الموضوع: استفسار هام بخصوص ثبات الفرنا؟؟

المشاركة الأصلية كتبت بواسطة borio1704

كلام الأستاذ alpoka779 سليم جدا على فكرة

الرجرجة على سرعة معينة معناها إن العجل عايز يترصص.. ولو فرضنا إنك ما رصصتش.. بمجرد ما تعدي السرعة اللي بيحصل عندها الرجرجة دي .. كل الكلام ده بيروح. . بس لو نزلت للسرعة دي تاني هتحصل الرجرجة تاني وتروح لو نزلت عنها


دي ظاهرة هندسية إسمها "الرنين".. وشرحها يطول.. بس اللي هو عمله ده سليم من ناحية إنه تخلص من الرجرجة... بس خطره أكبر من ناحية السلامة بسبب إنك ماشي بسرعة عالية على الطرق المصرية اللي لا تأمن فيها الطريق ولا اللي ماشيين عليه.. ولا حتى اللي ماشيين على رجليهم.


...

هو انا كنت لسه شاري العربيه من شهر ومكنتش واثق فيها اوي وكنت مسافر العجمي ومعايا الاسره فقلت مش هزود عن 100 بس ظهرت الرجه الجامده ديه وانا كنت عارف انه ترصيص بس لما زوت السرعه الرجه راحت وكمان الي خلاني امشي بالسرعه ديه ان الطريق مفتوح ومفيهوش مشاكل ولكن نصيحه متزودش عن120 باي حال ومتسخنش من الناس الي بتجري جمبك الخطر بيحصل في لحظه وربنا يستر طريقنا كلنا