الحكاية دي منتشرة جدا
أنا مرة ماشي على طريق المنصورة دمياط الصبح ...لقيت عربية مرور وقمعين وجوز عساكر واقفين ..شاورولي وقفت ...قلتهم فيه ايه ...قالولي عايزين نفطر يا بيه ... قاموا صعبوا عليا الحقيقة فادتيهم 2 جنية ومشيت.
مرة ثانية وكان قبل العيد وكان العيد جاي في نص الشهر وما فيش فلوس طبعا مع كل الموظفين اللي زي حالاتنا بما فيهم الضباط.
وكنا راجعين من اسكندرية على الطريق الدولي علشان أخويا كان جاي من السفر عن طريق مطار اسكندرية ..وبعد كوبري رشيد كده في مدخل كفر الشيخ ..لقينا بوكس واقف ..يعني مش مرور ..شرطه عادية والظابط قاعد على كرسي وضارب النظارة السودة .والعيال المخبرين بيحلقوا على العربيات ... وكنت راكب جنب السواق لقيت المخبر بيقوله .. 15 جنيه . لا سأله رخص ولا حاجه ..هي فرده بمناسبة العيد يعني علشان البيه الظابط يعرف يعيد كويس.
فاكرين سنقر الكلبي.... أهو ده رجل الشرطه في مصر منذ عصر المماليك وحتى الآن ..يتمتع بكل الميزات ويتقاضى أعلى المرتبات ومع ذلك لا يشبع.
مع بالغ احترامي ..... ولكن للمحترمين فقط