحس فى الاوبل بيكون الوزن مش متناسب مع قوة الموتور . شكل و فخامه الاوبل تكسب بصراحه بس مش بنسبه كبيره .