ذراع لقم 3/4 بوصة

**ahmed_eng2001** · 29-03-2015 08:33 AM

المشاركة الأصلية كتبت بواسطة mecha

دي لقم امباكت غاليه جدا يا هندسه ,مع مفتاح العزم بنستعمل اللقم العاديه المنكله

الله ينور عليك ... كلام صح الصح

**Mecha** · 29-03-2015 12:32 PM

المشاركة الأصلية كتبت بواسطة ahmed_eng2001

ربنا يعزك و يباركلك
و الحمد لله ان حضرتك راضى عن المعلومات البسيطة دى ... و يا باشا المعلومات البسيطة دى نتيجةخبرة بسيطة فى العمل ... و شوية نخورة بسيطة فى شارع الجمهورية ... الصور منزلها من على النت
و انا مبتدأ و على ادى خالص .. و بحب اتعلم

الباشمهندس ميكا ..ربنا يكرمه يعرف اكتر عن العدة دى ... و بنتعلم منه دائما .... ربنا يديم المعروف
و وضح ان الصور بتاعة اللقم دى للقم الراتل جن
و بالطبع يسعدنى جدا معرفة حضرتك و ان شاء الله نتقابل

يا باشا العفو ,احنا اخوة في المنتدي بنساعد وبنعلم بعض

**فتح الباب** · 29-03-2015 03:29 PM

بمناسبة العدد فين الاقى اصغر شنيور اللى هو بالبطاريه ده او بشاحن مش عارف وكمان مفتاح اللى بيشتغل بالهوا بس اصغر من بتاع الكاوتشىهو كده كده مشوار وخلاص لشارع الجمهوريه

**Mecha** · 29-03-2015 04:22 PM

علي ما اذكر وكيل بوش في بداية الجمهورية جهة رمسيس لليمين في مدخل جانبي

**فتح الباب** · 29-03-2015 04:36 PM

ياه وكيل بوش مره واحده ده هيبقى غالى اوى ولا تقريبا فى حدود كام

**ahmed_eng2001** · 29-03-2015 05:15 PM

افضل حاجة انك تجيب عدة كويسة ... تعيش معاك و متكسفكش .... بس سعرها غالى حبتين .... لو مش معاك فلوس .. عليك و على التايوانى ... و بعدها الصينى

اول شارع الجمهورية من ناحية رمسيس .... على ايدك اليمين ... اول شارع يمين ... رامى ... عنده كل حاجة بتاعة هواء ... بداية من Fitting و انتهاء بالكومبريسورات ... و مرورا بعدد و الات كتير ... و حتلاقى عنده تشكيلة كبيرة من مفاتيح الهواء ... كبيرة و صغيرة

قبله ( على ناصية الشارع ) فيه واحد معلق مفاتيح عزم فى الفاترينة ... خش و اسأل عنده و اتفرج على المفاتيح

الشنيور المحمول ... معاك من 200 جنيه صينى على اده ... لسة جايبة علشان اعمال الخشب .... لغاية 800 جنيه بوش ... بس الشنيور المحمول عزمه مش عالى زى الى بكابل كهرباء

انا معنديش كومبريسور هواء محترم ... علشان كدة جبت مفتاح كهرباء ... و جبتله طقم لقم طويلة لفك عجل العربية ... ارخص من مفتاح الهواء ... بس عزم اقل

**فتح الباب** · 29-03-2015 07:52 PM

الله ينور دى الرجاله كلها جاهزه خلى بالك انا بحب اقتنى الحاجات دى اوى وبالنسبه للشنيوى مش مهم العزم قوى اد ما يهمنى خفيته فى ايدى لانى بستعمل بنط صغيره اكبرهم ٥ ملى فاقل

**ahmed_eng2001** · 29-03-2015 11:18 PM

دى صور للمفتاح الكهربا ... اتقل من المفتاح الهوا ... اكبر حجما .. اقل عزما فى الربط ... و ارخص سعرا

كنت بدور على لقمة طويلة علشان افك العجل ... البياع ورانى الطقم ده ... 3 لقم لفك العجل و شكلهم حلو

ده شنيور بالبطارية ... 18 فولت

و شغال معايا كويس فى الخشب ببنط 10 مم ... بس بصراحة لسة مجربتوش فى الحديد

**فتح الباب** · 30-03-2015 01:19 AM

هههههههههههههههخ لو انت ما دخلتش المنتدى فى اى يوم هعرف انه بسببي المهم مفاتيح العجل فعلا شكلها جميل بس الواحد لو اتمسك بيهم يفتكروهم خرطوش اما الشنيور هل هو تقيل فى الوزن وبعدين بنط ١٠ ملى مش هستعملها فيه خالص وبكده هيعيش معايا كتير سعره كام ده وهو ده المطلوب بالظبط معايا

**ahmed_eng2001** · 30-03-2015 08:42 AM

يا باشا براحتك ... انا كمان بحب العدة

الشنيور مش تقيل .. و بطاريته كويسة .. سعره تقريبا 200 جنيه ... مش متذكر بدقة ...اشتريته من عند محل حدايد و بويات
الظرف بتاعه بيتربط بالايد ... زى اى شنيور ببطارية ... و ليه ظبط لعزم الرباط .. و بالطبع بيلف يمين .. و بيلف شمال

مفيد جدا و بيخليك حر الحركة و بينفع كمان فى ربط مسامير البرمة فى الخشب و مسامير الفشر

الموضوع: ذراع لقم 3/4 بوصة

LinkBack

أدوات الموضوع

عرض

-

-

-

-

-

-

المواضيع المتشابهه

نوت 2 للبدل ب نوت 8 بوصة أو تاب 2 شاشة 7 بوصة

ذراع النور

ذراع النور

ذراع المساحات

ذراع الاشاره

الكلمات الدلالية لهذا الموضوع

المفضلات

المفضلات

ضوابط المشاركة