لسة شاري بيتل الحمد لله حالتها الله أكبر عليها 100 % بجد أنا شايفها , اللي فيها مساعد ولا بوش مش شايفه حوار خالص
الفكرة بقا مؤخرا لقيت لمبة الزيت بترعش مع السرعة العالية لفترة
يعنى
أجري على 100 ( والعربية ممكن تجري عن كده عادي ومرتاحة يعنى ) يدوبك شوية كده وبمجرد ما أشيل رجلي من البنزين أمور أو مطب مثلا وأسيبها تهدا شوية , أول ما تهدا لمبه الزيت ترعش , عديت المطب وكملت جري تطفي ولا الهوا
العربية ماتورها لسة متعمر من اللى شاريها منه , ومفيش صوت عالي ما شاء الله مقارنة بالصوت الطبيعي صوتها ممتاز , الزيت لسة مغيرة , طبعا الفتاوي اللى اتقالتلي بالعبيط
بس آخر حاجة من 2 ميكانيكية كلمتهم ع النت ( آدم كابو والحاج عاطف عبده فرج ) يعنى الإتنين ماشاء الله أساتذه قالولي أمان امشي ولا حاجة وناس كتير قالتلي كده
وميكانيكي تاني ( على الموباايل ) اللى هوا كنت ناوي أتعامل معاه , مسألنيش حتى العربية صوتها عالي أو أو , لأ على طول قالي سبيكة ( وقبل كده رفعلي سلك دبرياج ب 20 جنيه :' فا تقريبا بيشتغلني يعنى وعايز يكسب وخلاص , وناس كتير على جروبات بيتل طمنوني إن مفيهاش حاجة خالص وبتحصل معاهم بقالها سنين , وانها خطر بس لو نورت مطفتش مهما دوست والحمد لله دي محصلتش ^_^
الفكرة بقا إن خلاص اعتمدت ان الحمد لله مفهاش حاجة وتمام , بس لمبة الزيت وهيا بترعش لما بهدي بترعش بسرعة جداااااااااااااااااااا بتخوفني بغباء , ده اللى خلاني أسأل هنا تاني برده وتأكيد على المعلومة مع انى مش بحب التشتيت بس عشان أفهم الرعشة جامد دي أمان برده !!
الفكرة بقا إني كده كده هحاول أضرب مشوار لآدم ف الاجازة عشان عندي امتحانات بس ونعمل زي Check على كل حاجة كده , بس لحد ما ييجي الوقت ده
أمان رعشة اللمبة بسرعة أو ببطء طول منا مش دايس بنزين !!
تاني حاجة , عايز ميكانيكي نضيف وصنايعي ف الحرفيين بس مؤقتا :(
شكرا جزيلا